სიტუაციები, რომლებიც არ უნდა აგვერიოს სიყვარულში



ხშირად, რაღაც-რაღაცები სიყვარული გვგონია, რადგან იმ მომენტში ნამდვილად სასიამოვნო ემოციებს განვიცდით და სწორედ აქ ვცდებით. www.Lady.mcvane.ge გთავაზობთ რამდენიმე სიტუაციას, რომელიც არ უნდა აგვერიოს სიყვარულში.

1. კარგი სექსი

ნამდვილად კარგ სექსს შეუძლია მოატყუოს შენი ტვინი. თუ ფიზიკური კავშირი იმ ადამიანთან გაქვთ, რომელიც მოგწონთ, შესაძლოა იფიქრო, რომ უფრო სერიოზული გრძნობები გაქვს, ვიდრე სინამდვილეში. თუ მხოლოდ ახლახანს გაიცანით ერთმანეთი, ფრთხილად იყავით არ აგერიოთ კარგი სექსის შეგრძნება - სიყვარულში. დიახ, შესაძლოა, გიყვარდება, მაგრამ ეს სიყვარულის ნიშანი კი არა - ოქსიტოცინის გამოყოფის მაუწყებელია.

2. მობოდიშება ყოფილისგან

მხოლოდ ის, რომ თქვენმა ყოფილმა ბოლოს და ბოლოს მოგიბოდიშათ არ ნიშნავს, რომ თქვენ შორის კიდევაა სიყვარული. ალბათ, თავად თუ არა თქვენ გარშემო არაერთს დაუშვია ეს შეცდომა. როცა ყოფილი გწერთ და ბოდიშს იხდის, რომ ცუდად გექცეოდათ, მთელი ის ემოციები გატყდებათ თავს, რაც აქამდე დავიწყებული გეგონათ. ამ დროს, ფიქრობთ, რომ ბოდიშმა ყველაფერი გადაწყვიტა და ყველაფერი ძველებურად იქნება, თუმცა სწორედ აქ ცდებით.

3. როცა ყოფილი მეორე შანსს გთხოვთ

როცა თქვენი ყოფილი ბრუნდება და გთხოვთ, რომ დაუბრუნდეთ, მაშინვე არ იფიქროთ, რომ ეს ბედისწერა ან სიყვარულია. მიუხედავად იმისა, რომ შერიგება შენც კარგ იდეად გეჩვენება, გაიხსენედ, რომ თქვენ რაღაც მიზეზის გამო დაშორდით. რა თქმა უნდა, ადამიანები იცვლებიან, მაგრამ სანამ დათანხმდებოდეთ, ასჯერ გაზომეთ.

4. ხშირი საჩუქრები პარტნიორიგან

მართალია, საჩუქრები-გრძნობების გამოხატვის საშუალებაა, მაგრამ ეს ასევე მანიპულაციის ერთ-ერთი ხერხია. თუ საჩუქრებს ზედმეტად ხშირად ღებულობთ, იქნებ თქვენს დარწმუნებას ცდილობენ, რომ მასთან დარჩეთ, როცა არანაირი ვალდებული არ ხარ ასე მოიქცე?!

5. დაუვიწყარი პირველი პაემანი

რა თქმა უნდა, პირველი პაემანი მნიშვნელოვანია, თუმცა არ ღირს მაშინვე იმაზე ფიქრი, რომ თქვენი ცხოვრების სიყვარულს შეხვდით. ურთიერთობას დრო სჭირდება.

6. ვინმეს მიმართ არამიწიერი მიზიდულობა

ერთი ნახვით სიყვარული? კარგი, რაღაც მსგავსი არსებობს; თუმცა თქვენ თავს დრო უნდა მისცეთ, რათა გაერკვეთ მხოლოდ ვნებასთან გაქვთ საქმე, თუ სიყვარულთანაც.

7. როცა გესმის ის, რისი მოსმენაც გსურს

სასიამოვნოა კომპლიმენტების მოსმენა, გაგება იმისა, რომ ძალიან ჰგავხართ ერთმანეთს, რომ მსგავსი შეხედულებები გაქვთ მომავალზე, მაგრამ არ ღირს ილუზიების შექმნა. მიუხედავად იმისა, რომ ასეთი მომენტები მნიშვნელოვანია, ეს სიყვარული არ არის.

8. როცა მეგობრები რჩეულს გიწონებენ

რა თქმა უნდა, გვინდა, რომ ჩვენი რჩეული მოსწონდეთ ჩვენს მეგობრებს. კარგია როცა მეგობრები ხედავენ, რომ თქვენ შორის რაღაც ხდება, თუმცა უმჯობესია თქვენ თავში თავად გაერკვეთ.

თაკო ცილიკიშვილი

წყარო: www.Lady.Mcvane.Ge

მასალის გამოყენების პირობები: აუცილებელია წყაროს მითითება!!!
































ტექსტის სანახავად გაიარეთ რეგისტრაცია.