რომელ თითზე ვატაროთ ბეჭედი?



ძველ დროში ხალხი დიდ ყურადღებას აქცევდა, თუ რა მასალისგან იყო დამზადებული ბეჭედი და ასევე იმას, თუ რომელ თითზე უნდა ეტარებინათ. დღეს ბეჭედი სამკაულია და იმ თითზე უკეთიათ, რომელზეც თავად სურთ, მაგრამ ასტროლოგები ამბობენ, რომ ბეჭდის გაკეთებას დიდი მნიშვნელობა აქვს, რაც გავლენას ახდენს ბედზე და ხაზს უსვამს ადამიანის ხასიათს. მარჯვენა ხელზე ბეჭდის ტარება საქმიანობას ასახავს, მარცხენაზე კი ადამიანის ოცნებებს და სურვილებს გამოხატავს. თუმცა მომავლის განსაზღვრა დღეს ამ დოზით რთულია, რადგან ბეჭედი ორივე ხელზეც უკეთიათ.

დიდ თითზე ბეჭდის ტარება მგზნებარე ბუნების მახასიათებელია, რომელსაც აქვს ძლიერი ენერგია და მაღალი ემოციური ფონი. ასტროლოგები ამბობენ, რომ დიდი თითი გამოხატავს პლანეტა მარსს. დიდ თითზე ბეჭდის ტარება აგრილებს და აკავებს ადამიანის ტემპერამენტს. გამოიყენება აგრესიულობის შესამცირებლად და ჰარმონიული ურთიერთობების დასამყარებლად. ძველ საბერძნეთში და რომში დიდ თითზე ბეჭედს მამაკაცები ატარებდნენ და ძალის გამომხატველი იყო. ხალხი, რომლებიც ბეჭედს დიდ თითზე ატარებს, გამოირჩევიან სიჯიუტით, მიისწრაფვიან წამყვანი პოზიციებისკენ. დიდ თითზე კარგია სპილენძის ბეჭდის ტარება.

საჩვენებელ თითზე ბეჭდის ტარება მფლობელის მერყევ და მორცხვ ბუნებას მიანიშნებს. ეს თითი უკავშირდება პლანეტა იუპიტერს. ბეჭედი გამოიყენება თვითშეფასების და საკუთარი რწმენის ასამაღლებლად. ამ თითზე ბეჭდის გაკეთება წარმატების მომტანია. მფლობელი იღებს საკუთარი თავის რწმენას და ბევრ ახალს აღმოაჩენს თავის თავში. საჩვენებელ თითზე რეკომენდირებულია კალის ან ოქროს ბეჭდის გაკეთება.

შუა თითზე ბეჭდის გაკეთება რეკომენდირებულია იმ ადამიანებისთვის, რომლებსაც მთელი ცხოვრება წარუმატებლობა დაჰყვება. ამ თითზე უნდა გაიკეთოთ მემკვიდრეობით მიღებული ბეჭედიც, რომელიც მფლობელს შინაგან ენერგიას მისცემს და დაიცავს წარუმატებლობისგან ცხოვრების გზაზე. შუა თითზე ბეჭდის გაკეთება რეკომენდირებულია ადამიანებისთვის, რომლებიც დაკავებულნი არიან მედიტაციით და თვითგანათლებით.

უსახელო თითზე ბეჭდის მტარებლები გამოირჩევიან დიდი გემოვნებით, აფასებენ სილამაზეს და დახვეწილობას. ასეთი ადამიანები მიისწრაფიან ფინანსური სიძლიერისკენ, ოქროს ბეჭედი კი მათ ფუფუნების შეგრძნებას აძლევს და საზოგადოებაში ძლიერ პოზიციას სთავაზობს. შემთხვევითი არ არის, რომ საქორწინო ბეჭედს სწორედ ამ თითზე ატარებენ. ეს ნიშნავს მათ თანხმობას კავშირზე, ოქროს ბეჭედი კი, რომელიც მზესთან ასოცირდება, ახანგრძლივებს და იფარავს მათ სიყვარულს.

ნეკა ეს მერკურის თითია. პლანეტა მფარველობს ისეთი პროფესიის ადამიანებს, როგორიც არის დიპლომატი და პოლიტიკოსი, ბეჭედი ავითარებს საქმიან ურთიერთობებს და ეხმარება აზარტულ თამაშებზე უარის თქმაში, ნეკა თითზე ბეჭდის მატარებლები მიდრეკილები არიან ღალატისა და ტყუილისკენ. თუმცა არ არის მთავარი რომელ თითზე ატარებთ ბეჭედს, მთავარია მან სიხარული მოგიტანოთ და მოგწონდეთ.

































ტექსტის სანახავად გაიარეთ რეგისტრაცია.