ჩვენ ყველას მოგვწონს თავის წარმოდგენა ძლიერი, დამოუკიდებელი, წარმატებული და მამაცი ქალის ამპლუაში. თუმცა, ხანდახან მაინც ვურიგდებით (ვეგუებით) ზოგიერთ სიტუაციებს, რომლებიც ამ წარმოდგენებთან შეუსაბამობაშია; ამგვარ ლაფსუსებს ძლიერი ქალი არასდროს დაუშვებს, რადგან უყვარს და პატივს სცემს საკუთარ ,,მე“-ს.
1. გამართლება
თითოეულმა ძლიერმა ქალმა იცის, რომ არ არსებობს ცნება - გამართლება. თუ მამაკაცს შენთან დროის გატარება სურს ან უბრალოდ, შენი ხმის გაგონება, ის შეეცდება ამის გაკეთებას; როცა რაიმე გსურს, საშუალებას ყოველთვის პოულობ; როცა არ გინდა კი - გამართლებას. სწორედ ამ პრინციპით ცხოვრობს ძლიერი ქალი.
ეს არ ნიშნავს იმას, რომ მას არ ესმის, რომ მამაკაცი შეიძლება დაკავებული იყოს; ან იმას, რომ ის არ მიიღებს ბოდიშს - პირიქით, ის აფასებს გულახდილ მამაკაცს, რომელიც ჩამოყალიბებული და შემდგარია, იმისთვის რომ პასუხისმგებლობა აიღოს საკუთარ ქცევებზე. მაგრამ თუ ქალი გრძნობს, რომ ის უბრალოდ, მის მოთმინებას ცდის, რომ ზედმეტად ხშირად იხდის ბოდიშს - მაშინ ტოვებს საყვარელ მამაკაცს.
2. არასაკმარისი პატივისცემა
დიახ, ყოველ ქალს სურს, რომ უყვარდეთ. მაგრამ ძლიერი ქალი, უფრო მეტად აფასებს პატივისცემას. თუ ზოგადად არ სცემ პატივს ქალებს, მაშინ ნურც კი იფიქრებ ძლიერი ქალის შეყვარებაზე. ის, უბრალოდ, ვერ მოითმენს უპატივცემულობას. ძლიერმა ქალმა იცის თავისი ფასი. ის ყველასგან მოითხოვს პატივისცემას, მითუმეტეს, თავისი პარტნიორისგან.
არა, მას ის კი არ სურს, რომ მისი ეშინოდეთ, არამედ, რომ - აფასებდნენ. თუ შეეცდები მის დამცირებას, ის ამას არ მოგითმენთ, როგორ ძლიერადაც არ უნდა უყვარდეთ. ძლიერი ქალი არასდროს იქნება ისეთ ურთიერთობაში, სადაც მას ისე არ ეპყრობიან, როგორც იმსახურებს.
3. კონტროლი
ერთ-ერთი მთავარი დამახასიათებელი თვისება ძლიერი ქალისა არის -დამოუკიდებლობა. ეს არ ნიშნავს, რომ ის მზად არაა კომპრომისზე წასასვლელად. პირიქით, ის სიხარულით წავა დათმობაზე, მაგრამ არასდროს შეეგუება, რომ პარტნიორმა გააკონტროლოს. მას თავის ცხოვრება და ინტერესები აქვს, და მამაკაცი მხოლოდ - ამ ყველაფრის ნაწილია. თუ ისეთ ქალს ეძებ, რომელიც ნებისმიერ საკითხში დაგემორჩილება, სხვაგან ეძებე.
4. ღალატი
ღალატი - ეს ისაა, რასაც არავინ არ უნდა შეეგუოს, სამწუხაროდ, სინამდვილეში, ძალიან ბევრი ითმენს; მაგრამ არა ძლიერი ქალი. ის ღალატის არცერთ ფორმას არ მოითმენს: არც ფლირტს, არც სხვა გოგონებთან მესიჯობას. არა ის თვალთვალს არ დაგიწყებთ, მაგრამ როგორც კი ტყუილში გამოგიჭერთ, შეგიძლიათ ჩემოდნის ჩალაგება დაიწყოთ. ის არ მოგცემთ მეორე შანსს, არ ექნება იმედი, რომ შეიცვლებით. და ამ ამბავში თავის დადანაშაულებას არ დაიწყებს. ის დაკარგავს თქვენ მიმართ პატივისცემას.
5. ტყუილი
ძლიერი ქალი - ჭკვიანი ქალია, და თუ გადაწყვიტე მისი მოტყუება, ამით დაამცირე და შეურაცხყავი ის. ადრე თუ გვიან ჭკვიანი ქალი აუცილებლად გამოგააშკარავებთ და მაშინ მთელი მისი თქვენდამი ნდობა გაქრება. ძლიერი ქალი ყოველთვის ამბობს სიმართლეს და მამაკაცისგანაც იმავეს მოელის.
6. ემოციური მანიპულაცია
როგორც არ უნდა ეცადო და რაც არ უნდა უთხრა, არ გამოგივა ძლიერი ქალის თვითშეფასების დადაბლება. მან იცის საკუთარი თავის ფასი და არავის მისცემს თავის სამყაროში გაჩერების უფლებას, თუ ცუდად ეპყრობა. ემოციური მანიპულაციისას ერთი ადამიანი მეორეზე იმარჯვებს ანუ სხვა სიტყვებით რომ ვთქვათ, ერთი იწყებს მეორის მართვას, ძლიერი ქალი ურთიერთობაში ამას არ დაუშვებს.
7. ეჭვიანობა
ძლიერი ქალი ამას არათავდაჯერებულობას, ,,დაუმწიფებლობას“ მიაწერს, და არ სურს ამის პარტნიორში დანახვა. მან თქვენ აგირჩიათ, ასე რომ ეჭვიანობის მიზეზი არ არსებობს. თუ უმიზეზოდ ეჭვიანობ, ის გადაწყვეტს, რომ პრობლემები გაქვს თავდაჯერებულობასთან. ამასთან, შენი ეჭვიანობა, შესაძლოა იყოს კონტროლის მცდელობა, ვისთან იურთიერთოს, ძლიერ ქალს კი ეს არ სჭირდება.
8. სათარიგოში ყოფნა
თუ ძლიერ ქალთან ყოფნა გსურს, მან უნდა იცოდეს, რომ ის შენთვის ერთადერთია. ეს არ ნიშნავს, რომ ის ხელს შეგიშლით მეგობრების, ან ოჯახის ნახვაში, ან საყვარელი საქმის - კეთებაში; თუმცა რაც პირად ურთიერთობას ეხება, ძლიერი ქალი არასდროს მოგცემთ უფლებას გყავდეთ სათადარიგოში. ის არ დაგელოდებათ, სანამ თქვენ აირჩევთ. თუ თქვენ მას უგულვებელყოფთ, ნუ დაელოდებით, რომ ის თქვენთან დარჩება.
თაკო ცილიკიშვილი
Interpreter - Tako Tsilikishvili
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!
რას არ ეგუება ძლიერი ქალი ურთიერთობაში
⏱️ 1 წთ.
👁️ 1 873
100%