ყავა სოფი ლორენისგან
იტალიელი ლამაზმანის თქმით, თუკი მისი რეცეპტით მოუდუღებთ ყავას მამაკაცს, მაშინ ის სამუდამოდ თქვენი გახდება. გამოცდით?
მომზადების წესი:
ჩაასხით ჯეზვეში წყალი და გააცხელეთ პირველი ბუშტუკების გაჩენამდე.
ჩაყარეთ წყალში დაფქული ყავა და მოურიეთ.
დაუმატეთ ჯეზვეს ილის რამდენიმე მარცვალი, ცოტა მიხაკ-დარიჩინი და შაქარი გემოვნებით.
კიდევ ერთხელ კარგად მოურიეთ და დადგით ქურაზე ადუღებამდე.
მზა ყავა 2-3 წუთით გააჩერეთ და მხოლოდ შემდეგ ჩამოასხით ფინჯნებში.
ყავა მერილინ მონროსგან
მერილინის ყავა ყოველი დილისთვის არ არის. ის უფრო მეგობრების წრეში წყნარი შაბათი საღამოსთვის გამოდგება.
მომზადების წესი:
ჩაყარეთ ჯეზვეში ნატურალური ყავა და ცივი წყალი დაუმატეთ.
ჯეზვე ცეცხლზე კარგად შეათბეთ, მაგრამ ადუღებამდე არ მიიყვანოთ.
ჩამოასხი ყავა ფინჯნებში და ყოველ ფინჯანს 1 ჩაის კოვზი მდუღარე წყალი დაუმატეთ.
ფინჯანში 10-15 გრამი კონიაკი ჩაუმატეთ.
ნაღები და შაქარი ათქვიფეთ და ყავას ზემოდან დაადეთ.
დაბოლოს: ნაღებს ზემოდან შაქრის პუდრა და დარიჩინი მოაყარეთ.
ყავა პრინცესა დიანასგან
უჩვეულო შეხამება უჩვეულო ქალისგან - პრინცესა დიანა ყავას ლიმონით მიირთმევდა.
მომზადების წესი:
ჩაასხით ჯეზვეში წყალი და გააცხელეთ პირველი ბუშტუკების გაჩენამდე.
ჩაყარეთ წყალში დაფქული ყავა და კარგად მოურიეთ.
დადგით ჯეზვე ნელ ცეცხლზე 5-7 წუთით.
ფინჯნის პირები რომით დაასველეთ, შაქარი მოაყარეთ და უკვე შემდეგ ჩამოასხით ყავა.
ფინჯნებს დაუმატეთ ვანილის ექსტრაქტი, ლიმონის წვენი და შაქარი გემოვნებით.
მოგეწონათ? მაშინ მეგობრებსაც გაუზიარეთ.
www.funtime.ge