ფუმფულა ტუჩები!






ფუმფულა ტუჩები - გზა სილამაზისკენ!













მოვლილი ტუჩები ბევრად ახალგაზრდას აჩენს ქალბატონებს. ამის ნათელ მაგალითს წარმოადგენენ ცნობილი ვარსკვლავები მონიკა ბელუჩი, ანჯელინა ჯოლი, პენელოპა კრუსი, სოფი ლორენი, რომლებიც წლების განმავლობაში ლიდერობდნენ პლანეტის ყველაზე სექსუალური ქალბატონების სხვადასხვა რეიტინგს და სწორედ ლამაზი ტუჩებით იქცევენ ყურადღებას.


ტუჩების ირგვლივ ნაოჭები გაცილებით ხნიერს აჩენს ქალბატონს, ნაადრევი და გვიანი ნაოჭების წარმოქმნა გარეგან ფაქტორებთან ერთად გენეტიკურ მონაცემებზეცაა დამოკიდებული, მაგრამ სწორი მოვლითა და მაკიაჟით ბევრი რამის გამოსწორება და სილამაზის გახანგრძლივება შეიძლება. პომადის დახმარებით შეგიძლიათ, ტუჩები უფრო მიმზიდველი გახადოთ.


თავიდან ბალზამი, დამატენიანებელი და ნაოჭების საწინააღმდეგო საშუალებები გამოიყენეთ. შემდეგ ტუჩების კონტურზე კორექტორი გადაისვით – ის ვიზუალურად ადიდებს ტუჩებს. ტუჩის ბუნებრივი კონტურის ზემოთ ღია ფერის ფანქარი გადაისვით, ამით ზედა ტუჩი ოდნავ მაღლა აიწევა. ამასთან, შეარჩიეთ ღია ფერის მბზინავი ნაწილაკების შემცველი დამატენიანებელი პომადა. ასეთი პომადა სველი ტუჩების ეფექტს ქმნის.


ნუ გამოიყენებთ მუქ ფერებს, ისინი სახეს უფრო სერიოზულ იერს სძენს, თანაც უფრო გამოკვეთილად წარმოაჩენს ცხვირ-ტუჩის ნაკეცებს. ტუჩების მოცულობის ვიზუალურად გაზრდა სპეციალური "ბლესკითაც" შეიძლება. მათ შემადგენლობაში უნდა შედიოდეს კოლაგენი, გიალურონოვის მჟავა, მენთოლის ან წიწაკის ექსტრაქტი.


ამ საშუალებების მუდმივი გამოყენებისას ტუჩები უფრო გლუვი ხდება, უმჯობესდება ფერი, ტუჩების ირგვლივ წვრილი ნაოჭები კი ნაკლებ შესამჩნევია. უკეთესი ეფექტისთვის "ბლესკი" სუფთა ტუჩებზე წაისვით და მხოლოდ შემდეგ გამოიყენეთ კოსმეტიკური საშუალებები.

































ტექსტის სანახავად გაიარეთ რეგისტრაცია.