მარტივი ხერხები, თუ როგორ გავიხანგრძლივოთ სუნამოს სურნელება სხეულზე



სუნამო ნებისმიერი ადამიანისთვის, განსაკუთრებით კი ქალებისთვის, აუცილებელი ატრიბუტია. თუ იმის საშუალება არ გაქვთ, რომ რამდენიმე სახეობის ძვირადღირებული სუნამო გქონდეთ, უმჯობესია შეიძინოთ ერთი, მაგრამ ხარისხიანი. ეცადეთ უარი თქვათ იაფფასიან პარფიუმებზე.

იმისთვის, რომ მამაკაცებმა სასიამოვნო სურნელებით დაგიმახსოვრონ, აუცილებელია დიდხანს დაგყვებოდეთ სუნამოს ნაზი არომატი, ამისათვის ჩვენ მარტივ ხერხს გასწავლით.

1- იმისათვის, რომ სუნამოს სურნელება სხეულზე გავიხანგრძლივოთ, შესანიშნავი გზაა მისი მიპკურება თმაზე. თმა მისი სტრუქტურისა და აგებულების წყალობით დიდხანს ინარჩუნებს ამა თუ იმ არომატს. გაითვალისწინეთ, უმჯობესია ეს ახლადდაბანილ თმაზე მოახერხოთ, მაგრამ ამასთანავე აუცილებლად უნდა დაიცვათ მკაცრი წესი- სუნამოში შემავალი სპირტის გამო ის თმას აუცილებლად მანძილიდან უნდა მიაპკუროთ. თმის ღერებზე პირდაპირ მოხვედრილმა ალკოჰოლურმა შემცველობამ შესაძლოა გამოაშროს ან დააზიანოს თმის ბოჭკოვანი სტრუქტურა.

2- რაც შეეხება უშუალოდ სხეულს, გახსოვდეთ, სუნამო მარტივად ორთქლდება იმ ადგილებიდან, სადაც კანი შედარებით მშრალია, ამიტომ მის მიპკურებამდე აუცილებლად გამოიყენეთ დამატენიანებელი. თუ დამატენიანებელს მთელ სხეულზე არ გამოიყენებთ, აუცილებლად წაისვით საკვანძო ადგილებზე ანუ იქ, სადაც სუნამო უნდა მიიპკუროთ.

3- სუნამოს ეფექტის გასახანგრძლივებლად შესანიშნავი საშუალებაა ვაზელინიც, წაისვით ის სხეულის გაკრვეულ ადგილებში და შემდეგ გამოიყენეთ სუნამო. ვაზელინი გახსნის თქვენს ფორებს, რის შემდეგაც სასიამოვნო სურნელი კანს დიდხანს გაჰყვება.

მარტივი რჩევები:

სუნამო ბნელ და მშრალ ადგილას შეინახეთ, ასე მისი აორთქლების რისკებს მნიშვნელოვნად შეამცირებთ.

ეცადეთ ის ისეთ ადგილებზე იპკუროთ, სადაც სისხლძარღვებში სისხლი აქტიურად მოძრაობს (სახსრებთან, ყურს ქვემოთ და ა.შ.)

იპკურეთ ის გარკვეული მანძილიდან, ასე სურნელი შედარებით უფრო ნაზი გახდება. თუ ეს კონკრეტული კოსმეტიკური პროდუქტი ხარისხიანი შემადგენლობით არ გამოირჩევა, განახლება ყოველ 3-4 საათშია შესაძლებელი


წყარო: Presa.ge
































ტექსტის სანახავად გაიარეთ რეგისტრაცია.