მეორე ადგილი დაიკავა ამერიკელმა მამაკაცმა. იგი ავტომობილების საცობში მოხვდა, გადმოვიდა მანქანიდან და მოსასაქმებლად ტუალეტის მაგიერი ადგილის ძებნა დაიწყო, მაგრამ, საქმისთვის მოემზადა თუ არა, წონასწორობა დაკარგა, 20 მეტრის სიმაღლიდან გადავარდა და დაიღუპა.
მესამე ადგილზე გავიდა ამერიკელი ქალბატონი, რომელმაც ყურადღება არ მიაქცია გამაფრთხილებელ ნიშნებსა და წარწერებს, ცდილობდა, თავისი მოპედით ნაპირებიდან გადმოსული მდინარე გადაელახა. პოლიციელმა იგი იხსნა, მაგრამ ქალბატონი მაშინვე გადახტა მდინარეში, რათა მოპედი გამოეთრია და დაიხრჩო.
„დარვინის პრემია“ 1985 წელს ამერიკელმა სწავლულმა უენდი ნორტკატმა დააწესა. პრემია ადამიანებს გადაეცემა სიკვდილის შემდეგ – „საკვირველი სისულელის გამო, რომელიც ფატალურად მთავრდება“. პრემიამ სწრაფად გაითქვა სახელი შავი იუმორის მოყვარულთა შორის მთელ მსოფლიოში. გამარჯვებულებს ინტერნეტ-ხმის მიცემით ადგენენ.
2010 წელს ამ პრემიის ლაურეატი გახდა 51 წლის ბრაზილიელი მღვდელი, რომელიც ჰელიუმით სავსე ბუშტების საშუალებით ჰაერში აიჭრა: მამაომ თავის სავარძელს მიამაგრა ათასი ბუშტი, რათა დაემყარებინა რეკორდი და ჰაერში 20 საათი გაეტარებინა. საუბედუროდ, ამოვარდნილმა ქარიშხალმა იგი ოკეანისკენ გაიტაცა. ორ თვეზე მეტი ხნის შემდეგ დი კარლის სხეული შემთხვევით აღმოაჩინეს რიო-დე-ჟანეიროს ნაპირებთან – სტარტიდან ასი კილომეტრის დაშორებით.
2011 წელს პირველი ადგილი დაიკავა სამხრეთ კაროლინელმა ახალგაზრდა წყვილმა: 21 წლის ახალგაზრდა და მისი გერლფრენდი სახლის სახურავზე მიეცნენ სიყვარულს და ისე გაერთნენ, რომ გადმოცვივდნენ. ახალგაზრდების შიშველი სხეულები გზასთან ტაქსისტმა აღმოაჩინა. ისინი მძიმე ტრავმებით საავადმყოფოში მიიყვანეს, სადაც გონზე მოუსვლელად გარდაიცვალნენ.
fact2.ge