არსებობს პროდუქტები, რომლებიც უმჯობესია, გამორიცხოთ საუზმის რაციონიდან.
ციტრუსი
ეს პოტენციური ალერგენია და იმ შემთხვევაშიც, თუკი ამ პროდუქტზე ალერგია არ გაქვთ, ის თავისებურად „ძაბავს“ იმუნიტეტს. ციტრუსში დიდი რაოდენობით შემავალი მჟავა კუჭში უსიამოვნო შეგრძნებას და მის გაღიზიანებას იწვევს.
კარტოფილი
ეს ბოსტნეული საკმაოდ კალორიულია და კუჭში სიმძიმის შეგრძნებას იწვევს. შესაბამისად, საუზმის დროს მისი მიღების შემთხვევაში დღის მანძილზე მოდუნებული და უგუნებოდ იქნებით. თანაც, კარტოფილის ხშირად მიღება წონაში მატებას უწყობს ხელს.
იოგურტი
ხშირად გვირჩევენ, რომ იოგურტი სწორედ საუზმეზე უნდა მივირთვათ, მაგრამ თუკი მას საუზმემდე ან საუზმის ნაცვლად იღებთ, ორგანიზმის სარგებელი ნულის ტოლია. პირველ რიგში, იოგურტში შემავალი კალორიები სადილამდე არასაკმარისია და მეორე, იოგურტში შემავალი სასარგებლო ბაქტერიები ასამოქმედებლად სხვა პროდუქტების მიღებასაც საჭიროებს. ცარიელ კუჭში მოხვედრისას, მას მალე გადაამუშავებს კუჭის წვენი და ბაქტერიის სასარგებლო მოქმედება სრულიად იკარგება.
ხორბლის ფქვილისგან დამზადებული პური
ნებისმიერი ცომეული პროდუქტი, მათ შორის, ორცხობილები - გლუკოზის წყაროა, რომელიც წონაში მატებას უწყობს ხელს.
ნიორი
ალბათ, ცოტა ვინმეს თუ გაუჩნდება სურვილი, საუზმეზე ნივრიანი კერძი მიირთვას - უსიამოვნო სუნი პირის ღრუში 24 საათის განმავლობაში ჩერდება, მაგრამ იმ შემთხვევაშიც, თუკი სახლიდან გასვლა არ გიწევთ, ნივრის ჭამა დილას არ ღირს, რადგან ის ნაწლავში ჩხვლეტის შეგრძნებასა და სპაზმებს იწვევს, რაც თქვენს პროდუქტიულობაზე უარყოფითად იმოქმედებს.
ავტორი: სალომე ჩაჩიბაია
www.funtime.ge