ყვითელი ძაღლის რჩეული არიან თხის რქები, მორიელები და მერწყულები, თუმცა წლის დასაწყისი მათთვის რთული იქნება. ლომებსა და ტყუპებს ახალი მიღწევები ელოდებათ.
რა ელოდება 2018 წელს ზოდიაქოს თითოეულ ნიშანს? გაეცანით ცნობილი ასტროლოგის, თამარა გლობას პროგნოზს.
2018 წელი ვერძებისთვის
ძაღლის წელი წარმატებული იქნება ვერძებისთვის, რომლებიც ცდილობენ, რაღაც იღონონ, დაიწყონ ახალი საქმე, განაგრძონ სწავლა ან იშოვონ სამსახური. ცვლილებები აუცილებლად მოხდება. 2018 წელს ვერძები უფრო თავშეკავებული გახდებიან, აღარ ჩაერთვებიან ავანტიურაში, არ გაფლანგავენ ფულს და არ მიმართავენ ძალებს საეჭვო პროექტებში. წლის სიმბოლოს გავლენით ისინი საკუთარ დაუოკებელ ენერგიას სწორ კალაპოტში მოაქცევენ. ამ წელს მათთვის კარგია მოგზაურობა, რაც სიხარულს მოუტანს და მათ თვალსაწიერს გააფართოებს.
2018 წელი კუროებისთვის
2018 წელი ოჯახის ნიშნით გაერთიანების წელი გახდება და ამას სწორედ ყვითელი ძაღლი შეუწყობს ხელს. კუროებს არ ურჩევენ ნათესავების უყურადღებოდ დატოვებას და მათი ყურადღების უგულებელყოფას. ნათესავებს ხომ მოენატრათ თავიანთი საყვარელი ნათესავი კურო, რომელიც მთელი წელი სხვადასხვა სფეროში წარმატებას აღწევდა. ვარსკვლავები იმასაც ამბობენ, რომ უკვე წლის დასაწყისში კუროები უფროსობისგან მიმზიდველ წინადადებას მიიღებენ, ან კარიერულ კიბეზე წინსვლა ელოდებათ. ასე რომ, კუროებო, წარმატება და იღბალი თქვენი კარის ზღურბლზეა და უარი არ უთხრათ მას!
2018 წელი ტყუპებისთვის
მხიარული და უზრუნველი ტყუპები ყვითელი ძაღლის გავლენით დაფიქრდებიან, ღირდა კი მათ ყურადღებადა და ნერვებად ის ყველაფერი, რასაც მათ წინა პერიოდში მიაღწიეს. აზარტულ 2017 წელს ბრძენი და მიზანსწრაფული 2018 შეცვლის, ამიტომ ტყუპებისთვის ფასეულობათა გადაფასების პერიოდი იწყება. ძაღლის წელი მათთვის ყველაზე წარმატებული იქნება. შეაფასეთ შესაძლებლობები, მიჰყავით ხელი თვითგანათლებას, თვითგანვითარებას. გაქვთ ბედის შეცვლის, პროფესიის შეცვლის, ახალი საქმის დაწყების შანსები, რომელიც მოგებას მოგიტანთ.
2018 წელი კირჩხიბებისთვის
კირჩხიბის ნიშნით დაბადებულთათვის ცხოვრება იოლი არასდროს ყოფილა. შესაძლოა, სწორედ ამიტომ, ეს ადამიანები გულდახურული არიან. მაგრამ ისინი საუკეთესო და ერთგული მეგობრები არიან, რომლებიც სათუთად უფრთხილდებიან თავიანთ ახლობლებს, უყვართ ბავშვები. 2018 წელი კირჩხიბებისთვის რთული იქნება. მოუწევთ გადასვლა სხვა ქალაქში, რეგიონში ან სხვა ქვეყანაშიც კი. ზოგისთვის ძლიერი დარტყმა იქნება სამუშაოს დაკარგვა, წარუმატებლობა კარიერაში ან სწავლაში. მაგრამ თავდაჯერებული კირჩხიბები კეთილგანწყობილ და მტკიცე ყვითელ ძაღლთან ერთად ყველა გამოცდას გაივლიან და გამოსავალს ნებისმიერი სიტუაციიდან იპოვიან. გახსოვდეთ, რომ ძაღლს თავი გრძელ დისტანციაზეც თავდაჯერებულად და მტკიცედ უჭირავს.
2018 წელი ლომებისთვის
ლომები, რომლებიც მიჩვეული არიან ყურადღების ცენტრში ყოფნასა და ყველას მოხიბვლას თავიანთი უნარებითა და სილამაზით, 2018 წელს კიდევ უფრო მიმზიდველი გახდებიან. მაგრამ ზედმეტმა თავდაჯერებულობამ შეიძლება მათთვის ცუდი შედეგი მოიტანოს. წლის დასაწყისში ისინი წარუმატებელ და არასაჭირო საქმეში დანაკარგებით რისკავენ. მიუხედავად იმისა, რომ ძაღლის წელი მათ არა მხოლოდ გარეგნულად მიმზიდველს გახდის, არამედ ბასრ კბილებს, „ქორისებრ“ მზერასა და ფოლადისებრ სიმტკიცესაც მიანიჭებს, მაინც ურჩევნიათ, შეიკავონ ემოციები და ყველა გადაწყვეტილება დეტალურად გათვალონ.
2018 წელი ქალწულებისთვის
ქალწულები უზომოდ შრომისმოყვარენი არიან, ბოლო სამი წელი მათთვის ძალზე მძიმე იყო. უწევდათ ბრძოლა, საკუთარი აზრის დაცვა, სამსახურეობრივ კიბეზე მერყეობა, ახლობლებისთვის ყურადღების დათმობა. მაგრამ ძაღლი მათ ცხოვრებაში სიხარულს მოიტანს და ზოდიაქოს ამ ნიშნის წარმომადგენლები იგრძნობენ, როგორ გამოიღებს მათი შრომა ნაყოფს. ძაღლი მათ დააჯილდოებს კარიერული და ფინანსური სიხარულით, ბედის კუთხით - ცვლილებებით და რა თქმა უნდა - სიყვარულით. არ გეგონოთ, რომ ეს წელი მათთვის მარტივი იქნება, მაგრამ იქნება მადლიერებით აღსავსე და ისინი თავს ბედნიერად იგრძნობენ.
2018 წელი სასწორებისთვის
მუდამ მერყევი სასწორებისთვის 2018 წელი კიდევ უფრო რთული იქნება. ეს სასიამოვნო და უკონფლიქტო ადამიანები არ ებმებიან კამათში და კონფლიქტის მონაწილეთაგან არც ერთის მხარეს არ გადადიან. მაგრამ ძაღლის წელიწადში მათ მოუწევთ გადაწყვეტილების მიღება, რადგან ახლობლების პრობლემები იქნება გადასაჭრელი. მაგრამ სანერვიულო არაფერი აქვთ - ყვითელი ძაღლი მათ მხარეს იქნება, თუმცა ერთი რამ უნდა გაითვალისწინონ - თვალყური მიადევნონ, რომ მსჯელობა და გარჩევა უაზრო ყეფასა და ყბედობაში არ გადაიზარდოს. უკვე წლის დასაწყისში სასწორებს კიდევ უფრო ძლიერად შეეპარებათ ეჭვი საკუთარი გადაწყვეტილებების სისწორეში, ვიდრე ეს მათ ახასიათებთ. უფრო თავდაჯერებულად და მშვიდად რომ იგრძნონ თავი, მათ ამაში ერთგული მეგობრები დაეხმარებიან.
2018 წელი მორიელისთვის
ხშირად გვგონია, რომ მორიელები ცივი და უგრძნობი ადამიანები არიან. სინამდვილეში, ამ ნიშნის წარმომადგენლებს აქვთ ფაქიზი ხასიათი, გააჩნიათ ცეცხლოვანი გრძნობები და მიმზიდველი ენერგეტიკა. ძაღლის წელი მათ საკუთარი გრძნობების გამოვლენაში დაეხმარება, ამიტომ მორიელებს შეუძლიათ იმედი ჰქონდეთ ახალი ურთიერთობების, სასიყვარულო კავშირებისა და ქორწინებისაც კი. მორიელების კიდევ ერთი დამახასიათებელი ნიშანია სიჯიუტე და მიზნისკენ შეუპოვარი სვლა. ეს მათ ახალი მწვერვალების დაპყრობაში, გამარჯვებებში დაეხმარება. ყვითელი ძაღლი კი მორიელის საუკეთესო თვისებებს გააძლიერებს.
2018 წელი მშვილდოსნისთვის
მამლის წელიწადი წარმატებული და მხიარული იყო და მშვილდოსნებს მრავალი ბედნიერი წუთი აჩუქა. გარდა ამისა, ზოდიაქოს ამ ნიშნის წარმომადგენლები გაერკვნენ პრიორიტეტებში, რის გამოც ცხოვრებაში ყველაფერი სწორი გზით წარიმართა. ყვითელი ძაღლის წელიწადში ოპტიმიზმი მხოლოდ მოიმატებს. სიხარულს მოიტანს მოგზაურობა, ახალი შთაბეჭდილებები და ნაცნობობა. მშვილდოსნებს გაუჩნდებათ შესაძლებლობა, გამოავლინონ და სხვებს გაუზიარონ თავიანთი ცოდნა და ნიჭი, რის გამოც გარშემომყოფები მათ კიდევ უფრო კარგად მოეპყრობიან. ძაღლის წელიწადში მშვილდოსნებს შეუძლიათ, თამამად მოეჭიდონ ყველაზე დაუჯერებელ პროექტებს, რასაც უმაღლეს დონეზე განახორციელებენ.
2018 წელი თხის რქებისთვის
თხის რქებისთვის გასული წელი არასტაბილური იყო. მათ ხან აღმასვლა ჰქონდათ და ხან - ვარდნის პერიოდები. მიუხედავად იმისა, რომ ამ ნიშნის ზოგიერთი წარმომადგენელი სიჯიუტით ვერძებსაც კი ფორას მისცემს, ბევრ თხის რქას შეიძლება მოჩვენებოდა, რომ წარმატებამ მათი სახლი სამუდამოდ დატოვა. ძაღლი მათ ცხოვრებაში პოზიტივს შეიტანს, დააბრუნებს თავდაჯერებულობას, გაჩნდება სტაბილურობა და სულიერი სიმშვიდე. თხის რქები აღარ დაიტანჯავენ თავს, თამამად გადადგამენ ნაბიჯებს წინ მათთვის დამახასიათებელი უდრეკობით და ამისთვის ჯილდოსაც მიიღებენ. ოღონდ ერთი უნდა გაითვალისწინონ - სწორად გამოიყენონ საკუთარი გამოცდილება - პოზიტიურიცა და ნეგატიურიც.
2018 წელი მერწყულებისთვის
მერწყულებისთვის ძაღლის წელიწადი ძალზე წარმატებულად დაიწყება. ყველაფერი თავისთავად გამოვა, საკმარისი დრო იქნება ოჯახისთვისაც და სამსახურისთვისაც. სამწუხაროდ, სიმშვიდე შუა წელიწადში დასრულდება. ამ დროისთვის მერწყულები სერიოზულ მიზანს დაისახავენ ან საოცნებო რაიმეს შეძენას გადაწყვეტენ, მაგალითად, ავტომობილის ან ბინის. სამუშაოში თავდადებით ჩაეშვებიან, ამით კი მეგობრებთან და ოჯახის წევრებთან კარგი ურთიერთობების დაკარგვით რისკავენ. მათთვის წლის მეორე ნახევარი ნამდვილად გარდამტეხი პერიოდი იქნება. ამ დროს მნიშვნელოვანი გადაწყვეტილებების მიღება მოუწევთ. მთავარია, არ დაავიწყდეთ, რომ ძაღლი მათ მხარესაა, უბრალოდ, დაუდევარი და წინდაუხედავი საქციელი არ უნდა ჩაიდინონ.
2018 წელი თევზებისთვის
თევზებისთვის ეს წელი ფინანსური თვალსაზრისით წარმატებული იქნება. მათ არ ენანებათ ფული ნათესავების, ახლობლებისა და ბავშვებისთვის. მაგრამ ძაღლის წელიწადში თევზებს რაღაც უკარნახებს, რომ დროა, სხვა ადამიანებისგან დამოუკიდებელი გზა აირჩიონ და ამ არჩეული მიმართულებით იარონ. 2018 წელს მათ შეუძლიათ, ნებისმიერ საქმეს მოკიდონ ხელი, რამდენიმე პროექტსაც კი. ის, რაც საჭირო არაა, თავისთავად გაიცხრილება, ხოლო არჩეული მიმართულება გადამწყვეტი აღმოჩნდება. მაგრამ უნდა გაითვალისწინონ: ახლობლებთან უთანხმოებების ფონზე სერიოზული კონფლიქტები შეიძლება აღმოცენდეს.
www.sputnik-georgia.com