,,მძინარე ნიმფები“ სერგეი მარშენიკოვი
ვისენტ რომეროს ,,ლირიკული განწყობა“
ვისენტ რომერო რედონდო (Vicente Romero Redondo) დაიბადა მადრიდში 1956 წელს. ბავშვობიდან ოცნებობდა მხატვრობაზე. რაღაც პერიოდში, მან თავი მოქანდაკეობას მიუძღვნა, მაგრამ ერთ მშვენიერ დღეს გააცნობიერა, რომ თავის გამოხატვას მხოლოდ ფერწერაში შეძლებდა. ვისენტი არაჩვეულებრივად ახერხებს რეალიზმისა და თავისუფალი ფერების გაერთიანებას, თავის რომანტიულ პორტრეტებში.
ანდრე კონის ,,ვნებიანი სილუეტები“
ვნება, რომანტზმი, ცეკვა, საიდუმლო, გამოცანა, გრძნობების ვულკანი, დიდებული ქალები-ყველაფერი ეს ანდრე კონიაა (Andre Kohn). იგი დაიბადა ვოლგოგრადში 1972 წელს. 1984 წელს ის ოჯახთან ერთად საცხოვრებლად მოსკოვში გადავიდა, შემდგომ ჩააბარა მოსკოვის უნივერსიტეტში , 1992 წელს ემიგრაციაში წავიდა ამერიკის შეერთებულ შტატებში. მისი ნამუშევრები მალევე შენიშნეს, ბევრი მათგანი ინახება: კერძო, კორპორაციულ და სამუზეუმო კოლექციებში, მთელი მსოფლიოს მასშტაბით.
სტივ ჰენკსის ,,ემოციური რეალიზმი“
ნახატზე გამოსახული ადამიანთა სახეები მუქ ჩრდილებშია ან ისინი ზურგით დგანან. ამ ხერხს მხატვარი შემდეგი მიზეზის გამო მიმართავს, მას სურს რომ სხეული ,,საუბრობდეს“ ადამიანთა ემოციებზე. ,, მე ყოველთვის ვცდილობდი მეჩვენებინა მსოფლიოსთვის პოზიტიური ასპექტები. ვიმედოვნებ, რომ ჩემს ნამუშევრებს მოაქვთ ბედნიერება, მშვიდობა და კომფორტი მნახველების ცხოვრებაში“-ამბობს ჰენკსი.
,,ოცნება ზღვაზე“ მიხეილ და ინესა გარმაში
მხატვრებს შორის იშვიათად თუ გვხვდებიან ხელოვანი წყვილები. თუმცა, მიხეილ და ინესა გარმაშები - იმათ რიცხვში შედიან, რომელთა კავშირიც ნაყოფიერია შემოქმედებითი ტანდემისთვის. ისინი ხშირად თავიანთ ქალიშვილს ხატავენ. წყვილი მუშაობს არა მხოლოდ ტილოზე, არამედ მოზაიკისა და ვიტრაჟის ტექნიკებზეც.
,,შუადღე სამხრეთში’’ პინო დაენი სამხრეთული შუადღე
პინო დაენი (Pino Daeni) დაიბადა 1939 წლის 8 ნოემბერს იტალიაში. 1960 წელს ჩააბარა მილანში, ბრერის აკადემიაში. ის ხატავდა შიშველ მოდელებსა და უამრავ ეტიუდს ადამიანის ფიგურებით. მისი მხატვრული სტილის ფორმირებაზე დიდი გავლენა მოახდინეს პრერაფაელისტებმა. პინოს ნამუშევრები-ეს ჰიმნია ქალურობის, სინაზისა და უსასრულო მშვენიერების.
თაკო ცილიკიშვილი
www.Mcvane.Ge