ყოველ დილით ქალატონები დროის უმეტეს ნაწილს მაკიაჟის გაკეთებას უთმობენ. ხშირად ეს დრო უსასრულობამდე იწელება და შედეგად სამსახურში, უნივერსიტეტში, პაემანზე… შეხვედრაზე გვაგვიანდება. იმისათვის, რომ მაკიაჟი შენარჩუნდეს, არაა აუცილებელი, მის გაკეთებას დიდი დრო დავახარჯოთ. მთავარია, დავიცვათ თანმიმდევრობა:
1. დილით პირის დაბანის შემდეგ მაკიაჟამდე სახის დამატენიანებელი კრემი უნდა წაისვათ. კრემი უნდა შეარჩიოთ კანის ტიპის მიხედვით.
2. ტონალურს სახეზე დამატენიანებელი კრემის წასმიდან 5 წუთის შემდეგ ვიდებთ, რათა ის მარტივად და თანაბრად გადანაწილდეს სახეზე.
3. თუ აქცენტის გაკეთება თვალებზე გსურთ, წაისვით ფანქარი. სწრაფი მაკიაჟის დროს ჩრდილების გაკეთებას არ გირჩევთ, მის კაგად წასმას საკმაოდ დიდი დრო უნდა. უმჯობესია, დრო წამწამებს დაუთმოთ.
4. რაც შეეხება ტუჩებს, უმჯობესია, გამოიყენოთ ბზინავი საცხი, რადგან მის წასმას დიდი დრო არ სჭირდება და თან ტუჩს ყველაზე მეტად უხდება.
იმისათვის, რომ ამ ყველაფერმა კიდევ უფრო ცოტა დრო დაგაკარგვინოთ, მაკიაჟის ჩანთა საღამოს მოამზადეთ.
წყარო: lollipop.ge
დილის მაკიაჟი – როგორ გავიკეთოთ მაკიაჟი სწრაფად
⏱️ 1 წთ.
👁️ 6 063
100%