თუ დასავლეთის ქვეყნებში ქორწილში თაიგულის სროლა და საქორწილო ტორტის დაჭრა ამ დღესასწაულის განუყოფელი ნაწილია, სხვადასხვა კულტურის ქვეყნებში, განსაკუთრებით აზიაში, რადიკალურად განსხვავებულ ტრადიციებს მისდევენ.
1. ყველა პატარძისთვის ქორწილის დღე ემოციურად დატვირთულია. ჩინეთში ქორწილამდე საპატარძლომ ყოველ დღე თითო საათი უნდა იტიროს. ათი დღის შემდეგ საპატარძლოს დედა და ბებია უერთდებიან. თვის ბოლოს კი ოჯახის ყველა ქალბატონი ტირის. ჩინური ტრადიციის მიხედვით, ქალბატონების ტირილი ხმის სხვადასხვა ტონში სიხარულის მომტანია.
2. ინდოეთის ზოგიერთ რეგიონში მოსახლეობის აზრით ქალი დაწყევლილი არსებაა, რამაც მეუღლის ადრე გარდაცვალება შეიძლება გამოიწვიოს. ამიტომ ქალბატონს მამაკაცზე დაქორწინებამდე ხეზე ათხოვებენ. იმისთვის, რომ წყევლა ბოლომდე მოიხსნას, აუცილებელია, ხე მოიჭრას.
3. კორეაში დაქორწინებამდე სასიძოს ტერფებში თევზს ან ლერწამს ურტყამენ. რა თქმა უნდა დარტყმა მტკივნეულია, მაგრამ ამას საქორწინო რიტუალის ერთ-ერთ სახალისო მომენტად თვლიან. ტრადიციის შესრულების შემდეგ სასიძოს პირველ ღამეს იმედი არ გაუცრუვდება.
4. ინდონეზიაში დაქორწინებულ წყვილს თაფლობის თვეს საპირფარეშოში გასვლა 3 დღე ეკრძალებათ. წყვილს 3 დღის განმავლობაში აკვირდებიან. მათ მინიმალური რაოდენობის საკვების მიღება შეუძლიათ. ინდონეზიური საქორწინო ტრადიციის შესრულების შემდეგ ცოლ-ქმარს ბედნიერი თანაცხოვრება ექნება და ბევრი შვილი გაუჩნდებათ.
5. ინდოეთის ზოგიერთ ნაწილში ქორწილის დღეს საპატარძლოს და სასიძოს ოჯახის წევრები წყვილის ფეხსაცმლის მოპარვას ცდილობენ. თუ საპატარძლოს ნათესავებმა სასიძოს ფეხსაცმელი მოპარეს, სასიძოს მათთვის ფეხსაცმლის გამოსაყიდის გადახდა მოუწევს.
6. კენიაში, მასაის ტომის ქორწილში პატარძალს მამა ლოცავს. ის შვილს გულმკერდსა და თავში აფურთხებს. ამ რიტუალის შემდეგ პატარძალი მეუღლესთან ერთად სოფელს უკან მოუხედავად ტოვებს. ტრადიციის მიხედვით, თუ პატარძალმა უკან მოიხედა ის ქვად იქცევა.
7. გერმანიაში „Polterabend“ წოდებული ტრადიციის მიხედვით, ახალდაქორწინებულებს ჭურჭელს ჩუქნიან. მათ ნაჩუქარი ჭურჭელი უნდა დაამსხვრიონ. მათი აზრით, ჭურჭლის მსხვრევის ხმა ავ სულებს დააფრთხობს.
წყარო: sazogadoeba.ge