ეს კადრები ფოტოგრაფმა, დუგლას კირკლენდმა გადაიღო. ფოტოები წიგნში, "კოკო შანელი: სამი კვირა/1962 (Coco Chanel: Three Weeks/1962) გაერთიანდება. 144 გვერდიანი წიგნი კოკოს Ritz-ის აპარტამენტში ცხოვრებასა და სტუდიაში დეფილესთვის მზადების პროცესზე მოგვითხრობს.
ფოტოები პარიზში 21 დღის განმავლობაშია გადაღებული. 79 წლის შანელის გადაღების დროს, ფოტოგრაფი 27 წლის იყო და ჟურნალ Look-ში მუშაობდა. დიზაინერთან თანამშრომლობას ფოტოგრაფი იხსენებს. დუგლასი ეხლა 80 წლისაა.
"მისი შავი თმა ქუდის ქვეშ იყო მიმალული. ერთხელაც არ მინახავს, მოეხსნას. 79 წლის ასაკშიც კი უმწიკლო პოზა ჰქონდა, ბალერინასავით იდგა. დიდი ენერგია ჰქონდა. ყველა მისდამი პატივისცემას გამოხატავდა. თავდაჯერებულ განცხადებებს აკეთებდა. როცა ეს საქმე დამავალეს, ძალიან ვნერვიულობდი. მჯერა მოვეწონე. იმ დროს კოკო, ისევე როგორც ბევრი ფრანგი ინგლისურად არ საუბრობდა. ერთხელაც ატელიესთან პირისპირ აღმოვჩნდით. თვალებში მიყურებდა და მითხრა "Salut" - დავიბენი, არ ვიცოდი როგორ მეპასუხა. მოულოდნელად, სრულყოფილი ინგლისურით მითხრა - მოგესალმეო. მოგვიანებით ვერსალში წავედით. ზაფხულის მზიანი დღე ნაცრისფერი ცითა და გრილი ამინდით შეიცვალა. წვიმა წამოვიდა. ჩემი ქურთუკი შევთავაზე. მან მხარზე საწვიმარი საოცრად ელეგანტურად, მოდურად მოათავსა. დისტანციაზე მისი პატარა ფიგურა შევნიშნე. ეხლაც მახსოვს ეს გრძნობა - საკუთარ თავს ვკითხე, ასეთი პატარა პიროვნება ამ სიძლიერეს როგორ განკარგავსო. ჩუმად კამერა მოვიმარჯვე და მასთან მუშაობისას უკანასკნელი ფოტო გადავიღე", - იხსენებს ფოტოგრაფი.
მოდის მუზა 1971 წელს პარიზში 87 წლის ასაკში გარდაიცვალა.
info9.ge