თურმე ნუ იტყვით და, მსოფლიოს ყველა ქვეყანაში ქალებს და მამაკაცებს დაახლოებით ერთნაირი პრეტენზიები აქვთ ერთმანეთის მიმართ.
“როგორია იდეალური მამაკაცის ტიპი?” _ ამ შეკითხვით მიმართა თავის თანამემამულე ქალბატონებს ამერიკელმა ფსიქოლოგმა ქეროლ მერვისმა. როგორც აღმოჩნდა, ამერიკელი ქალებისთვის კაცის გარეგნობას არანაირი მნიშვნელობა არ აქვს. მთავარი თვისებები, რომელთაც ისინი პატივს სცემენ ძლიერ სქესში - სინაზე და მზრუნველობაა. მეორე ადაგილზე დგას მიზანდასახულობა, ხოლო მესამეზე _ სამსახურეობრივი კარიერა, რასაც გაწონასწორებულობა, ინტელიგენტურობა და ერთგულება მოსდევს.
აქვე აღვნიშნავთ, რომ მიჩიგანის უნივერსიტეტის ფსიქოლოგები მთელი ათი წლის განამავლობაში აკვირდებოდნენ ოჯახურ წყვილებს, მარტოხელებსა და მათ, ვინც ერთმანეთთან სამოქალაქო ქორწინებაში არ არ იმყოფებოდნენ. შედეგები სენსაციური აღმოჩნდა: მეუღლეები გაცილებით ადვილად უმკლავდებიან პრობლემებს, ვიდრე მარტოხელები ან არაოფიციალური წყვილები. ცოლ-ქმრულ ურთიერთობებში ადამიანები გაცილებით უფრო მგრძნობიარენი და მოსიყვარულენი არიან, წაკამათების შემდეგ კი სწრაფად რიგდებიან. სხვათა შორის, ამის გამოა, რომ ისინი უფრო იშვიათად ავადდებიან და ხანგრძლივად ცოცხლობენ.
ფრანგი ქალების გამოკითხვა კი ჟურნალმა `ფიგარო-მეგეზინმა~ ითავა. გამოკითხვის შედეგად გაირკვა, რომ:
• ყოველი ათი ქალიდან ცხრა თვლის, რომ მამაკაცი ისეთივე ყურადღებით უნდა ეპყრობოდეს საკუთარ გარეგნობას, როგორც ქალი.
• ათი ქალიდან შვიდს სურს, რომ მამაკაცები სუნამოებითა და ოდეკალონებით სარგებლობდნენ.
• ათი ქალიდან ცხრას უყვარს, როცა მათ ყურადღებას აქცევენ. ეს ქალები უპირატესობას იმ მამაკაცებს ანიჭებენ, რომლებისთვისაც პირადი ცხოვრება პირველ ადგილზე დგას.
• ათი ქალიდან ოთხი თვლის, რომ მამაკაცის გარეგნობას დიდი მნიშვნელობა არა აქვს.
• ათი ქალიდან შვიდი მზადაა, რომ პირად ურთიერთობებში ინიციატივა საკუთარ თავზე აიღონ. ქალების უმრავლესობა ამით სიამოვნებას გრძნობს.
გერმანიაში ჩატარებულმა ფსიქოლოგიურმა და სოციოლოგიურმა გამოკვლევებმა კი მეცნიერები შემდეგ დასკვნამდე მიიყვანა:
ცოლები უკმაყოფილონი არიან იმის გამო, რომ მათი ქმრები:
• ქორწინების შემდეგ სწრაფად ივიწყებენ სინაზისა და ყურადღების გამოჩენას.
• არ აინტერესებთ ცოლის პრობლემები.
• არასოდეს ისმენენ, როცა ელაპარაკებიან.
• დაინტერესებულნი არ არიან მეუღლის გარეგნობითა და გარდერობით.
• ცოლთან საუბარს ტელევიზორის ყუღებას ან გაზეთის კითხვას ამჯობინებენ.
• ზომაზე მეტ ყურადღებას უთმობენ საჭმელს.
მამაკაცები კი ჩივიან, რომ ცოლს
• არ შეუძლია ეკონომიურად ხარჯოს ფული.
• ხანგრძლივად საუბრობს ტელეფონით.
• მხოლოდ საკუთარი გარეგნობა და ჩაცმულობის პრობლემა აწუხებს.
• უყვარს ჭკუის დარიგება და ბუტიაობა.
• არც ისეთი სექსუალურია, როგორც ქალი უნდა იყოს (ფილმების მიხედვით).
galanews.ge
რა პრეტენზიები აქვთ ერთმანეთის მიმართ ქალებს და მამაკაცებს? კვლევის სენსაციური შედეგები
⏱️ 1 წთ.
👁️ 2 582
100%