ყველაზე პოპულარული სიზმრები და მათი მნიშვნელობა



სიზმრის ახსნის სხვადასხვა გამოცემას თუ დავუჯერებთ, ძაღლის დასიზმრება მეგობარს ნიშნავს, კატა – მტრებს, ტარაკნები კი – ფულს! ბევრს საერთოდ არ სჯერა სიზმრების, მათ კი, ვისაც გჯერათ, გეტყვით, რომ პლანეტის მოსახლეობის უმრავლესობა ზუსტად ერთნაირ სიზმრებს ხედავს და მათი პროეცირებაც რეალობაში დაახლოებით ერთნაირად ხდება. მტკიცებულება ბრიტანელმა ფსიქოლოგმა იან უოლესმა წარმოადგინა, რომელმაც ექსპერიმენტი ჩაატარა და 200 000-ზე მეტი მოხალისე პაციენტის სიზმარი შეისწავლა, ყველაზე ხშირად განმეორებადი სიზმრების და მათი მნიშვნელობის დასადგენად. გთავაზობთ უოლესის დასკვნებს.

როცა სიზმარში ვარდებით

ვარდნასთან დაკავშირებული სიზმარი – ნერვული სისტემის სიგნალია, რაც იმას ნიშნავს, რომ ან ადამიანის გონებაა რეგულარულად გადატვირთულია ან გრძნობს, რომ კონტროლს კარგავს გარკვეულ სიტუაციაზე. სიზმრის სხვა პოპულარული ახსნაა – დაუცველობის შეგრძნება ან შიშის გრძნობა. უოლესის მტკიცებით, ნებისმიერი სიზმრის ახსნის ყველაზე საიმედო მეთოდი საკუთარ შეგრძნებებზე დაკვირვებაა. იმ შემთხვევაში თუ თქვენ კლდიდან ხტებით ან უფსკრულში ეშვებით და სახეზე მაინც ბედნიერი ღიმილი გახატიათ, ე.ი. არ გეშინიათ იმ ცვლილებების, რომლებიც თქვენს ცხოვრებაშია მოსალოდნელი.

როცა სიზმარში ხმას კარგავთ

ეს შესაძლოა უბრალოდ ზმანება იყოს, მაგრამ შეიძლება მას “სიზმრის პარალიჩის ეფექტიც” ჰქონდეს. ფიზიოლოგიურად ადამიანების უმრავლესობა ძილის დროს მართლაც კარგავს მოძრაობის უნარს, რადგან შესაძლოა ის საკუთარი ცნობიერის მახეში გაებას, “სწრაფი ძილის” ფაზაში გამოფხიზლებულს კი, შესაძლოა დაკარგული ჰქონდეს მოძრაობის, ლაპარაკის და ზოგჯერ სუნთქვის უნარიც კი. მსგავსი პრობლემა პლანეტის მოსახლეობის 7%-ს ახასიათებს, თუმცა ცხოვრებაში ერთხელ “სიზმრის პარალიჩის” გადატანა ნებისმიერს შეუძლია.

ყველაზე პოპულარული სიზმრები და მათი მნიშვნელობა


როცა სიზმარში შიშველი ხართ


თუ სიზმარში ადამიანი აბსოლუტურად შიშველია და აუცილებლად საზოგადოების წინაშე, ეს იმ შინაგანი სირცხვილის მანიშნებელია, რომელსაც ის რეალურ ცხოვრებაში განიცდის. თუმცა, აღსანიშნავია, რომ ხშირად ამგვარი სიზმარი მის შეცდომით დადანაშაულებასთანაა დაკავშირებული. მნიშვნელოვანია, ამ მომენტში გაიხსენოთ საკუთარი შეგრძნებებიც, რადგან თუ თქვენ აბსოლუტურად შიშველი ხართ, მაგრამ არანაირ დისკომფორტს არ განიცდით, მაშინ სიზმარს აბსოლუტურად სხვა ახსნა აქვს – შესაძლოა თქვენ ცდილობთ მოხვდეთ ყურადღების ცენტრში და მოიპოვოთ გარშემომყოფების აღფრთოვანება და აღიარება.

როცა სიზმარში კბილებს კარგავთ


ზედაპირულად საკმაოდ მარტივად შეიძლება ამ სიზმრის ახსნა, რადგან ეს როგორც წესი ან საკუთარ გარეგნობაზე გადაჭარბებული ზრუნვასთან ასოცირდება ან შიშთან, რომ ვიღაცას არ მოსწონხართ. თუმცა, სიზმარს ბევრად უფრო სიღრმისეული ახსნაც აქვს. დასაწყისისთვის პასუხი გაეცით კითხვას: “ხართ თუ არა შფოთიანი ადამიანი?” როგორც ამბობენ მუდმივი სტრესი და ნერვიულობა ადამიანის ქვეცნობიერში გროვდება და “ავადმყოფურ” გამოვლინებას ჩვენს სიზმრებში პოულობს. ზოგიერთი ფსიქოლოგის ინტერპრეტაციით კბილების დაკარგვა უსუსურობას და ძალაუფლების დაკარგვის შიშს, ასევე ადამიანებთან (მათ შორის ხელმძღვანელობასთან) ურთიერთობის გაფუჭებას და კომუნიკაციის გაწყვეტას ნიშნავს. ზოგი კი, ამტკიცებს, რომ კბილების დაკარგვა, ქალის დაფეხმძიმების სურვილზე მიუთითებს (საინტერესოა, როცა მამაკაცები ხედავენ ასეთ სიზმარს, მათ რა სურთ?!).

როცა სიზმარში ვიღაც მოგსდევთ


საზარელი მონსტრი, მანიაკი ან სერიული მკვლელი რომელიც ფეხდაფეხ მოგზდევთ – ვალის (აიღეთ მსხვილი კრედიტი ბანკში და კოშმარებიც გახშირდება) ან თქვენი დამოკიდებულების (ალკოჰოლზე, ნარკოტიკებზე) სიმბოლოა. ფსიქოლოგების აზრით, მსგავს სიზმრებს როგორც წესი ისინი ხედავენ, ვინც რეალურ ცხოვრებაში პრობლემებს გაურბის. კოშმარებისგან განთავისუფლების ერთადერთი გამოსავალი კი, სირთულეებისთვის თვალის გასწორება და საკუთარი პრობლემების მოგვარებაა.

ყველაზე პოპულარული სიზმრები და მათი მნიშვნელობა


როცა სიზმარში “დიდ ბოსი” ხართ


რამდენჯერ მოგირგიათ სიზმარში შეიხის ან მეფის გვირგვინი, გენერალური დირექტორის ან პრეზიდენტის სავარძელი? – ზედაპირულად ეს, რა თქმა უნდა ძალაუფლების წყურვილს და თანამდებობის მოპოვების სურვილს ნიშნავს. რაც მთავარია, მსგავსი ზმანება როგორც წესი არა ამბიციურ კარიერისტებს აქვთ, არამედ მათ ვინც მალავს ან ქვეცნობიერად ცდილობს საკუთური უსუსურობის კომპენსირებას.

როცა სიზმარში დაფრინავთ

ბავშვობაში მშობლები ხშირად გვარწმუნებდნენ: “თუ დაფრინავ – ე.ი. იზრდები!” თუმცა, სიზმარს ბევრად უფრო გააზრებული მნიშვნელობა აქვს – ფრენაში ჩვენ თავისუფლებას ვგულისხმობთ ანუ ჩვენ გვყოფნის ძალა და გამბედაობა სერიოზულ საქმეს მარტომ მოვკიდოთ ხელი. თუ თქვენ სიზმარში ხშირად დაფრინავთ, გიხაროდეთ, რადგან თქვენ თამამად მიისწრაფვით იმ რთული მიზნებისკენ, რომლებიც დაისახეთ.

ყველაზე პოპულარული სიზმრები და მათი მნიშვნელობა


როცა სიზმარში საყვარელი ადამიანი გღალატობთ

სიზმარში ნანახ ღალატს არაფერი აქვს საერთო რეალურ ღალატთან (ამიტომ, გაღვიძებულზე პირდაპირ ნუ ეცემით თქვენს პარტნიორს კისერში). როგორც წესი, ასეთ სიზმრებს მაშინ ხედავთ, როცა საკუთარი თავის ან საკუთარი მიმზიდველობის რწმენას კარგავთ. მოიკრიბეთ ძალები, შეუძახეთ საკუთარ თავს და დაიბრუნეთ თვითრწმენა!

ყველაზე პოპულარული სიზმრები და მათი მნიშვნელობა


როცა სიზმარში საკუთარ გარდაცვალებას ხედავთ

ყველაზე კოშმარული სიზმრის ხალხური ინტერპრეტაცია საკმაოდ ოპტიმისტურია – თქვენ დიდხანს და ბედნიერად იცხოვრებთ! ძალიან არ გვინდა თქვენი იმედის გაცრუება, მაგრამ მსგავსი ინტერპრეტაცია მითია. ფსიქოლოგების აზრით, სიკვდილი ყოველთვის დასასრულს ნიშნავს ანუ თქვენ ქვეცნობიერად ცდილობთ რაღაცას მოუღოთ ბოლო – ურთიერთობას, სამუშაოს, წარსულს ან შესაძლოა ოცნებობთ დაიწყოთ ყველაფერი თავიდან, სუფთა ფურცლიდან.

PS: იყავით ”ფხიზლად” და დაუკვირდით თქვენს ოცნებებსა და ზმანებებს!

fortuna.ge
































ტექსტის სანახავად გაიარეთ რეგისტრაცია.