დროის ეკონომიის, კომფორტის და არჩევანის მრავალფეროვნების პარალელურად ონლაინ შოპინგი ფინანსურ და მატერიალურ რისკებთანაა დაკავშირებული. ყალბი საიტები, უხარისხო საქონელი და არაკეთილსინდისიერი გამყიდველები – რისკები რომლის შეფასება კომპიუტერის ეკრანს მიღმა რთულია. არსებობს რამდენიმე წესი რომელიც ინტერნეტით უსაფრთხო შოპინგში დაგეხმარებათ.
გამოიყენეთ მხოლოდ საკუთარი ან დაცული კომპიუტერი
კომპიუტერში საკუთარი მონაცემების ჩატოვებით შესაძლოა მასზე წვდომა უცხო ადამიანმა მოიპოვოს.
ონლაინ შოპინგისთვის გამოიყენეთ ცალკე პლასტიკური ბარათი
ონლაინ მაღაზიის საიტის გატეხვის ან ყალბ საიტზე მოხვედრის შემთხვევაში თქვენი ფინანსები დაცული იქნება.
იშოპინგეთ ცნობად და დაცულ ონლაინ მაღაზიაში
კიბერდამნაშავეები, ხშირად ცნობილი საიტების ანალოგებს ქმნიან , ამ გზით ყალბ ვებ-გვერდზე შევსებული პირადი ინფორმაცია და პლასტიკური ბარათის მონაცემები კიბერდამნაშავეებს ხელში ხვდება.
კარგად დააკვირდით მაღაზიის ვებ-გვერდის მისამართს
ბრაუზერის მისამართის ველში უნდა ეწეროს HTTPS და შემდგომ ინტერნეტ მისამართი.
გამოიყენეთ რთული, პაროლი რომელიც შეიცავს ციფრებს, სიმბოლოებს
ერიდეთ საიტების არარეალისტურად მომგებიან წინადადებებს
მომხმარებლის მისაზიდად, ნივთზე მითითებული დაბალი ფასის უკან შესაძლოა სხვადასხვა, დამატებითი გადასახადი იმალებოდეს, რაც ბევრად აღემატება საწყის ფასს, პლასტიკური ბარათით გადახდამდე კარგად დააკვირდით დაჯამებულ გადასახადს.
შეამოწმეთ გამყიდველი
გადაამოწმეთ გაყიდვების ისტორია , რომელიც მითითებულიუნდა იყოს საიტზე, წაიკითხეთ მომხმარებლების გამოხმაურებები.
“ფორტუნამ” ქართველი ინტერნეტ მომხმარებლები გამოკითხა და რამდენიმე ყველაზე სანდო და პრობლემური ონლაინ მაღაზია გამოავლინა . ქართველი მომხმარებელი ყველაზე მეტად ამერიკულ მულტი ბრენდულ საიტს amazon.com -ს ენდობა, სანდო საიტებს შორის დასახელდა 6pm.com და რამდენიმე ბრენდული მაღაზიის საიტიც. საიტები საიდანაც ქართველ მომხმარებელს ვერ მიუღია ნაყიდი ნივთი ან უხარისხო საქონელი შეუძენია ძირითადად ჩინურ-აზიური საიტებია.
www.fortuna.ge
მატყუარა ონლაინ მაღაზიები და 7 წესი უსაფრთხო შოპინგისთვის
⏱️ 1 წთ.
👁️ 1 178
100%