პოპულარული ამერიკული გამოცემის – Consumer Reports ექსპერტებმა მანქანების 10 მოდელი დაასახელეს, რომელთა მფლობელებს სხვებზე გაცილებით ხშირად მოუწევთ ავტო პროფილაქტიკებსა და სერვისებში სიარული. რეიტინგის შედგენისას ექსპერტებმა დროის ის მონაცემებიც გაითვალიწინეს, რომელიც ავტომობილის შეძენიდან, ავტოსერვისში პირველ მისვლამდე გადის.
არასანდოობის რეიტინგში პირველი ადგილი ამერიკულმა სპორტულმა ავტომობილმა Chevrolet Camaro-მ დაიკავა. მისი მფლობელები ძირითადად ტრანსმისიასთან, ელექტრობასთან და სავალ ნაწილთან დაკავშირებულ პრობლემებზე ჩივიან.
მეორე ადგილზეა გერმანული Mercedes-Benz GLC, რომელსაც მუხრუჭების სისტემასთან და საჭის მართვასთან აქვს პრობლემები.
მესამე ყველაზე არასანდო მანქანაა ბრიტანული Jaguar F-Pace. ამ მოდელს ყველაზე ხშირად ტრანსმისია და ელექტრობა უფუჭდება, მძღოლები კი ავტომობილის ხმის ცუდ იზოლაციაზე საუბრობენ.
სიაში ასევე მოხვდა GMC Acadia, რომლის მფლობელებიც სავალი ნაწილის და ელექტრობის პრობლემებს აწყდებიან. Fiat 500 -ის მყიდველები კი ელექტრობას, მუხრუჭებს და ძრავის პრობლემებზე ჩივიან.
რეიტინგში Ford -ს ორი ადგილი უჭირავს, Ford Focus -ს ტრანსმისია და სავალი ნაწილის პრობლემები აქვს, Fiesta-ს მფლობელები კი, იგივე ტრანსმისიის გარდა, კლიმატ-კონტროლის მუშაობის ხარვეზებზე საუბრობენ.
სიის ბოლოს არისნ Volvo XC90, რომელსაც ელექტრობა და ძრავი უფუჭდება და Cadillac Escalade, რომლის მყიდველები აღნიშნავენ, რომ ხშირად არემონტებენ კლიმატ-კონტროლსა და გადაცემათა კოლოფს.
www.postalioni.com
ექსპერტებმა ყველაზე არასანდო მანქანები დაასახელეს
⏱️ 1 წთ.
👁️ 8 159
100%