ბრიტანეთის სამეფო ოჯახი ყველაფერს აკეთებს, რათა თავიანთი შვილები დაიცვას პაპარაცებისგან. თუმცა ეს იმას არ ნიშნავს, რომ ქეითი და უილიამი აპირებენ მათი უცხო თვალისგან დაცვას. ცოტა ხნის წინ, სოციალურ ქსელში, გამოჩნდა პატარა პრინცესა შარლოტას ოფიციალური ფოტოები. 6 თვის ნამცეცას ფოტოები განთავსდა კენსინგტონის სასახლის ოფიციალურ Twitter-ში.
ორი არაჩვეულებრივი ფოტოს ავტორი თავად ქეით მიდლტონია. სურათები გადაღებულია ქეითისა და უილიამის სახლში, ნორფოლკში, ნოემბრის დასაწყისში.
ჰერცოგი და ჰერცოგინია იმედოვნებენ, რომ პრინცესა შარლოტას ახალი ფოტოები მათსავით მოეწონება საზოგადოებას.
/თაკო ცილიკიშვილი/
www.Mcvane.Ge