ჩინეთში ერთ-ერთი ყველაზე პოპულარული ღირსშესანიშნაობა ხუანშანის მთებია. მას, ასევე, „ყვითელ მთებს“ უწოდებენ. მწვერვალი ღრუბლების დონეზე მდებარეობს და ხშირად ღრუბლების მაღლა ექცევა. ამას იქაურები „ღრუბლების ზღვას“ უწოდებენ. ეს შთამბეჭდავი სანახაობა უამრავ ტურისტს იზიდავს. მათ შეუძლიათ, მწვერვალებზე განლაგებული სასტუმროებიდან ადევნონ თვალი მზის ამოსვლასა და ჩასვლას.
მაგრამ, როგორ ადიან ტურისტები ამ სიმაღლეზე?
არსებობს სრულიად უსაფრთხო საშუალება - საბაგირო გზა და არსებობს უფრო სარისკო გზაც, რომელიც კლდეებზე გადის და რომლის გავლასაც ყველა ვერ რისკავს. აი, ეს მართლაც დიდი თავგადასავალია.
რისკისა და ადრენალინის მოყვარულები ამ გზას ყოველთვის განსაკუთრებული ემოციებით იხსენებენ.
ავტორი: სალომე ჩაჩიბაია
www.funtime.ge