უახლესი კვლევების თანახმად, ადამიანზე კარგი შთაბეჭდილების მოხდენა სახის გამომეტყველებით უფრო ადვილია, ვიდრე მოდური სამოსით.
იორკის უნივერსიტეტის მკვლევარებმა ადამიანების სახის ფოტოებიდან 16 სახის ნაკვთი გააანალიზეს და 3 კატეგორიად დაყვეს: მისაწვდომობა, ახალგაზრდობა/მიმზიდველობა და დომინანტობა.
კვლევამ აჩვენა, რომ შთაბეჭდილებები ცხვირის, თვალის და პირის მიდამოებში, 100 მილიწამში ზომად მახასიათებლებში წარმოიქმნება.
სახის ნაკვთები უმეტესწილად პირის ფორმასთან ასოცირდება, მაგალითად, ღიმილი ადამიანის მისაწვდომობასა და გახსნილობაზე მეტყველებს, მიმზიდველობის შტრიხი თვალის სახასიათო გამომეტყველებასთან არის დაკავშირებული, დიდი თვალები ახალგაზრდობასთან ასოცირდება, დომინანტობას, ანუ გავლენიანი ადამიანის შთაბეჭდილებას წარბების სიმაღლე და სისქე, ყვრიმლის ძვალი და სხვა სტერეოტიპული, მამაკაცური მახასიათებლები განსაზღვრავს.
მიუხედავად ამისა, მკვლევარებმა აღნიშნეს, რომ თითოეულ თვისებას ბევრი მნიშვნელობა აქვს და სახის რომელიმე ნაკვთისთვის კონკრეტული მნიშვნელობის მინიჭება ხანდახან რთულია.
ერთისა და იმავე ადამიანის სხვადასხვა ფოტოსურათი სხეულის მდგომარეობის და სახის გამომეტყველების მიხედვით, შეიძლება, სხვადასხვა შთაბეჭდილებას ტოვებდეს.
გადაღებისას განათება და კამერის ადგილ-მდებარეობა სახის გამომეტყველების ამოცნობაში დიდ როლს თამაშობს. პროფილის სურათი ონლაინ ურთიერთობებში, პირველი შთაბეჭდილების მოხდენის თვალსაზრისით, განსაკუთრებით მნიშვნელოვანია. მკვლევარების აზრით, მამაკაცებს გაუპარსავი წვერი დომინანტ და გავლენიან ფიგურად ვერ წარმოაჩენს.
ტომ ჰარტლი, იორკის უნივერსიტეტის ნეირომეცნიერი და ფსიქოლოგი: პირველმა შთაბეჭდილებამ, შეიძლება, შეცდომაშიც შეგიყვანოთ და ადვილი შესაძლებელია, რომ სიმართლისგან შორსაც იყოს. წინდახედულობა გამოიჩინეთ როდესაც თქვენს რეზიუმეს, ან გაცნობის საიტს სურათს დაურთავთ. ფოტოსურათი დაკვირვებით შეარჩიეთ, იმისთვის რომ მან არარსებული და ყალბი შთაბეჭდილება არ მოახდინოს.
თუ გსურთ, რომ ურთიერთობებში მისაწვდომი და ახალგაზრდა ჩანდეთ, შეარჩიეთ წინა ხედიდან და არა გვერდიდან გადაღებული სურათები. ღიმილით და თავის დახრილ მდგომარეობაში გადაღებული სურათი უფრო სასურველს გაგხდით. სასურველია, სურათში გამოკვეთილად ჩანდეს თვალების მიმზიდველობაც.
sazogadoeba.ge
პროფილის სურათის როლი ონლაინ ურთიერთობებში
⏱️ 1 წთ.
👁️ 2 722
100%
