მაშ ასე: გაჭედილ მილში ჩაასხით მცირე რაოდენობის თბილი წყალი, შემდეგ ნელ-ნელა ჩაყარეთ 5 სუფრის კოვზი სოდა. იმის გამო, რომ მილი სველი არ არის, სოდას გაუჭირდება ჩასვლა ამიტომ ყურის ჩხირი მიახმარეთ და ისე ჩაყარეთ. შემდეგ კი ნელ-ნელა დაუმატეთ ძმარი. დაინახავთ, რომ სოდა ძმართან რეაქციაში შედის, ეს კი მის ეფექტურობას ზრდის. გახსოვდეთ, რომ ჩაყრილი სოდა სრულად უნდა ჩაირეცხოს ძმრის დახმარებით. როდესაც "შიშხინი" შეწყდება და რექცია დასრულდება, მხოლოდ ამის შემდეგ ჩაასხით მილში დაახლოებით 2 ლიტრი ადუღებული წყალი.
თუ მილი ლითონისაა ჩაასხით ადუღებული წყალი, თუ პლასტამასისაა უბრალოდ ცხელი წყალი მოუშვით ონკანში და აცადეთ 20 წუთი იდინოს. ამ ხერხმა თუ არ გაჭრა და არ გაიტანა დაგროვილი ნადები, ნახევარ ჭიქა მარილსა და ერთ ჭიქა სოდას ვხნით ჭიქა წყალში და ვასხამთ მილში. დაელოდეთ 10 წუთი. შემდეგ კი, მიუშვით წყლის ნაკადი. ამანაც თუ არ გაჭრა გამოდის, რომ ნადები გამყარდა და მისი დაშლა ასე მარტივად არ გამოვა. რაც შეეხება ქიმიურ საშუალებებს- აუცილებლად გაიკეთეთ ხელთათმანი, მათი კანზე მოხვედრა საშიშია. მათი გამოყენების შემდეგ ონკანში 20 წუთით მოუშვით წყალი რომ ის ქიმიური ნაწილაკები არ დარჩეს, რადგან ნებისმიერი ქიმიური საშუალება, თუ მას დიდი ხნით გავაჩერებთ, მილს დააზიანებს.
www.intermedia.ge