აი, რატომ გვესიზმრება გარდაცვლილი ადამიანები



მისტიკოსები ამტკიცებენ, რომ ჩვენი სიზმრების სამყარო მჭიდროდაა დაკავშირებული სხვა სამყაროებთან, სადაც ფხიზლად ყოფნის დროს შეუძლებელია მოხვედრა. სწორედ ამ მიზეზის გამო, ჩვენს შორეულ წინაპრებს სჯეროდათ, რომ გარდაცვლილ ადამიანებზე ნანახი სიზმრების იგნორირება არ შეიძლება. სხვა სამყაროში გადასული ადამიანი ჩვენს სიზმრებში იმისთვის ჩნდება, რომ რაღაც შეგვატყობინოს, გვირჩიოს, ან გაგვაფრთხილოს. ჩვენსავე ინტერესებშია გვესმოდეს, რისი თქმა უნდოდათ ჩვენთვის, რათა შემდგომი შეცდომებისგან და ცხოვრებისეული პრობლემებისგან თავი დავიზღვიოთ.

ფსიქოლოგები კი თვლიან, რომ სიზმრები გარდაცვლილ ახლობლებზე ან ნათესავებზე სხვა არაფერია, თუ არა ჩვენი სევდიანი გრძნობების გამოხატულება. სწორედ ასე ვლინდება ჩვენი დარდი.

და მაინც, დავუბრუნდეთ მისტიკურ თვალსაზრისს და ვცადოთ გავიგოთ, რა შეტყობინებას შეიძლება გვიგზავნიდნენ ადამიანები, რომლებიც მხოლოდ ჩვენს ხსოვნაში ცოცხლობენ და ვისთან ურთიერთობაც მხოლოდ სიზმრების მეშვეობით შეგვიძლია.

გარდაცვლილ ადამინებზე ნანახი სიზმრების ინტერპრეტაცია

ითვლება, რომ თუ სიზმარში ესაუბრეთ, ან უსმენდით გარდაცვლილ ადამიანს, თქვენ მოულოდნელი სიახლეები, ან ცხოვრებაში ცვლილებები გელით. ქრისტიანებს სჯერათ, რომ სიზმარში გარდაცვლილი ადამიანის ნახვა იმას ნიშნავს, რომ მისმა სულმა იმ ქვეყნად სიმშვიდე ვერ მოიპოვა. ამ დროს სასურველია შესაბამისი საეკლესიო რიტუალების ჩატარება, რათა ახლობელმა ადამიანმა სიმშვიდე ჰპოვოს.

წარმართები დარწმუნებულნი არიან, რომ გარდაცვლილი ადამიანი სიზმრებში იმიტომ მოდის, რომ გვიკარნახოს და გვირჩიოს, შევასრულოთ ყველაფერი, რასაც მკვდრები მძინარე ადამიანისგან მოითხოვენ, რათა ღმერთი არ განრისხდეს. და მართალია სიზმარში გარდაცვლილის ნახვა არცთუ სასიამოვნოა, მაგრამ ზოგჯერ ეს შეიძლება კარგის მომასწავებელი იყოს. მაგალითად, თუ გარდაცვლილი სიზმარში გაცოცხლდა, უახლოეს ხანში დაკარგული დაგიბრუნდებათ (ფული, ნივთი, ან სტატუსი საზოგადოებაში).

სიზმრის ახსნის ინგლისურ წიგნში, მიცვალებულის ნახვა იშიფრება როგორც კეთილი სიახლეების მომასწავებელი ოჯახში-ქორწილი, ან ბავშვის დაბადება. მეორე წიგნში ამტკიცებენ, რომ ქორწილამდე სიზმარში გარდაცვლილის ნახვა -ამ კავშირის შესახებ გაფრთხილებას მოასწავებს. ასეთი სიზმარი იმას ნიშნავს, რომ ქორწინება არ იქნება ბედნიერი, ბავშვები კი სუსტი ჯანმრთელობით დაიბადებიან. განსაკუთრებული მნიშვნელობა ენიჭება სიმზრებს, რომლებშიც ახლო ნათესავები გვევლინებიან.

www.postalioni.com
































ტექსტის სანახავად გაიარეთ რეგისტრაცია.