ავტორის ნამუშევრებში წარმოდგენილია ჰაეროვანი და გრაციოზული გოგონები გრძელი თმითა და ფრთებით, ხშირად გვხდება ტანსაცმლის ელემენტები, ყვავილებისა და ფოთლების სახით. დაწნული ფოლადის ძაფები ქმნის დაუჯერებლად რეალურ სურათს, გეჩვენებათ, რომ ცოტაც და ეს ზღაპრული არსებები გაცოცხლდებიან და ჯადოსნურ სამყაროში გაგაქროლებენ.
ამ უჩვეულო ქანდაკებების შექმნის პროცესს, ასე აღწერს ავტორი: თავდაპირველად იქმნება მომავლი ქმნილების ნახაზი, შემდეგ განისაზღვრება ზომები და მზადდება მყარი კორპუსი მსხვილი მავთულისგან. ამის შემდეგ, იწყება ყველაზე საინტერესო- ზღაპრული პერსონაჟის ,,ხორცის“ შესხმა/ფორმირება წვრილი მავთულისგან. თითოეული ფერიის მთავარი ნაწილი- სკულპტურაში მოთავსებული ქვის გულია, რომელზეც, ავტორის მიერ, გრავირებულია ორიგინალური წარწერა.
რობინ უაითი ამბობს, რომ შთაგონება მასთან სრულიად მოულოდნელად მოვიდა, როდესაც ის ცდიდა თავის ახალ ციფრულ კამერას და იღებდა ფოტოებს ტყეში. ერთ-ერთ ფოტოზე, ბურუსით გახვეულ ტოტზე შენიშნა იდუმალი, კაშკაშა სილუეტი, რომელიც ძალიან გავდა ფერიას. სინამდვილეში, ეს იყო მზის სხივების, ფოთლებისა და ტოტების თამაშისგან გამოწვეული სინათლის ეფექტი, მაგრამ მხატვარი ძალიან იყო ინსპირირებული ამ შემთხვევით, რამაც დიდი გავლენა იქონია მის მომავალ საქმიანობაზე. მას შემდეგ, მოქანდაკე გამოსახავს მითიურ პერსონაჟებს, მართლაც ზღაპრულ ნამუშევრებში.
უაითის ქმნილებების დიდი ნაწილი ამშვენებს ,,Trentham Gardens“, დიდი ბრიტანეთი. დანარჩენი მავთულის ფერიები კერძო კოლექციებშია. მხატვარი სიხარულით იღებს სხვადასხვა შეკვეთებსაც.
თაკო ცილიკიშვილი
www.Mcvane.Ge