პირველი, რაც ნინოს სახლში შესულებმა შევამჩნიეთ, თეთრ კედელზე წაწერილი მერილინ მონროს ფრაზა იყო: „მაკიაჟისა და ღიმილის მიღმა, მე ვარ გოგო, რომელიც მსოფლიოზე ოცნებობს...“
მერილინ მონროს ეს სიტყვები ქართველი მსახიობის ხასიათს ზუსტად ესადაგება.
„გოგონა, რომელიც ბევრს კითხულობდა“, - ასე გაიხსენა ნინო ერთმა საერთო ნაცნობმა. შექსპირთან და დოსტოევსკისთან ერთად, მისი ერთ-ერთი ყველაზე საყვარელი ავტორი მიხეილ ჯავახიშვილია. ამიტომ ძალიან გაუხარდა, როცა მარჯანიშვილის თეატრში „ჯაყოს ხიზნებში“ მარგოს როლზე მიიწვიეს.
ნინოს სახლის კიდევ ერთ კედელზე ოდრი ჰეპბერნის ფოტოც შევნიშნეთ და ორი მსახიობის გარეგნობას შორის საოცარი მსგავსებაც ვიპოვეთ. ნინო აღრთოვანებულია ოდრის არტისტული ტალანტით, მისი ცხოვრებით, ისტორიებითა და სილამაზით. მიუხედავად ამის მიაჩნია, რომ მსახიობისთვის მთავარი ინდივუდუალურობაა და არა სხვასთან ასოცირება.
წლების შემდეგ თავი წარმოუდგენია ორი ან მეტი შვილის დედად, რომელიც ისევ აქტიურად იქნება ჩართული თეატრის ცხოვრებაშიც და კინოშიც. ცხოვრებას კი ისეთ ქვეყანაში ისურვებდა, სადაც მეტი სიმწვანე და ლამაზი არქიტექტურაა.
funtime.ge