რა თქმა უნდა, ყველას საკუთარი გასტრონომიული მისწრაფება აქვს, მაგრამ მაინც საინტერესოა, როგორ ირჩევენ კერძებს ზოდიაქოს ნიშნები და რით უნდა გავუმასპინძლდეთ თუ მათი მასპინძლობა გადავწყვიტეთ.
თხის რქა – თუ წვეულებაზე ფურშეტს აწყობთ და თხის რქას ეპატიჟებით, დარწმუნებული იყავით რომ მთელი საღამო მისი წუწუნის მოსმენა მოგიწევთ, რადგან მათ ტრადიციული, „ნორმალური“ კერძები მოსწონთ, კანაპე და „ერთ ლუკმად ქცეული“ საკვები კი – მათთვის საკვები არაა.
მერწყული – ნაკლებად პრეტენზიული მერწყული საუკეთესო სტუმარია, რადგან მაშინაც მადლიერი დაგრჩებათ თუ ჩვეულებრივ პიცას შეუკვეთავთ და თავს არ შეიწუხებთ მრავალფეროვანი კერძების მზადებით.
თევზები – რა თქმა უნდა, თევზები უპირატესობას ზღვის პროდუქტს ანიჭებენ, ამიტომ მათი გამოკვება კრევეტებით და ლობსტერით მოგიწევთ. არ დაგავიწყდეთ არც შესაფერისი ღვინის მირთმევა.
ვერძი – გურმანი ვერძი სტუმრობამდე იწყებს ფიქრს რას გასინჯავს, ამიტომ მისი თეფშიც ყოველთვის სავსეა, თუმცა, სასმელი ნაკლებად აინტერესებს, ამიტომ ნურასდროს დააძალებთ ალკოჰოლურ კოქტეილებს.
კურო – ხორცისა და ბოსტნეულის მოყვარული კურო ჯერ კარგად უნდა გამოკვებეთ, მერე კი, თხოვეთ რაც გინდათ და დარწმუნებული იყავით, რომ ნებისმიერ სურვილს შეგისრულებთ.
ტყუპები – ზოდიაქოს ნიშნებს ყველაზე კომუნიკაბელურ ტყუპებს გემრიელად მირთმევაზე მეტად „გემრიელად“ წაჭორავება იზიდავთ, ამიტომ სტუმრად მისულიც ნაკლებად კაპრიზულია, მთავარია მშიერი არ დარჩეს.
კირჩხიბი – ტკბილეულის მოყვარული კირჩხიბის გახარება თუ გსურთ აუცილებლად ახალი და ნაკლებად პოპულარული რეცეპტით მომზადებული გემრიელი ნამცხვარი შესთავაზეთ.
ლომი – მართალია, ლომს ძალიან უყვარს მოლხენა, მაგრამ ყოველთვის დიდ ყურადღებას აქცევს, რამდენად ხარისხიანადაა მომზადებული საკვები, რადგან ძალიან გაბრაზდება თუ საკუთარი არაპროფესიონალიზმით მის საყვარელ კერძს გააფუჭებთ.
ქალწული – მართალია, ქალწულს ძალიან უყვარს ტკბილეული, მაგრამ მუდმივად დიეტას იცავს და ფრთხილად მიირთმევს საყვარელ ნუგბარს, მერე კი, დიდხანს კიცხავს საკუთარ თავს, ამიტომ სტუმრად წვეული ქალწულისთვის მაქსიმალურად მსუბუქი დესერტი შეარჩიეთ.
სასწორი – ესთეტი სასწორი პირველ რიგში „თვალებით ჭამს“, ამიტომ მისთვის ძალიან მნიშვნელოვანია როგორაა გაფორმებული კერძი. ალკოჰოლს აქტიურად მიირთმევს, თუმცა არასდროს კარგავს ზომიერების შეგრძნებას.
მორიელი – თუ მორიელი სტუმრად დაპატიჟეს, ის არასდროს იტყვის უარს ყველა შემოთავაზებული კერძის დაგემოვნებაზე და არც სასმელს მოერიდება, რასაც მეორე დილას ძალიან ინანებს.
მშვილდოსანი – ნამდვილი გურმანი მშვილდოსანი ყოველთვის გემრიელად მიითმევს, თუმცა აუცილებლად სასიამოვნო კომპანიაში, რათა კუჭთან ერთად გონებაც „გამოკვებოს“. სმა კი, ნაკლებად ეხერხება, რადგან სწრაფად კარგავს ზომიერების გრძნობას.
www.fortuna.ge
საყვარელი კერძები ზოდიაქოს ნიშნის მიხედვით
⏱️ 1 წთ.
👁️ 693
100%