ცნობილია, რომ ყველა ადამიანს აქვს აურა – ზოგს დადებითი და ზოგსაც უარყოფითი. ისიც ვიცით, რომ ნეგატიური ადამიანები გამუდმებით აფრქვევენ სივრცეში უარყოფით ტალღებს, რომლებზეც განსაკუთრებით მგრძნობიარენი, ემპათები მძაფრად რეაგირებენ. მაგრამ ცოტამ თუ იცის, რომ აურას ფერიც ჰქონია - გამომდინარე იქიდან, თუ რა თვისებების მატარებელია ესა თუ ის ადამიანი.
ქვემოთ ჩვენ შემოგთავაზებთ სხვადასხვა ფერი აურის მქონეთა დახასიათებას, რაც საშუალებას მოგცემთ, ამოიცნოთ, როგორი აურის მატარებლები არიან თქვენი გარშემომყოფები და ვის უნდა აარიდოთ თავი, რათა მათი უარყოფითი ენერგიის მსხვერპლი არ გახდეთ.
თუმცა მანამდე გაგაცნობთ მეთოდს, რომელიც საკუთარი აურის დანახვაში დაგეხმარებათ.
როგორ დავინახოთ საკუთარი აურა
დაჯექით ან დადექით სარკის წინ, ოღონდ ისე, რომ თქვენ უკან ღია ფერის ფონი იყოს. ჩაიხედეთ სარკეში და უყურეთ თავს. დააკვირდით წერტილოვან ლაქას საკუთარ სხეულზე ან ყელსა და მხრებს შორის არეზე შეაჩერეთ მზერა.
თავდაპირველად სხეულის გარშემო თხელ, გამჭვირვალე გამოსახულებას დაინახავთ - დიახ, ის ძლივს შესამჩნევი იქნება, მაგრამ მაინც გაარჩევთ. არ შეიცვალოთ პოზა. ბოლოს ეს უფერო ან გამჭვირვალე გამოსახულება თანდათან გაფართოვდება და გარკვეულ ფერს მიიღებს. ამ დროს შესაძლოა გონებამ გაიაზროს, რომ რაღაცას ხედავთ და გამოსახულება გაქრეს, მაგრამ დაელოდეთ და ის მალე კვლავ გამოჩნდება. მაგრამ როგორც კი კვლავ დაფიქრდებით იმაზე, რასაც ხედავთ, აურა ისევ გაქრება...
მოკლედ, თუ კონცენტრირებას მოახერხებთ, აურა ნათებას დაიწყებს და ფერიც მკვეთრად შესამჩნევი გახდება.
წითელი აურა
წითელი აურის მქონე ადამიანი ენთუზიასტია და ენერგიით აღსავსე. ყოველთვის მზადაა თავგადასავლებისთვის. შეუძლია იყოს იმპულსური და გადაჭარბებულად სწრაფი - სურთ, რომ ყველგან მიასწრონ დ ყველაფერი მოასწრონ. თუმცა ასეთი მიდგომა ხშირად აგდებს მათ უსიამოვნო და სახიფათო ვითარებაში.
„წითლები“ ადვილად ღიზიანდებიან და მერყევი ხასიათი აქვთ. თუმცა, მეორე მხრივ, ჭკვიანები არიან, მამაცები და თავდაჯარებულები. მიდრეკილები არიან რისკისადმი, ამიტომ იოლად ერგებიან სხვადასხვა სიტიაციას. კარიერაში წარმატებულები არიან და შეუძლიათ ძალიან გამდიდრდნენ.
„წითლების“ უარყოფითი მხარე ისაა, რომ გამუდმებით ეცოტავებათ ყურადღება. სურთ ყოველთვის მწვერვალზე იდგნენ - სამყაროს ყურადღების ცენტრში.
ყვითელი აურა
ყვითელი აურის მქონეებს ანალიტიკური გონება და ლოგიკის უნარი აქვთ. დაუდევრები არიან, მაგრამ ფრთხილები. შეუდარებლად შრომისმოყვარეეები გახლავან. ახასიათებთ მედეგობა სტრესების, დეპრესიების, შფოთვებისა და სხვა ნეგატიური ფაქტორებისადმი. ძლიერი ფსიქოლოგიური პროფილი აქვთ.
ისინი ბედნიერები არიან მაშინაც კი, როცა მარტო რჩებიან. სხვებისგან განსხვავებით, „ყვითლები“ ტკბებიან მარტოობით.
არიან არაჩვეულებრივი მომლაპარაკებლები, იმიტომ რომ იციან ურთიერთობა. მიუხედავად ამისა, თავად იოლად არ ეხსნებიან გარშემომყოფებს. ინტელიგენტურები არიან - თანაც, გადამდებად ინტელიგენტურები, ბევრს უჩნდება სურვილი, მიბაძოს „ყვითლებს“. გამუდმებული თვითკრიტიკა და პერფექციონიზმი - ესეც ყვითელი აურის მქონეთა მახასიათებელია.
ცისფერი აურა
სრულად ცისფერი აურა ძალზე იშვიათად გვხვდება და ის სულით ძლიერი ადამიანებისთვისაა დამახასიათებელი. ასეთები სამყაროს მთავარი კომუნიკატორები არიან. აქვთ საკუთარი აზრების, იდეების, შეხედულებებისა და კონცეფციების მჭევრმეტყველურად გადმოცემის უნარი.
ცისფერი აურის მქონეებიდან ხშირად გამოდიან მწერლები, პოეტები და პოლიტიკოსები.
ისინი არიან ძალიან ჭკვიანები და განვითარებული აქვთ ინტუიცია. არანაირ ვითარებაში არ კარგავენ კონცენტრაციას. შეუდარებლად კარგი ორგანიზატორები არიან და შეუძლიათ სხვების მოტივირება.
ოქროსფერი აურა
„ოქროსფერები“ წარმოუდგენელი ესთეტები არიან, უყვართ სილამაზე და არტისტიზმის დიდი ნიჭი აქვთ. შეიძლება გედონისტებიც ეწოდოთ. უყვართ როგორც თავის, ისე საკუთარი გარემოს მოკაზმვა-შემკობა სილამაზით, რანგითა და ექსტრავაგანტულობით. მოსწონთ ყურადღების ცენტრში ყოფნა. იციან, როგორ უნდა აღაფრთოვანონ ადამიანები. ამიტომაც ბევრი მეგობარი ჰყავთ, რომლებზეც ზრუნავენ. გარდა იმისა, რომ უყვარს მეგობრებთან საიდუმლო თემებზე საუბარი, ასევე აქვს მოსმენის უნარი - ყოველთვის მონახავს თუნდაც ერთ წუთს, რათა მეგობრის პრობლემა მოისმინოს.
„ოქროსფერებს“ არ უყვართ ნაკლის აღიარება და ვერ იტანენ კრიტიკას. თიტქოს ერთგვარი ნიღაბი აქვთ აფარებული და სწორედ ესაა მათი ყველაზე დიდი პრობლემა. არიან ძალიან ამაყები და დამოუკიდებლები.
თეთრი/ვერცხლისფერი აურა
ეს განსაკუთრებული ნიჭის ხალხია, რომელსაც მთელი ცხოვრების განმავლობაში იყენებენ პიროვნული ზრდისთვის. ახასიათებთ სიბრძნე და მართლა სწავლობენ ცხოვრების გაკვეთილებზე. „თეთრ-ვერცხლისფერები“ არიან ძალიან მგრძნობიარეები, ძლიერი ინტუიცია აქვთ და გარკვეულ ფსიქიკურ უნარებსაც ფლობენ. აქვთ ყველაზე დიდი პოტენციალი, რომ მიაღწიონ სულიერ გასხივოსნებას.
მათ ძალიან მომხიბლავებად მიიჩნევენ და მათთან ურთიერთობა სიამოვნებთ - როგორც მეგობრებს, ისე თაყვანისმცემლებს. თუმცა ეს ხანდახან პრობლემებსაც ქმნის, ვინაიდან თავად „თეთრ-ვერცხლისფერებს“ არ სურთ ყურადღების ცენტრში ყოფნა.
ისინი არ ზრუნავენ რეპუტაციაზე, არ არიან ამპარტავნები და ეგოისტები. სამაგიეროდ არიან ფორტუნის რჩეულები.
ყავისფერი აურა
ეს ფერი იმაზე მეტყველებს, რომ თქვენს ბიოველში რაღაც ისე ვერ არის და თქვენს პიროვნებასაც რაღაც სჭირს. იგ მიანიშნებს არეულობაზე, განხიბლვასა და იმედის გაცრუებაზე, უნდობლობასა და შიშზე.
მუქი ყავისფერი აურა ეგოიზმის, ნარცისიზმის და სიცრუისადმი მიდრეკილების ნიშანია.
შავი აურა
ეს სიძულვილის, წმინდა ნეგატივის, დეპრესიის ან რაიმე დაავადების აურაა.
www.sputnik-georgia.com
როგორ დავინახოთ საკუთარი აურა: ფერები და მნიშვნელობა
⏱️ 1 წთ.
👁️ 676
100%