„აღსანიშნავია ის გარემოება, რომ შევჩენკო არ გახლავთ ექიმი, ის პროფესიით პატენტთმცოდნეა, მაგრამ მისი გახმაურებული წიგნი - „კიბო - უიმედო ავადმყოფები არ არსებობენ!“, რამდენჯერმე მილიონიანი ტირაჟით გამოიცა“, - „შევჩენკოს მეთოდის“ შესახებ ქართველი მეცნიერი და ჰომეოპათი კახა საბახტარიშვილი გვესაუბრება.
რას ნიშნავს და რითია გამორჩეული კიბოს მკურნალობის „შევჩენკოს მეთოდი“?
ნიკოლაი შევჩენკოს შესახებ ინფორმაციას პირველად 1995 წელს, შემთხვევით გადავაწყდი და სწორედ მაშინ გავიგე მისი უნიკალური მეთოდის შესახებ. საქმე ისაა, რომ ეს ადამიანი კიბოთი დაავადებულებს თავისი მეთოდით მკურნალობდა და გასაოცარ შედეგებსაც აღწევდა. 1997 წელს საშუალება მომეცა, ტელეფონით მესაუბრა მასთან და მის მიერ შედგენილი რეცეპტურა ჩამეწერა, რომელიც ეფექტურია როგორც კიბოს მკურნალობისას, ისე პროფილაქტიკის მიზნით.
„შევჩენკოს მეთოდი“ საინტერესო და გამორჩეულია რამდენიმე მიზეზის გამო:
1. ამ მეთოდს ახლავს საკმაოდ ძლიერი მეცნიერული დასაბუთება;
2. მთელმა რიგმა უცხოელმა მკვლევარებმა გულდასმით გამოსცადეს ის და მაღალი შედეგები მიიღეს;
3. იგივე მეთოდი ჩვენც გამოვიყენეთ რიგ პაციენტებზე და დამაიმედებელი შედეგები აჩვენა;
4. ამ მეთოდით მეცნიერების სერიოზულ დაინტერესებაზე მეტყველებს ისიც, რომ მან კვლევა „კატრექსის“ ლაბორატორიაშიც გაიარა.
„შევჩენკოს მეთოდით“ მკურნალობა
რაც შეეხება თავად მეთოდიკას:
ვიღებთ 30-40 გრ. არარაფინირებულ („სოფლის“) მზესუმზირის ზეთს (ზეთს არ უნდა ჰქონდეს მკვეთრი სუნი და არ უნდა იყოს ძალზე მუქი ფერის) და იმავე რაოდენობის არაყს.
არყის მისაღებად 98%-იანი სამედიცინო სპირტი უნდა გავაზავოთ ანადუღარ წყალში 2:3 პროპორციით (ანუ 2 წილ სპირტს დავასხათ 3 წილი ანადუღარი წყალი).
ზეთი და არაყი შევურიოთ ერთმანეთში და 30 წამის განმავლობაში შეუსვენებლად ვანჯღრიოთ.
ნარევი ავადმყოფმა მაშინვე, სითხის ფრაქციებად დაშლამდე უნდა დალიოს.
ზეთისა და არყის ნარევი ბნელ ადგილას უნდა შეინახოთ.
ეს სითხე ავადმყოფმა უნდა მიიღოს დღეში 3-ჯერ, ზედიზედ 10 დღის განმავლობაში, რის შემდეგაც 10 დღე უნდა შეისვენოს.
ნარევის მიღებამდე, მინიმუმ, 2 საათის განმავლობაში პაციენტმა არ უნდა მიიღოს არანაირი საკვები, ხოლო წამლის მიღების შემდეგ 15-20 წუთში უნდა ჭამოს.
მკურნალობის ერთი სრული კურსი მოიცავს 30-50-დღიან მკურნალობას - 10-10-დღიანი ინტერვალით და გრძელდება სრულ გამოჯანმრთელებამდე.
თუ ავადმყოფს სიმსივნე მძიმე ფორებში აქვს და ძლიერ დასუსტებულია, მაშინ მას უნდა ჩაუტარდეს 30-დღიანი მკურნალობის კურსი, ხოლო თითოეულ კურსს შორის შესვენება 3 კვირას არ უნდა აღემატებოდეს.
თუ სიმსივნე გარედანაც ჩანს, მკურნალობის ეფექტი სიმსივნეზე არყისა და ზეთის ნარევის გაჟღენთილი დოლბანდის საფენების დადებით ძლიერდება!
აუცილებელი რეკომენდაციები, რომელიც მკურნალობის პროცესში უნდა გაითვალისწინოთ
„შევჩენკოს მეთოდით“ მკურნალობის მთელი კურსის განმავლობაში და მკურნალობის დამთავრებიდან 1 წლის განმავლობაში არც ერთი წვეთი ალკოჰოლის მიღება არ შეიძლება!
ავადმყოფმა უნდა მიირთვას ზომიერად!
არ არის რეკომენდებული დიდი რაოდენობის ხილისა და ბოსტნეულის წვენების მიღება!
ავადმყოფი განსაკუთრებით უნდა მოერიდოს შემწვარი, ცხარე და მარილიანი საკვებისა და ცხოველური ცხიმების მიღებას!
არ შეიძლება რაციონიდან ცილების გამორიცხვა, რადგან მათ გარეშე წამალი სუსტად მოქმედებს!
მკურნალობის დროს და კურსებს შორის შესვენებისას არ შეიძლება ქიმიოთერაპიით, სხივებით ან ძლიერმოქმედი ბალახებით მკურნალობა!
არ შეიძლება ფიტოთერაპიის, ურინოთერაპიისა და დამუხტული წყლის გამოყენება!
თუ პაციენტი ადრე იტარებდა ქიმიოთერაპიას, მაშინ „შევჩენკოს მეთოდით“ მკურნალობა ქიმიოთერაპიის დასრულებიდან მხოლოდ ერთი თვის ან თვე-ნახევრის შესვენების შემდეგ უნდა დაიწყოს!
გვერდითი მოვლენები
მკურნალობის მე 2-3 დღეს შეიძლება, მოხდეს დაავადების კერაში ტკივილის გაძლიერება (მკურნალობის დაწყებიდან 1-2 დღეში იწყება კიბოს უჯრედების კვდომა, რასაც თან სდევს ტკივილი. თუმცა საშიში არაფერია, რამდენიმე დღეში ტკივილი თავისით გაივლის და მთელი მკურნალობის პროცესი უმტკივნეულოდ წარიმართება);
პირველ 2 კვირაში, სიმსივნე შეიძლება შეშუპდეს და მოგეჩვენოთ, რომ ზომაში მოიმატა (ეს კალიუმი იკრებს მის გარშემო წყალს, ან თუ იყო ასციტი, შეიძლება დასაწყისში გადიდდეს კიდეც);
შეიძლება შეშუპდეს კიდურები და სახე და ადგილი ჰქონდეს შარდვის გაძნელებას (თუმცა რამდენიმე დღის შემდეგ შეშუპება გაქრება და შარდვის პროცესიც მოწესრიგდება);
მკურნალობის მთელი კურსის განმავლობაში სისუსტე მატულობს;
აღინიშნება განავლის გათხიერება და პერიოდულად მადის დაქვეითება (ამ შემთხვევაში ორგანიზმში ხდება სიმსივნის დაშლა და დაშლის პროდუქტების გარეთ გამოტანა, ამ პროცესებისთვის კი ზემოაღნიშნული მოვლენები ჩვეულია).
„შევჩენკოს მეთოდით“ მკურნალობის შედეგები და პროფილაქტიკის მიზნით გამოყენება
დაკვირვებები გვიჩვენებს, რომ „შევჩენკოს მეთოდით“ მკურნალობისას მცირე ზომის პირველადი სიმსივნეები - 1-2 თვეში, ხოლო უფრო მძიმე შემთხვევები 6-8 თვეში იკურნება.
„შევჩენკოს მეთოდით“ მკურნალობის დაწყებიდან, დაახლოებით, თვე-ნახევრის შემდეგ რენტგენული და ულტრაბგერითი გამოკვლევები სიმსივნის ზომის მკვეთრ შემცირებას აჩვენებს, იხსნება მტანჯველი ტკივილები, ავადმყოფს უწესრიგდება კუჭ-ნაწლავის მოქმედება, იხურება წყლულები და ფისტულები.
რაც შეეხება ამ მეთოდის პროფილაქტიკის მიზნით გამოყენებას, არამარტო მიზანშეწონილად, არამედ აუცილებლადაც მიმაჩნია, რადგან, მოგეხსენებათ, უმრავლეს შემთხვევაში სიმსივნე საწყის ეტაპზე უსიმპტომოდ მიმდინარეობს და გვიან სტადიებში ვლინდება.
ამიტომ მიმაჩნია, რომ „შევჩენკოს მეთოდით“ მკურნალობის ერთთვიანი კურსები წელიწადში ორჯერ, თავის დაზღვევის მიზნით, ყველა ადამიანმა უნდა ჩაიტაროს. მით უფრო, რომ ამ მეთოდით სხვა არაონკოლოგიური დაავადებებიც საკმაოდ ეფექტურად იკურნება.
ავტორი: ნათია ვასაძე
funtime.ge