ცნობილი ქართველი ასტროლოგი მიხეილ ცაგარელი საუბრობს, თუ რა ცვლილებებს მოუტანს კოსმოსი ადამიანებს ნოემბრის ბოლოს და რას უნდა ვუფრთხილდეთ 20-26 ნოემბრის პერიოდში.
მთელი ნოემბრის განმავლობაში ერთ-ერთი ყველაზე საუკეთესო პერიოდი გველოდება. შეიძლება ითქვას, ეს ზოდიაქოს ყველა ნიშნისთვის ყველაზე კარგი პერიოდია. დასრულდა ნეგატიური ზონა და დედამიწა პოზიტიურ ზონაშია, პოზიტიურ ენერგეტიკაში.
ახალმთვარეობის პერიოდი უკვე გავიარეთ. ახლა მთვარის შევსების პერიოდია. ხოლო ამ დროს ყოველთვის კარგია რაიმე ახალი საქმის წამოწყება, გაკეთება, ახალი ნაცნობობა. სიახლეების, დაწყების, სწავლისა და ა. შ. ყველაზე საუკეთესო პერიოდი ახალმთვარეობის შემდგომი დროა.
რას ვიგრძნობთ?
ადამიანები თავს ბევრად უკეთ იგრძნობენ, მათ შორის ჯანმრთელობის მხრივ. ფსიქოემოციური კომფორტის თვალსაზრისით მეტად მაღალი დონე იქნება, შესამჩნევი გახდება სულიერი აღმასვლა. ანუ, დეპრესია, ან რაიმე მსგავსი მდგომარეობა უკან დაიხევს.
ამ პერიოდში დგება ხელსაყრელი პერიოდი მნიშვნელოვანი გადაწყვეტილებების მიღებისთვის, ქორწინებებისთვის, პარტნიორული ურთიერთობებისთვის, ნებისმიერი ახალი წამოწყებისთვის. ეს ყველაფერი მრავალი ადამიანის ბედს პოზიტიურად შეცვლის.
შავი მთვარე
ამ პერიოდთან დაკავშირებული კიდევ ერთი მნიშვნელოვანი ფაქტორიც უნდა აღინიშნოს: ეს იქნება, შეიძლება ითქვას, შავი მთვარის ეპოქალური გავლენა, სხვაგვარად მას ლილიტი ეწოდება. ესაა ასტროლოგიაში ბნელი ძალების ენერგია - სატანის ე. წ. მეცხრე ფაზა. და ეს ის ენერგიაა, რომელიც სასჯელისა და პრობლემების ენერგიას წარმოადგენს.
როდესაც ადამიანი რამე საქმეში ჩერდება და წინ ვეღარ მიდის, სხვადასხვა პრობლემა ჩნდება, სირთულეები ცხოვრებაში - ეს ნაწილობრივ ლილიტს, ამ პლანეტის ენერგიას უკავშირდება. ესაა ფიქტიური პლანეტა, მაგრამ ის ადამიანებზე მათ ცხოვრებაში მიმდინარე მოვლენებზე ძალზე ძლიერად მოქმედებს.
ლილიტი თავისი მოძრაობის სიჩქარით ცხრა თვეში ერთხელ ზოდიაქოს ამა თუ იმ ნაშანს გაივლის. რა თქმა უნდა, ამ ნიშნის ხარისხთან დაკავშირებულ პრობლემებს ქმნის, პრობლემებს ქმნის, პირველ რიგში, ამ ნიშნის წარმომადგენლებისთვის. ამიტომ კაცობრიობა ცხრა თვე ლილიტის ზემოქმედების ქვეშ იმყოფება.
ვულოცავთ მშვილდოსნებს
ლილიტი ბოლო ცხრა თვე მშვილდოსნის ნიშანში იმყოფებოდა. ეს კიდევ იმას დაემთხვა, რომ კიდევ ერთი ნეგატიური პლანეტა -სატურნი ასევე მშვილდოსნის ნიშანში აღმოჩნდა. ამიტომ მშვილდოსნებისთვის ძალზე რთული პერიოდი იყო. აქედან გამომდინარე, ისინი ნაწილობრივ უჩიოდნენ ჯანმრთელობას, პრობლემებს საქმეებში, პარტნიორულ ურთიერთობებს, ემოციურ მდგომარეობას. ახლა მშვილდოსნები თავისუფლდებიან პირველი ნეგატიური პლანეტისგან, ხოლო სატურნისგან სადღად დეკემბრის შუა რიცხვებში გათავისუფლდებიან. ლილიტი კი გადავიდა თხის რქის ნიშანში, სადა ის შემდეგი ცხრა თვის განმავლობაში იქნება.
მშვილდოსნებს შეიძლება მივულოცოთ. მათ გაუუმჯობესდებათ განწყობა, საქმეები, ურთიერთობები, ფსიქოემოციური თვალსაზრისით თავს ბევრად სტაბილურად იგრძნობენ. თხის რქები კი ნეგატივს ჯერჯერობით ვერ იგრძნობენ, ეს დეკემბერში მოხდება - მაშინ თხის რქებისთვის შავი მთვარის გავლენა უფრო გასაგები გახდება. და ასევე საინტერესოა: ლილიტის გადასვლა თხის რქის ნიშანში პრობლემებს შეუქმნის არა მხოლოდ თხის რქებს, არამედ ზოდიაქოს ბევრ სხვა ნიშანსაც. ეს პრობლემები, კერძოდ, შეეხება კარიერულ ზრდას, სირთულეებს ხელმძღვანელებთან.
როგორ ვიმოქმედოთ?
ასეთი სირთულეები შემთხვევით არ ჩნდება. ლილიტი იმიტომაც მოიფიქრა კოსმოსმა, რომ ადამიანმა ამ პრობლემების გადალახვა ისწავლოს. ადამიანებმა უნდა ისწავლონ ამ ცხრა თვის განმავლობაში, რომ იყვნენ ფრთხილი, დიპლომატიური, ტაქტიანი, დელიკატური ხელმძღვანელებთან მიმართებით, მეტად დაეყრდნონ ინტუიციას, რთული საკითხების გადაწყვეტაში - კომპრომისის ფაქტორს. ეს თვისებები შრომისმოყვარეობასა და სიმტკიცესთან ერთად წინსვლაში დაეხმარება მათ. წინააღმდეგ შემთხვევაში, ლილიტი შექმნის პრობლემებს, ხარვეზებს, ასევე კარიერული ზრდის სერიოზულ შეფერხებას და ა. შ.
კიდევ ერთი პრობლემაა ადამიანის ძვლოვანი სისტემა. ადამიანები თანდათანობით იგრძნობენ ძვლოვან სისტემასთან დაკავშირებულ პრობლემებს. აქედან გამომდინარე, უახლოეს ცხრა თვეში ყურადღებით უნდა ვიყოთ და სიფრთხილე გამოვიჩინოთ უხერხული მოძრაობების, სიმძიმეების აწევის დროს, რათა დამატებითი პრობლემები არ შევიქმნათ. მეტი ალბათობაა ხერხემლის თიაქარის და მსგავსი დაავადებების გაჩენის.
გველოდება ცვლილებები
მოვლენათა ცენტრში ორი იდეოლოგიურ-პოლიტიკური ნიშანი — მშვილდოსანი და თხის რქა დარჩა, რომლებიც, ფაქტობრივად, აყალიბებენ პოლიტიკაში იდეოლოგიის სფეროს და, სხვათა შორის, რელიგიის სფეროს. აქედან გამომდინარე, შავი მთვარისა და შემდეგ სატურნის გადასვლას სხვა ნიშანში აუცილებლად მოჰყვება რაღაც სიახლეები რელიგიასა და პოლიტიკაში.
ცვლილებები პოლიტიკის სფეროში უკვე ვიხილეთ — ეს გადაადგილებები, რომელიც მინისტრთა კაბინეტის დონეზე მიმდინარეობს. ანუ, იცვლებიან მინისტრები, იცვლება სამინისტროების სტრუქტურა. ეს ყველაფერი ამას უკავშირდება.
მინდა გითხრათ, რომ ცვლილებები ამით არ დამთავრდება. ცვლილებები გაგრძელდება პრემიერ-მინისტრისა და მაღალი კადრების შეცვლამდე. ასევე შესაძლებელია რაღაც ცვლილებები რელიგიის სფეროში. ეს ყველაფერი წინ გვაქვს.
www.sputnik-georgia.com
მიხეილ ცაგარლის ასტროლოგიური პროგნოზი: 20-26 ნოემბერი
⏱️ 1 წთ.
👁️ 5 880
100%