არგენტინულმა გამომცემლობა ,,Eterna Cadencia“-მ ამ პრობლემის აღმოსაფხვრელად, მკითხველებს შესთავაზა წიგნის ორიგინალური კონცეფცია, საინტერესო სახელით «El Libro que No Puede Esperar» (წიგნი, რომელსაც არ შეუძლია ლოდინი). წიგნი დაიბეჭდება მელნით, რომელიც გახსნიდან 2 თვის შემდეგ გაქრება.
წიგნი შეფუთულია პლასტიკურ სახვევში, რომლის გახსნის შემდეგაც მელანი იწყებს დაძველებას. 60 დღის შემდეგ კი მკითხველს არაფერი დარჩება, გარდა ცარიელი გვერდების ყურებისა. მელანი რეაგირებს სინათლესა და ჰაერზე, რის გამოც თანდათან ქრება. ასე რომ, ფული ტყუილად გადაყრილი რომ არ გამოდგეს, არ ღირს ასეთი წიგნის დიდი ხნით გვერძე გადადება.
ასეთი წიგნის შექმნის იდეა, გამომცემლობას იმიტომ გაუჩნდა, რომ დამწყებ ავტორებს უჭირდათ თავის დამკვიდრება და თუ მათ პირველ წიგნს არ წაიკითხავდნენ, მაშინ ვინ მოისურვებდა მისი შემდეგი ნაწარმოების წაკითხვას?
წიგნი რომელიც არ გელოდებათ, არ დაუშვებს, რომ დიდი ხნის განმავლობაში გამოუყენებლად იდოს და მტვერი დაედოს. ასევე მოგცემთ სტიმულს, რათა მეტი იკითხოთ. შეიძლება სწორედ ეს იდეა დაეხმაროს გადარჩენაში ნაბეჭდ წიგნებს, რომლებიც ელექტრონულებმა ჩაანაცვლა.
თაკო ცილიკიშვილი
წყარო: www.Lady.Mcvane.Ge