როგორ გავიკეთოთ მაკიაჟი სწრაფად?!

პირველი ხერხი "ზარმაცებისთვის"
ცოტაოდენი ტონი სახეზე, ნეიტრალური ფერის ტუჩის საცხი, მაგალითად: ჩალისფერი, მსუბუქი ვარდისფერი, ხოლო თვალებზე მზის სათვალე. ეს მომგებიანი ვარიანტია, თუკი გარეთ გაზაფხული-ზაფხულია და პაემანი საზაფხულო კაფეში გაქვთ დაგეგმილი.

მეორე ხერხი "ტაქტიანი არისტოკრატებისთვის"
ყავისფერი ტუში, თანაბარი ტონი სახეზე, ფერუმარილის მსუბუქი საცხი და მქრქალი, არაბზინვარე ტუჩის საცხი. ტუჩის საცხის ტონი თქვენი სახის კანის ფერისგან უნდა განსხვავდებოდეს, ამასთან შეგიძლიათ ტუჩებზე მქრქალი კონტური გადაისვათ. კონტური ტუჩის საცხის ფერზე ნახევარი ტონით ღია უნდა იყოს. ეს ტუჩებს უფრო "დაბურცულს" გამოაჩენს. შედეგად თქვენ არა ფერმკრთალად, არამედ ბუნებრივად გამოიყურებით. ამგვარი მაკიაჟი სახის ნაკვთებს დახვეწილ იერს აძლევს - ეს ყოველთვის ლამაზია და თქვენც მოვლილად გამოიყურებით.

მესამე ვარიანტი "შოკოლადის ქალბატონებისთვის"
გაირუჯეთ სოლარიუმში, ან პლაჟზე. ამ დროს წამწამების შეღებვაც კი საკმარისია. შეგიძლიათ ტუჩებსაც ცოტაოდენი ბზინვარება მისცეთ.

მეოთხე ვარიანტი "საბედისწერო ქალბატონებისთვის"
ტონი, შავი ტუში და ნათელი ტუჩის საცხი - კლასიკა არ ძველდება. თუმცა, ეს მაკიაჟი დილისთვის ნაკლებად გამოდგება. ეს მაინც საღამოს მაკიაჟია.

მეხუთე ვარიანტი "მებრძოლთათვის"
შეიღებეთ თვალები ღიად, ტუჩზე კი ჟოლოსფერი საცხი წაისვით. მთავარია ტანსაცმელი ექსტრემალურ პირობებში ამორჩეულ სტილს შეესაბამებოდეს.

მეექვსე ვარიანტი "რაციონალური ქალებისთვის"
აუცილებელია ყოველთვის თან გქონდეთ სადაფისფერი თვალის ჩრდილები. თუკი თქვენ სამსახურის შემდეგ, შეხვედრაზე მიიჩქარით, ეს ჩრდილები გარდაქმნაში დაგეხმარებათ.

მეშვიდე ვარიანტი "ზანტებისთვის"
დაიდეთ ტონი, შეიღებეთ წამწამები, დანარჩენს სამსახურშიც მოასწრებთ. მთავარია სამსახურში კოსმეტიკური ჩანთის წაღება არ დაგავიწყდეთ. იქ კი საპირფარეშო მუდამ ჩვენს განკარგულებაშია...

სილამაზე ჩვენი იარაღია: ყველაფერს მოვასწრებთ, თუკი მოვინდომებთ!