რედინგის უნივერსიტეტის მიკრობიოლოგების ჯგუფმა ექსპერიმენტის შედეგები გამოაქვეყნა. როგორც ჩატარებულმა კვლევამ აჩვენა, შამპანიურის ზომიერების ფარგლებში მირთმევა, მეხსიერებას საგრძნობლად აუმჯობესებს. შამპანიურში არსებული ორგანული ნაერთები, სახელწოდებით ფენოლები ცილების ჯგუფებთან ურთიერთქმედებენ, მათ შორის, ჰიპოკამში და თავის ტვინის ქერქში არსებულ ცილებთანაც, რომლებიც ინფორმაციის დამახსოვრებაში აქტიურად არიან ჩართულები.
მათი როლი განსაკუთრებით დიდია სივრცობრივი და საგნობრივი ინფორმაციის დამახსოვრების საკითხში. ასაკის მატებასთან ერთად, ცილები კვდებიან, დარჩენილების აქტივობა კი იკლებს, როგორც ირკვევა, ფენოლი ამ პროცესებს აქტიურად ეწინააღმდეგება.
რედინგის უნივერსიტეტის პროფესორმა, ჯერემი სპენსერმა აღნიშნა, რომ მსგავსი ეფექტი ადრეც აღმოუჩენიათ, მაგრამ ამ დრომდე ამას ფლავონოიდების ზემოქმედებას უკავშირებდნენ. ამ ნივთიერებას დიდი რაოდენობით შეიცავს წითელი ღვინო. შამპანიური ფლავონოიდებს არ შეიცავს, მაგრამ ტვინის კოგნიტურ ფუნქციებზე დადებითი ზემოქმედებას ახდენს, შესაბამისად ეს ეფექტი ფენოლების დამსახურებაა.
ერთი სიტყვით, შამპანიურის რეგულარულად მოხმარება ასაკობრივი დარღვევების წარმოქმნას ხელს უშლის. ადრე რედინგის უნივერსიტეტის მეცნიერებმა ისიც დაამტკიცეს, რომ ეს სასმელი დადებითად მოქმედებს გულ-სისხლძარღვთა სისტემაზე. მთავარია, მისი მირთმევისას ზომიერების გრძნობა არ დაკარგოთ.
www.okmagazine.ge
შამპანიური მეხსიერებას აუმჯობესებს
⏱️ 1 წთ.
👁️ 1 039
100%