სოფი მარსოს სილამაზისა და ახალგაზრდობის საიდუმლოებანი

"კარგი კანის საიდუმლო იმაში მდგომარეობს, რომ საჭიროა მეტი ძილი და მზეზე ნაკლები ყოფნა. ერთხელ პარიკმახერისგან გავიგე, რომ ზეითუნის ზეთი სასწაულებს ახდენს. ფეხმძიმობის დროს ყოველდღე კანში ვიზელდი ნუშის ზეთს და სტრიები არ მქონია.

ტანადობისა და ჯანმრთელობის საწინდარია ყოველდღიურად ნახევარსაათიანი ვარჯიში. მშობიარობის შემდეგ, ყოველდღე ვვარჯიშობდი ტანვარჯიშში, ვაკეთებდი გაჭიმვების, მოშვებული მუცლისა და თეძოების ვარჯიშებს. მას შემდეგ, რაც ასეთი ვარჯიში დავიწყე, ზურგის ტკივილი გამიქრა. კუნთებს ვიმაგრებ იქ, სადაც მჭირდება. სპორტული დარბაზების ფანი არა ვარ, უბრალოდ მინდა, რომ მაგარი და ჰარმონიული სხეული მქონდეს.

ჩემი მესამე საიდუმლო - ჯანმრთელი კვებაა. ვცდილობ, ბევრი არ ვჭამო. ხორცს საერთოდ არ ვჭამ, ძალიან მიყვარს ბოსტნეული. პურსა და შემწვარ კერძებს ძალიან ცოტას ვჭამ. ბანანი უკვე ასი წელია, რაც არ მიჭამია. არაჯანმრთელ საკვებს, როგორიც არის ტკბილეული, ახლოსაც არ ვეკარები. საუზმეზე მივირთმევ რაიმეს მარცვლეულებიდან, იოგურტს, თაფლს, ჩაის რძით ან თევზს. არ მიყვარს წახემსება, ლანჩი და შუადღეზეც არაფერს ვჭამ. მხოლოდ საღამოს ვვახშმობ. ერთადერთი ჩემი სისუსტე - შოკოლადია".