“შიმშილის თამაშები: კაჭკაჭჯაფარა – ნაწილი 2″
სუზან კოლინზის ტრილოგიის ადაპტაცია გრძელდება. მესამე წიგნის პირველი ნაწილი მაყურებელმა უკვე იხილა. 2015 წლის ნოემბერში კი ბოლო სურათი გველის.
მთავარი როლები: ჯენიფერ ლოურენსი, ჯოშ ჰატჩერსონი, ლიამ ჰემსუორთი, ვუდი ჰარელსონი.
სიუჟეტის შინაარსი: კეტნის ევერდინი და პიტა მელარკი ცდილობენ, კაპიტოლის წინააღმდეგ წამოწყებულ სამოქალაქო ომში გაიმარჯვონ. იღბალი ამჯერადაც მათ მხარესაა.
“ჯუნგლების წიგნი”
რადიარდ კიპლინგის “ჯუნგლების წიგნი” განახლებული ეკრანიზაციით ბრუნდება. ამჯერად, მულტფილმის გმირების მაგივრად, ნამდვილ ადამიანებს ვიხილავთ. სავარაუდო პრემიერა 2015 წლის 8 ოქტომბერს შედგება.
მთავარი როლები: სკარლეტ იოჰანსონი, იდრის ელბა, ბენ კინგსლი, ბილ მურეი, ქრისტოფერ უოლკენი.
სიუჟეტის შინაარსი: ჩვილი ბავშვი ჯუნგლებში, ცხოველების გარემოცვაში იზრდება. მისი ერთგული მეგობრები არიან ბაგირა და ბალუ. შარხანი დაუძინებელი მტერია, რომელსაც მაუგლის შეჭმა სურს. ყველაფერი კიდევ უფრო იძაბება, როცა სურათში სხვა ადამიანი შემოდის.
“დაივერჯენტი: მეამბოხე”
ფილმი ვერონიკა როთის მეორე წიგნზეა დაფუძნებული. ნოველის სათაური იგივეა – “მეამბოხე”. ეკრანიზაციის პრემიერა 2015 წლის 19 მარტსაა დაგეგმილი.
მთავარი როლები: შეილინ ვუდლი, თეო ჯეიმსი, ჯეი კორტნი, მაილს ტელერი, კეიტ უინსლეტი.
სიუჟეტის შინაარსი: პოსტაპოკალიფსურ ჩიკაგოში მხოლოდ ერთი არჩევანი გაქვს. უნდა აირჩიო ერთ-ერთი: სიმართლის სიყვარული, ალტრუიზმი, პარტნიორობა, ერუდიცია ან გამბედაობა…
“გრეის ორმოცდაათი ელფერი”
ფილმი დაფუძნებულია ბრიტანელი მწერლის, ე.ლ. ჯეიმსის ეროტიკულ ნოველაზე “გრეის ორმოცდაათი ელფერი”. ეკრანიზაციის პრემიერა 14 თებერვალსაა დაგეგმილი.
მთავარი როლები: ჯეიმი დორნანი, დაკოტა ჯონსონი, ლუკ გრაიმსი, ვიქტორ რასუკი.
სიუჟეტის შინაარსი: ლიტერატურის ფაკულტეტის სტუდენტი ინტერვიუს ჩასაწერად ხვდება მომხიბვლელ მილიარდერს, რომელიც გოგონას სექსუალურ და ვნებებით სავსე სამყაროში ამოგზაურებს.
“ფრანკენშტეინი”
საკმაოდ საშიში ფილმი მერი შელის მიერ ორი საუკუნის წინ დაწერილ წიგნზეა დაფუძნებული. ეკრანიზაცია ოქტომბერში შედგება.
მთავარი როლები: დენიელ რედკლიფი, ჯეიმს მაკევოი, ჯესიკა ბრაუნ-ფინდლი, ენდრიუ სკოტი, მარკ გეიტისი.
სიუჟეტის შინაარსი: ახალი ადაპტაციაც შინაარსობრივად ძველის ანალოგია. უბრალოდ, იგორის როლს “ჰარი პოტერი” ასრულებს
“მორტდეკაი”
ფილმი სირილ ბონფიგლიოლის ამავე სახელწოდების ტრილოგიაზე იქნება დაფუძნებული. პრემიერა 19 თებერვალს შედგება.
მთავარი როლები: ჯონი დეპი, გვინეთ პელტროუ, ევან მაკგრეგორი და სხვები.
სიუჟეტის შინაარსი: ტიპური “ჯონი დეპი” – მომხიბვლელი და უცნაური გმირი გოიას მოპარულ ნახატზე ნადირობს.
წყარო: allmovies.ge