შეცდომა №1. თმის პირსახოცით გაშრობა.
თმის პირსახოცით შეშრობა თმის სტრუქტურას აზიანებს. უმჯობესია, დაბანის შემდეგ თმა პირსახოცით შეიკრათ და რამდენიმე წუთი გაიჩეროთ, რათა სისველე პირსახოცმა შეიწოვოს.
შეცდომა №2. შამპუნის გადაჭარბებით მოხმარება.
თუკი თავს ყოველდღიურად იბანთ, არ არის საჭირო შამპუნის რამდენჯერმე წასმა. დიდი რაოდენობით შამპუნი სჭირდება მას, ვინც თავს კვირაში ერთხელ ან ორჯერ იბანს.
შეცდომა №3. თმის კონდიციონერზე უარის თქმა.
ბალზამი არა მხოლოდ იცავს თმის PH-ს, არამედ თმას მბზინვარებასა და სირბილეს ანიჭებს. მთავარია, კონდიციონერი თმის ძირებში არ შეიზილოთ.
შეცდომა №4. თავის აგრესიულად დაბანა.
თმაში შამპუნის ძალიან აგრესიულად შეზელა არ ღირს. ეს თმის ცვენას იწვევს. თავის დაბანის დროს, თითების მსუბუქი მოძრაობით გაიკეთეთ თავის მასაჟი.
შეცდომა №5. თავის იშვიათი დაბანა.
თავის დაბანის სიხშირე ყველასთვის ინდივიდუალურია. გააჩნია, რამდენად ცხიმიანი თმა გაქვთ. მშრალი თმის იშვიათად დაბანა ისევე საზიანო, როგორც ცხიმიანი თმის ხშირად დაბანა.
შეცდომა №6. თავის ცხელი წყლით დაბანა.
ცხელი წყალი თმის ძირებსა და თავის კანს აშრობს. სასურველია, თავი თბილი წყლით დაიბანოთ და პროცედურა ცივი წყლით დაასრულოთ.
შეცდომა №7. თმის მუდმივად ფენით გაშრობა.
უმჯობესია, სველი თმა ფენით არ გაიშროთ. ამგვარად თმა მტვრევადი და მშრალი ხდება. დაელოდეთ თმის ოდნავ შეშრობას და ფენით შემდეგ ისარგებლეთ.
www.funtime.ge