ნატალი პორტმანის სილამაზის საიდუმლოებანი



ნატალი მაყურებელთა წინაშე ყოველთვის საუკეთესო ფორმაში გამოდის ხოლმე - ელეგანტურია, მბზინავი კანითა და მომხიბვლელი ღიმილით. თავისი კოლეგებისგან განსხვავებით, ის მზადაა საკუთარი სილამაზის რეცეპტები გაგვიმხილოს.



გზა ფსიქოლოგიდან დედოფლობამდე


ნატალი ხერშლაგი (პორტმანი არის ფსევდონიმი, რომელსაც მსახიობი ერთ-ერთ ბებიას დაესესხა) დაიბადა 1981 წლის 9 ივნისს, იერუსალიმში, სადაც მისი მშობლები კიშინიოვიდან გადასახლდნენ. როდესაც გოგონას 3 წელი შეუსრულდა, მამამ, რომელიც უშვილობის მკურნალობის სპეციალისტი იყო, გადაწყვეტილება მიიღო, რომ ოჯახი საცხოვრებლად წაეყვანა ოკეანის გაღმა - აშშ-ში. სწორედ იქ განვლო ნატალის ბავშვობამ: ის სწავლობდა პრესტიჟულ სკოლებში, დადიოდა ცეკვებზე, წერდა თავის პირველ სამეცნიერო-კვლევით ნაშრომებს, სწავლობდა ფრანგულს, გერმანულს, იაპონურსა და არაბულ ენებს.
ეჭვი არავის ეპარებოდა იმაში, რომ ნიჭიერი და შრომისმოყვარე გოგონა, მამის მსგავსად, სამეცნიერო სფეროს არ აირჩევდა. ნატალიმაც თავისი ახლობლები არ გააწბილა: 2003 წელს მან წარმატებით დაამთავრა ჰარვარდი ფსიქოლოგიაში ბაკალავრის ხარისხით.
მაგრამ ეს ის ნატალი არ არის, რომელსაც ჩვენ ვიცნობთ! ჩვენთვის ცნობილია გოგონა, რომელმაც 13 წლის ასაკში ლუკ ბესონის ფილმში "ლეონი" (1994 წელს) ქილერის მეგობარი გოგონას შესრულებული როლით ფურორი მოახდინა. შემდეგ შეასრულა დედოფლის როლი ფილმში "ვარსკვლავური ომები". კინოკრიტიკოსების საყვარელი მსახიობი კი გახდა კინოფილმის "სიახლოვე" გამოსვლის შემდეგ და ბოლოს, მიიღო სანუკვარი "ოსკარი" ქალის როლის საუკეთესო შესრულებისათვის ფილმში "შავი გედი". როგორ შეძლო სწავლისა და მსახიობის კარიერის შეთავსება? ნატალი ამტკიცებს, რომ ამაში არანაირი საიდუმლო არ არის. უბრალოდ, ის ბავშვობიდან იყო ძალიან მიზანმიმართული და ყოველთვის იცოდა, რა უნდოდა. ტყუილად კი არ ატარებდა ყოველ ზაფხულს "თეატრალურ" ბანაკში, რომელიც ნიჭიერი მოზარდებისათვის იყო განკუთვნილი, სადაც მსახიობის ოსტატობის საფუძველს ეზიარა.
10 წლის ასაკში საბავშვო სპექტაკლებისთვის გაიარა კასტინგი, ხოლო 11 წლის ასაკში უარი თქვა, გამხდარიყო მოდელი - მოდელის კარიერა ხომ მუდმივი არ არის. ამასთან, ამ პროფესიაში ნიჭიერებას კი არ აფასებენ, არამედ ლამაზ სახეს! ერთი სიტყვით, ნატალიმ კარგად იცის თავისი დროის სწორად განაწილება და პრიორიტეტების განსაზღვრა, სწორედ ამიტომაც შეძლო შეუთავსებლის შეთავსება. მაგალითად, გამოსაშვებ კლასში დაძაბული სწავლისას მან მონაწილეობა მიიღო მხოლოდ ერთ ფილმში "ვარსკვლავური ომები", რისი წყალობითაც, მან არამარტო ბრწყინვალედ ჩააბარა გამოცდა, ამავე დროს ეკრანიდანაც არ გამქრალა და ყოველი მეორე ბიჭისთვის სასურველი გახდა.
"შავ გედზე" მუშაობისას, მან თავისი მომავალი მეუღლე - ბალეტის მოცეკვავე ბენჟამენ მილპიე გაიცნო და გასული წლის ზაფხულში, ოცდაათი წლის ასაკში, ოსკაროსანი ნატალი პორტმანი პირველად გახდა დედა. მას 2011 წლის 14 ივნისს გაუჩნდა ბიჭი, სახელად ალეფი პორტმან-მილპიე.

ნაოჭების არანაირი კრემი
ნატალი არის ძალიან ორგანიზებული ადამიანი, ამიტომაც თავის მოვლა მკაფიოდ აქვს განსაზღვრული. ყოველდღე, ძილის წინ ის ბანაობს მხოლოდ წყლითა და საპნით. პორტმანი დარწმუნებულია, რომ ეპიდერმისის გასუფთავების უკეთესი მეთოდი არ არსებობს. შემდეგ, მსახიობი კოსმეტიკის დარჩენილ ნარჩენებს იშორებს კოსმეტიკური რძით: ის შეიცავს ცხიმების დიდ რაოდენობას და მისი წყალობით, სხვა პრეპარატებზე უფრო ეფექტურად უმკლავდება მაკიაჟს. ამის შემდეგ სახეს იწმენდს ტონიკით და ისვამს კრემს, რომელიც ჰიალურონის მჟავას შეიცავს. როგორც მინიმუმ, კვირაში ორჯერ ნატალი კანს საფუძვლიანად იწმენდს. აგრეთვე მსახიობი, დროდადრო თავს ინებივრებს დამატენიანებელი ნიღბებით და არასდროს ივიწყებს თვალის ქუთუთოებისათვის სპეციალური კრემის გამოყენებას. ასაკის საწინააღმდეგო კოსმეტიკას ნატალი არ იყენებს, თუმცა 25 წელს კარგა ხანია გადაშორებულია. ის თვლის, რომ ამგვარი საშუალებების იქამდე გამოყენება, სანამ პირველი ნაოჭები არ გაგიჩნდება (ნატალის ის ჯერ არა აქვს), არ ღირს.

მეგობრების "შეჭმა" არ შეიძლება!
8 წლის ასაკში ნატალი მამასთან ერთად სამეცნიერო კონფერენციას დაესწრო და დაინახა, რომ ქირურგიული ლაზერის ტესტირებას აწარმოებდნენ წიწილაზე. გოგონა იმდენად გაოგნებული იყო ამ სცენით, რომ იმ დღიდან ვეგეტარიანელი გახდა. ის არა მარტო ხორცს არ ჭამს, არამედ არანაირი ცხოველური წარმოშობის პროდუქტსაც, ამასთან, არ ატარებს ბეწვეულსა და ტყავს. მის მენიუში ყოველთვის არის ხილისა და ბოსტნეულის, ბრინჯის, მაკარონის, პურისა და ზეითუნის ზეთის ადგილი. მსახიობს ძალიან უყვარს სოიოს ყველი ტოფუ და ბოსტნეულის მსუბუქი სუპები. სწორედ ამიტომაც, თხელ ნატალის სულაც არ სჭირდება დიეტის დაცვა, ის ისედაც 45 კილოგრამს იწონის და არის 160 სანტიმეტრის სიმაღლის.

ყოველდღე ცეკვავს 8 საათის განმავლობაში
ნატალი პორტმანი კვირაში 4-ჯერ საათნახევრის განმავლობაში დაკავებულია სპორტით. ამ გრაფიკს ის არასდროს არღვევს. მას აქვს ვარჯიშის განსაკუთრებული სქემა: თავდაპირველად კუნთებს ავარჯიშებს ელიპტიკური ტრენაჟორითა და პილატესით, შემდეგ ველოტრენაჟორის პედლებს ატრიალებს, ცურავს აუზში და ბოლოს 15-წუთიან გაჭიმვებს იტარებს. აგრეთვე კვირაში ერთხელ მსახიობი პარკში დიდხანს სეირნობს. მაგრამ ეს ყველაფერი ხდება იმ პერიოდში, როცა ის არ მუშაობს. გადაღებისთვის მზადება უფრო მეტ ფიზიკურ დატვირთვას მოითხოვს. მაგალითად, ბალერინას როლში შესასვლელად ფილმისათვის "შავი გედი", პორტმანი ნახევარი წლის განმავლობაში ამუშავებდა საცეკვაო ილეთებს ყოველდღიურად 5-8 საათის განმავლობაში.

თმები საღებავის გარეშე
ნატალი ცდილობს თავისი თავდაპირველი სილამაზის შენარჩუნებას და ამიტომ პრინციპულად არ იღებავს თმებს. მისი მუქი, მბზინავი კულულები შესანიშნავად გამოიყურება. ერთადერთი პრობლემა, რომელთანაც ნატალის მოუწია შეჯახება, კულულების მოუწესრიგებლობის გამო, მას შემდეგ, რაც მსახიობმა თმები გადაიპარსა ფილმისათვის "V - ნიშნავს ვენდეტას". მისი კულულები მუდმივად სხვადასხვა მხარეს იბზიკებოდნენ და ვერ ასწორებდა. ამის გამო, მას მოუწია სტილისტთან მისვლა. სტილისტმა მსახიობს ურჩია, რომ ეხმარა უთო, რომელიც, სამწუხაროდ, თმას აშრობს. ამიტომაც ნატალის მოუწია გაეკეთებინა კოლაგენის შემცველი ნიღბები. და კიდევ ერთი, ვარცხნილობის გაკეთებისას, ნატალი კულულებზე ისხამს აბრეშუმისა და ხორბლის პროტეინების შემცველ დამცავ სპრეის.
































ტექსტის სანახავად გაიარეთ რეგისტრაცია.