თავად ყვავილისგან განსხვავებით - შეუხედავი და ფერმკრთალი-ყვითელი - ადამიანები, რომლებიც დაიბადნენ ამ ყვავილის ნიშნის ქვეშ, არიან ყურადღებიანი, გონიერნი და შეუპოვარნი. თავი ფუტკარას კარგად უმუშავებს, როგორც გამომთვლელი მანქანა - სწრაფად და საღად, ყოველთვის პოულობს სწორ გამოსავალს ცხოვრების ყველაზე რთული და ჩახლართული სიტუაციებიდან. არ ეშინია არანაირი ბრძოლის. მას გააჩნია შინაგანი ძალა, სწორედ ის ღერძი, რომელიც არ აძლევს უფლებას, რომ მოტყდეს. თუმცა ნერვები ცოტა არ იყოს ღალატობენ. მას თითქმის არ ჰყავს მეგობრები ან ადამიანები, რომლებსაც შეუძლია ენდოს. ემოციები ძალიან შეზღუდული აქვს და ყოველთვის კონტროლის ქვეშ.
ფუტკარა თითქმის ყოველთვის იქნება იმ ადამიანთან, რომელიც არ დაიბნევა კრიტიკულ მომენტში, პასუხისმგებლობას აიღებს მომხდარზე, გადაეფარება ნებისმიერ „ამბრაზურას“. მას ძალუძს აიყოლიოს ხალხის მასები, მაგრამ ამისთვის ხარჯავს დიდ სულიერ ენერგიას, ამიტომაც ურჩევნია მარტომ იმოქმედოს. ეს ეხმარება იყოს უფრო მობილური. ფუტკარა ხშირად იცვლის ადგილსამყოფელს ან საქმიანობის სფეროს; აიხსნება მხოლოდ ერთით - მრავალმხრივი ნიჭის პატრონი ეძებს მოღვაწეობისთვის შედარებით ფართო მოედანს.
ფუტკარა ნაკლებად აქცევს ყურადღებას საკუთარ გარეგნობას და თითქმის არ გააჩნია შარმი. ხშირად სცემენ პატივს, იშვიათად უყვართ, თუმცა პრაქტიკულად ეს მას ნაკლებად ადარდებს. შეიძლება აწუხებდეს თავის ტკივილები.
მაგნოლია 1 აპრილი - 10 აპრილი
მაგნოლია ძალიან პატივმოყვარეა და ყოველთვის ცდილობს დადგეს სხვებზე მაღლა. საზოგადოებაში წარმატების მისაღწევად მიიწევს ნელა და მოთმინებით, ერთგულ მეგობრებზე დაყრდნობით, რომლებსაც საგულდაგულოდ არჩევს.
მაგნოლიას უნიკალური ალღო აქვს მომგებიანი გარიგებების და პერსპექტიული პროექტების განხორციელებაში. მას შეუძლია დიდი ხნის განმავლობაში იმუშაოს ოფლის ბოლო წვეთამდე, შემდეგ კი მოულოდნელად გამდიდრდეს მომგებიანი ინვესტიციის ან საბირჟო სპეკულაციის წყალობით. ფულს მაგნოლია სიამოვნებით ხარჯავს, მაგრამ ჭკვიანურად. თავისთვის მხოლოდ საუკეთესო უნდა. რაც კი მის გარშემოა უნდა იწვევდეს სხვების აღფრთოვანებას და შურს. მაგნოლია მაშინ „იფურჩქნება“, როდესაც ხედავს, რამდენად დიდია იმ ადამიანების რაოდენობა, რომელთაც სურთ გაუცვალონ მას ადგილი.
ოჯახში მაგნოლია „რუხი კარდინალის“ როლს თამაშობს. სახლში ყველაფერი მისი გადაწყვეტილებით ხდება, მაგრამ წარუმატებლობის პასუხილმგებლობა პარტნიორის მხრებზე გადადის. რთულ სიტუაციებში მაგნოლია მზადაა დაეხმაროს და გამოიჩინოს მზრუნველობა, მაგრამ როგორც კი ატმოსფერო ნორმალიზდება - ურჩევნია მიიღოს, ვიდრე გაიღოს.
შრომისმოყვარე და ძლიერი მაგნოლია, ადამიანებს თავისებურად აფასებს. ადამიანი, რომელიც ხშირად ავადმყოფობს, მის თვალში ყოველთვის იქნება თვალთმაქცი და ფარისევლი, ხოლო ვინც დროს არ აფასებს მისთვის გამოუსწორებელი ზარმაცია.
ჰორტენზია 11 აპრილი - 20 აპრილი
ნათელი, მხიარული და მაცდუნებელი ჰორტენზია, რაც არ უნდა გასაკვირი იყოს, მარტოხელაა. როგორც ადვილად ინტერესდება ადამიანებით, ასევე ადვილად კარგავს მათ მიმართ ინტერესს. მხოლოდ საკუთარი თავის მიმართ რომანი გრძელდება მთელი ცხოვრების მანძილზე. სიამოვნებამდეა დახარბებული წვეულებებზე, მოგზაურობებზე, საყიდლებზე. მას არ სურს რაიმე აუკრძალოს საკუთარ თავს. იმას, ვინც მის გვერდით იმყოფება, ჰორტენზია რბილად რომ ვთქვათ არ უფრთხილდება, რადგანაც აბსოლიტურად დარწმუნებულია, რომ ადვილად შეცვლის ახლით გაქცეულ თაყვანისმცემელს ან განაწყენებულ მეგობარს.
მთლიანად დაკავებული საკუთარი თავით, ჰორტენზიას არ შეუძლია ადამიანების სწორად შეფასება და ამიტომაც ხშირად ფიქრობს უკეთესად მათზე, ვიდრე ისინი იმსახურებენ.
ჰორტენზიას შეუძლია ყველაფერი გაიღოს მეგობრის გულისთვის, მაგარამ მისი ცვალებადი ხასიათიდან გამომდინარე, მალევე ინანოს საკუთარი ქმედების გამო.
ჯამში ჰორტენზიას არ ჰყავს ბადალი. როგორც კარგად უზრუნველყოფილი, იგი ადვილად იკავებს ადგილს მაღალ საზოგადოებაში, და თუკი ასე არ არის, კმაყოფილდება მოკრძალებული კომპანიით, მაგრამ იქ იქნება ყველაზე კაშკაშა ვარსკვლავი. ჰორტენზიას უყვარს საჩუქრების მიღება, მაგრამ გაჩუქებთ იმას, რაც თავად უნდა რომ ჰქონდეს - მას არ აქვს დრო შეისწავლოს სხვების გემოვნებები.
astrolog.ge