დაბადების თარიღი: 1982 წლის 5 ივლისი
დაბადების ადგილი: სტამბული, თურქეთი
სიმაღლე: 173 სმ.
ზოდიაქოს ნიშანი: კირჩხიბი
პროფესია: დიზაინერი - სკოლის დამთავრების შემდეგ დაამთავრა თურქეთის ხელოვნების უნიერსიტეტში სცენის დეკორაციისა და კოსტუმების დიზაინის ფაკულტეტი.
ბავშვობის ოცნება: უნდოდა, გამოსულიყო მასწავლებელი, შემდეგ - ვეტექიმი, თუმცა საბოლოოდ მოდელი და წარმატებული მსახიობი გახდა.
ჰობი: დიზაინი და ხატვა
პირველი გამოჩენა ფართო საზოგადოების წინაშე: სტუდენტობის პერიოდში ცნობილი ბრენდების „Pantene" „Molped" „Kremini" „Maximum Cart"-ის სარეკლამო რგოლებში მონაწილეობდა. დღემდე თმის მოვლის საშუალების „Pantene"-ის სახეა. სწორედ აქ შენიშნა თურქული სერიალის „სულთანის" რეჟისორმა და 2003 წელს ამ სერიალში გადაღება შესთავაზა - ასე დაიწყო უმშვენიერესი ტუბას სამსახიობო კარიერა.
ყველაზე წარმატებული როლი: სერიალი „ასი", სადაც მურად ილდირიმთან ერთად მონაწილეობს, საოცრად პოპულარული გახდა. იგი არაერთმა უცხო ქვეყანამ შეიძინა და მონტე კარლოს 51-ე სატელევიზიო ფესტივალზე წარდგენილი იყო, როგორც საუკეთესო საპნის ოპერა.
ფილმოგრაფია:
სერიალი „სულთანი" (ნესრინის როლში) - 2003 წელი;
სერიალი „გულიზარი" (გულიზარის როლში) - 2004 წელი;
სერიალი „მამაჩემი და ჩემი შვილი" (აისუნის როლში) - 2005 წელი;
სერიალი „ასი" (ასის როლში) - 2007-2009 წელი;
სერიალი „ბოშა ქალი" (ჰასრეთის როლში) - 2010 წელი;
სერიალი „ოცი წუთი" (მელეკის როლში) - 2013 წელი;
სერიალი „შავი ფული და სიყვარული" (ელიფის როლში) - 2014 წელი;
პირადი ცხოვრება: 2005-2007 წლებში რომანი ჰქონდა ბიულენტ ინალთან. ტელესერიალ „ასის" გადაღების დროს გაიცნო ოპერატორი სამი საიდანი, რომელთანაც 2010 წლამდე იყო სასიყვარულო ურთიერთობაში. 2011 წელს ტუბა ცოლად გაჰყვა მსახიობ ონურ საილაკს - მათი ურთიერთობა სერიალი „გაყოფილი გულის" გადასაღებ მოედანზე დაიწყო. 2012 წლის 9 იანვარს შეეძინა ტყუპი გოგო - მაია და ტოპრაკი.
ტუბასა და მისი მეუღლის ონურ საილაკის მიმართ გულშემატკივრების ინტერესი მუდმივად დიდია. არ წყდება ჭორები მათი განქორწინების შესახებ. წყვილმა, რომელსაც ერთი შეხედვით იდეალური ურთიერთობა აქვს, 2014 წლის საზაფხულო არდადეგები ცალ-ცალკე გაატარა - ტუბა ბავშვებთან ერთად ბოდრუმში გაემგზავრა, ხოლო ონურ საილაკი სტამბულში დარჩა.
ტუბა ბუიუკუსტუნის გულშემატკივრები იმასაც ვარაუდობენ, რომ შემთხვევითი არ არის ტუბასა და მურად ილდირიმის (პარტნიორი სერიალში „ასი") ოჯახების დანგრევა.
აღიარება: 2007-დან 2011 წლამდე მიღებული აქვს ჯილდოები შემდეგ ნომინაციებში: „ტელესერიალის საუკეთესო მსახიობი"; „ყველაზე იღბლიანი მსახიობი"; „წლის საუკეთესო მსახიობი"; „წლის მსახიობი ტელეეკრანზე".
დღესდღეობით ის ყველაზე ძვირადღირებული თურქი მსახიობი ქალია.
მის ფოტოებს შეხვდებით ყველაზე მოდური ჟურნალების ყდებზე. 2014 წელს ტუბა UNICEF-ის კეთილი ნების ელჩი გახდა. ხშირად სტუმრობს ლტოლვილთა ბანაკებს და სწორედ ამიტომ მას „თურქი ანჯელინა" შეარქვეს.
იდეალური დილა: ფინჯან ყავასთან ერთად საყვარელი წიგნის კითხვა. არ აქვს მნიშვნელობა წიგნის შინაარსს.
ჩაცმის სტილი: უპირატესობას კომფორტულ და მოხერხებულ ტანსაცმელს ანიჭებს.
საყვარელი ბრენდი: სონია რაკელი.
საყვარელი მსახიობი: კეიტ ბლანშეტი, ოდრი ჰეპბერნი. ფილმი, რომელშიც ისურვებდა მონაწილეობას: „საუზმე ტიფანისთან".
საინტერესო ინფორმაცია: ეშინია ზღვაში ზვიგენის დანახვის. მამაკაცში უპირველესად მის ხელებს აკვირდება. გასულ წელს ფანებმა ტუბას, დაბადების დღის აღსანიშნავად, მიართვეს წიგნი სახელწოდებით „უპირობო სიყვარული", რომელშიც 4 მილიონზე მეტმა ადამიანმა ტუბას შესახებ შთაბეჭდილებები და კეთილი სურვილები ჩაწერა.
funtime.ge