რას გვიმზადებენ ვარსკვლავები 9–15 აპრილის პერიოდში



ამ კვირაში მთავარი ასტროლოგიური ტენდენციაა ვერძის თანავარსკვლავედში მაქსიმალურად გაძლიერებული მზე. მისი ასეთი მდგომარეობა მოვლენებს საბედისწერო ელფერს მიანიჭებს. სასიამოვნო ბონუსი იქნება ვენერას, მარსისა და ნეპტუნის გავლენა, რაც დაგვეხმარება ძალების ადეკვატურ დახარჯვაში, რომ ვიბრძოლოთ ბედნიერებისთვის იქ, სადაც საჭიროა და სადაც არა – დავისვენოთ. ამის წყალობით ნებისმიერი დაძაბულობა შეიძლება განტვირთვაში გადაიზარდოს.

თუ ამ კვირაში ბედი რაიმე არასასიამოვნო სიურპრიზს მოგიწყობთ, ეს ნიშნავს, რომ ცხოვრებამ ახალი ტრაექტორია მიიღო; ამან არ უნდა შეგაშინოთ. ეს ხარვეზები ჩათვალეთ, როგორც ყველაფრის ახლიდან დაწყების ან კურსის შეცვლის შესაძლებლობა.

ვერძი

ეს კვირა ვერძებისთვის წარმატებული იქნება. განავითარეთ სასიყვარულო და საქმიანი ურთიერთობები. მზე გიბიძგებთ იმისკენ, რომ საკუთარი „მეს“ წინ წასაწევად გარშემომყოფები შეავიწროვოთ. ეცადეთ, სადავო საკითხებში კომპრომისი მოძებნოთ, სხვაგვარად წარმატება ზურგს გაქცევთ.

ამ კვირაში ის დროა, როცა საქმიან, იურიდიულ ან ბიუროკრატიულ საკითხებს უნდა მიხედოთ. კვირის მეორე ნახევარში კარგი დრო დადგება იმისთვის, რომ თქვენს მიზნებს გადახედოთ – რაღაც უკვე მოძველდა და საჭირო აღარ არის. შესაძლებლობა იქნება კარიერული წინსვლისა.

კურო

ასტროლოგები გირჩევენ, ამ კვირაში ყურადღება მიაქციოთ გავრცელებულ ხმებს, ჭორებს. ახალი ინფორმაცია გიკარნახებთ, რა უნდა გააკეთოთ უახლოესი თვის განმავლობაში. სამუშაო დღეები აქტიური იქნება – მოგიწევთ სირთულეების გადალახვა და ამაში ვენერა დაგეხმარებათ, რომელიც თქვენს ნიშანშია.

უქმეები შესანიშნავი იქნება გამაჯანსაღებელი პროცედურებისთვის, იმიჯის, ასევე ცხოვრებისეული გეგმების შეცვლისთვის. საბოლოოდ ჩამოყალიბდებით, რა გინდათ და როგორ მიაღწიოთ ამას. ცვლილებები იმედს არ გაგიცრუებთ.

ტყუპი

ტყუპებმა ყურადღება უნდა მიაქციონ მეგობრებთან და საყვარელ ადამიანთან ურთიერთობებს. სიტყვებში დაფიქრება გმართებთ, ეს დაგეხმარებათ გაიგოთ, რა საჭიროებს თქვენს უშუალო მონაწილეობას მომავალი თვეების განმავლობაში.

ეს კვირა განსაკუთრებით მნიშვნელოვანი იქნება, თუ მომწიფებული პრობლემის გადაჭრის გზას ეძებთ, ან ჩიხში ხართ შესული. ეცადეთ, სადავო საკითხები თანამოაზრეებთან ერთად განიხილოთ. ახლობლების რჩევები ბევრად მნიშვნელოვანი იქნება, ვიდრე მატერიალური, კარიერული ან პრაგმატული ამოცანები. უქმეები კარგი იქნება რომანტიკული შეხვედრებისთვის.

კირჩხიბი

კირჩხიბებმა სახლის ჰარმონიაში მოყვანა უნდა დაიწყონ. ამ კვირაში თქვენი მმართველი იუპიტერი იქნება. ის უკვე რამდენიმე კვირაა, რეტროგრადულია და აქედან მომდინარეობს სირთულეები, რომლებსაც ამ პერიოდში შეიძლება წააწყდეთ ოჯახში. არის რისკი უსიამოვნებებისა ოჯახის წევრებთან, მეგობრებთან და ასევე საყვარელ ადამიანთან.

იუპიტერის გავლენა ცვლილებების მოახლოებას დააჩქარებს. ეს ცვლილებები უნდა შეიგრძნოთ, განჭვრიტოთ. ამიტომ ასტროლოგები გირჩევენ, იმოქმედოთ, იმუშაოთ პირად ბედნიერებაზე, განვითარდეთ სულიერად. ბევრ რამეს შეძლებთ, მთავარია, საკუთარ თავში არ ჩაიკეტოთ.

ლომი

ლომებს კვირის დასაწყისი საკმაოდ წარმატებულად აეწყობათ. შეძლებთ გავლენიანი პერსონის ყურადღების მიქცევას. ქარიზმა, იუმორის გრძნობა და შემოქმედებითი დამოკიდებულება ყველაფერს თქვენ ნაცვლად გააკეთებს. აქტიურობის არცთუ მაღალი ტემპი კი თქვენი იღბლითა და სიჯიუტით იქნება კომპენსირებული.

ვარსკვლავები გირჩევენ, არ იჩქაროთ. ცვლილებების წინა პერიოდში კარგი იქნება, თუ გათავისუფლდებით შემაწუხებელი ურთიერთობებისგან, განაცალკევებთ მნიშვნელოვან და არასაჭირო მიზნებს, მოძებნით თქვენს დანიშნულებას. გაძლიერებული მარსი ბედნიერების მიღწევაში დაგეხმარებათ მხოლოდ იმ შემთხვევაში, თუ ამისთვის მზად იქნებით. მზადყოფნა კი ნიშნავს გათავისუფლებას ყველაფრისგან, რაც გბოჭავთ და წინსვლის საშუალებას არ გაძლევთ.

ქალწული

ქალწულებს ასტროლოგები აფრთხილებენ, რომ ამ კვირაში, შესაძლოა, კრიზისი დადგეს ურთიერთობებში, მათ შორის – სასიყვარულო ურთიერთობებში. ეს ნიშნავს, რომ უნდა ისწავლოთ საკუთარი ემოციების გამოხატვა. თუ ყველაფერს გულში დაიტოვებთ, ახლობელთან ჩხუბი, დიდი ალბათობით, არ აგცდებათ. სიყვარული თქვენგან მთლიანად დახარჯვას, ღიად და თამამად მოქმედებას მოითხოვს.

პირადი ცხოვრების პრობლემებმა შეიძლება ხელი შეგიშალოთ მუშაობაში. გონების მოკრებაში ხელს შეგიშლით სხვადასხვა წვრილმანი, რომლებსაც უქმეებზე სერიოზული შედეგების მოტანა შეუძლია. ნუ დაემალებით პრობლემებს პარტნიორთან: გადადგით ნაბიჯი და გადაწყვიტეთ პრობლემა, სანამ ამის დრო და საშუალება არის.

სასწორი

სასწორებმა თავი შორს უნდა დაიჭირონ მოშურნეებისგან და იმ ადამიანებისგან, რომლებიც მათი პრობლემების წყარო იყვნენ წარსულში. ნუ ანდობთ საკუთარ ცხოვრებას ცრუ მოლოდინებს – შეიძლება მოგეჩვენოთ, რომ ეს ადამიანები შეიცვალნენ, უკეთესი გახდნენ, მაგრამ ეს ასე არაა. მოერიდეთ კონტაქტს იმ ადამიანებთან, რომლებმა თქვენს ცხოვრებაში გარკვეული ცუდი როლი უკვე შეასრულეს. ასევე ეცადეთ, კონფლიქტი არ მოგივიდეთ თვალსაჩინო მიზეზების გარეშე და დაიცავით სუბორდინაცია.

ამ კვირაში ეს იქნება თქვენი ძირითადი პრობლემა, დანარჩენ საკითხებში ეს პერიოდი წარმატებულია. თუ ვალდებულეებით არ ხართ შებოჭილი, შეიძლება გაჩნდეს ახალი გეგმები, შესაძლებლობები, პერსპექტივები. არ გაუშვათ ეს შანსი ხელიდან.

მორიელი

მორიელებმა ამ კვირაში ემოციები უნდა გააკონტროლონ, ან საქმეებს ჩამოშორდნენ და თავისუფალი დრო თავის თავსა და შინაგან სამყაროს მიუძღვნან. თქვენზე კუროს ნიშანში გაძლიერებული ვენერა იმოქმედებს. განწყობა ტალღისებური გახდება, აზროვნებაც ასევე პოზიტიურიდან ნეგატიურისკენ შეიცვლება. ეს მარტივი პერიოდი ნამდვილად არ იქნება, რომელიც მედგრად უნდა გადალახოთ.

ეს კარგი პერიოდია იმისთვის, რომ გადაწყვიტოთ ყველა შინაგანი პრობლემა, განავითაროთ დისციპლინა, მაგრამ არ გამოდგება რომანტიკისთვის, სიყვარულისთვის, ასევე ფინანსური წარმატებისთვის. ასე რომ, ნუ იქნებით ძალზე ამბიციური, რადგან წარუმატებლობამ შეიძლება მოგდრიკოთ.

მშვილდოსანი

ამ კვირაში რეტროგრადული იუპიტერი გმართავთ, ეს კი ნიშნავს არეულ აზრებს, მაღალ მოლოდინებს, სხვისი მოსაზრებებისგან დამოუკიდებლობას. ეს კვირა აპრილის ყველაზე ბედნიერი პერიოდი იქნება: ბევრ რამეზე აგეხილებათ თვალი, მეტად თავდაჯერებული, დამოუკიდებელი გახდებით და ასე გაჰყვებით თქვენს გზას.

იუპიტერი დაგეხმარებათ, რომ უკეთესი გახდეთ. მაგრამ ამისთვის უნდა შეწყვიტოთ სხვების მოსმენა და თქვენს თავს, გულს, შინაგან ხმას მოუსმინოთ. 9–15 აპრილის პერიოდში ინტუიცია გაგიმძაფრდებათ. ის ბედნიერების გზას გიჩვენებთ.

თხის რქა

ასტროლოგები თხის რქებს მშვენიერ კვირას ჰპირდებიან, მაგრამ არის „მაგრამ“: მშვენიერი ის სახლის გარეთ იქნება. ოთხკედელშუა აუცილებლად გამოგიჩნდებათ რაღაც გადაუდებელი საქმეები, რომლებიც მოსვენებისა და ცხოვრებისგან ტკბობის საშუალებას არ მოგცემთ.

ამ კვირაში თქვენს ნიშანში გაძლიერებული მარსი მნიშვნელოვანი საკითხის დასრულებას მოითხოვს. ეს ცუდი არაა, რადგან მფარველის პოზიტიური გავლენა საქმეების დასრულებაში დაგეხმარებათ. საქმეები კი პირადსაც შეეხება და საქმიან სფეროსაც.

მერწყული

მერწყულებს სამყარო მთელი კვირა მინიშნებებს მისცემს. ამ მინიშნებებზე იქნება დამოკიდებული თქვენი მომავალი ბედნიერება. ესაა აზროვნებისა და მთლიანად, ცხოვრების შეცვლა. ამას ბევრი თქვენგანი დიდხანს ელოდებოდა, ასე რომ, ახლა მაქსიმალურად სწრაფად მოქმედების დროა.

ცხოვრების გაუმჯობესებისთვის განსაკუთრებით კარგია ორშაბათ–ხუთშაბათის პერიოდი. ამ დროს სურვილების რეალიზებაში მფარველი სატურნი დაგეხმარებათ, რომელიც თხის რქის ნიშანშია გაძლიერებული. ეს ბოლო რამდენიმე თვის განმავლობაში სატურნის საუკეთესო დახმარება იქნება, ასე რომ, დროს ფუჭად ნუ დაკარგავთ.

თევზები

თევზებს ამ კვირაში ცხოვრების შეცვლის შანსი ეძლევათ. ყველაფერი გამოგივათ, რადგან თქვენ მხარეს იქნება ნეპტუნის დადებითი გავლენა, ეს კი წარმატებებსა და პერსპექტიულ შესაძლებლობებზე მეტყველებს. გარისკეთ მხოლოდ იმ საქმეებში, რომლებიც თქვენთვის ჩვეული და ყოველდღიურია. არაპროფესიონალიზმსა და მაღალ ამბიციებს თქვენი ჩიხში შეყვანა შეუძლია, ეს განსაკუთრებით ეხება მატერიალურ სფეროს.

ეს წარმატებული კვირა იქნება უფრო სიყვარულისთვის, თუმცა ვარსკვლავები აჩქარებას არ გირჩევენ. ამ კვირაში უნდა იმოქმედოთ ღიად, მტკიცედ, მაგრამ, ამავდროულად, ფრთხილად, ყველაფერი კარგად უნდა აწონ–დაწონოთ. ნუ გაეკიდებით გრძნობებს, ისინი თავად მოგძებნით. უბრალოდ, იცხოვრეთ, დატკბით ცხოვრებით და პოტენციურ ან უკვე არსებულ პარტნიორთან ურთიერთობებით.

www.sputnik-georgia.com
































ტექსტის სანახავად გაიარეთ რეგისტრაცია.