კანის ფერის გაღიავება



ბოლო დროს მოდაში გარუჯული კანი შემოვიდა, თუმცა რჩებიან ისეთებიც ვინც მოდას ამ საკითხში არ ეთანხმება და სურს კეთილშობილური სიფერკმთალის შენარჩუნება. წაიკითხეთ როგორ მიაღწიოთ მას ზიანის გარეშე.

გარუჯვის მავნებლობაზე და პოპულარობაზე აქეთ იქით ყვირიან, თუმცა კანის გათეთრებაც საკმაოდ არა უსაფრთხო ნაწილია ბიუთი-ინდუსტრიის. არა მარტო მუქი კანის მფლობელებს სურთ ფიფქიას დაემსგავსონ, ჩრდილოეთი ქვეყნის მაცხოვრებელი ქალები ტონობით გასათეთრებელ კოსმეტიკურ საშუალებებს იძენენ, რათა მოიშორონ ჭორფლი, პიგმენტური ლაქები და შემთხვევით მიღებული რუჯი თავისი იდეალურად რძისფერი კანიდან. ხანდახან ესეთი კოსმეტიკის ერთი გრამი შეიძლება გაცილებით დამღუპველი აღმოჩნდეს ვიდრე 10 სეანსი სოლარიუმში. მათეთრებელი საშუალება ყურადღებით უნდა შეარჩიოთ: ყველაზე ცნობილი ბრენდებიც კი ხშირად ძალიან საშიშ ნივთიერებებს უმატებენ პროდუქციაში. კონკრეტულად კი:

1. ვერცხლისწყალი (Mercury Chloride, Ammoniated Mercury)-ყველაზე ეფექტური და ყველაზე საშიში გამათეთრებელი კომპონენტი. შხამი, რომელიც იწვევს თირკმელების დაზიანებას, გონების დაკარგვას და იმუნიტეტის დაქვეითებას.

2. ჰიროქინონი (Hydroquinone)-კანცეროგენი. მისი ხშირი მოხვედრისას კანზე ჩნდება მდგრადი და დაუმარცხებელი პიგმენტაცია.

3. კორტიკოსტეროიდები-ისინი გამოიყენება დერმატიტების დროს, მათეთრებელი ეფექტი მისი გვერდითი მოვლენაა, რომლითაც სარგებლობენ ცნობილი ბრენდები. დიდი დოზით სტეროიდები გავლენას ახდენენ თირკმელზედა ჯირკვალზე.

4. მონობენზილი (Monobenzyl)-ძლიერი ნივთიერება, რომელიც ნელნელა ანგრევს მელანოციტებს და იწვევს პიგმენტაციის შეუბრუნებელ დაკარგვას.

5. ტრეტინოინი (Tretinoin) -მატებს კანს ფოტო მგრძნობელობას. თუ მის შემცველ კრემს ხმარობთ მზეზე გამოსვლა საერთოდ არ შეიძლება.



კარგი ხარისხის მათეთრებელი კოსმეტიკა უნდა ეძებოთ პირველ რიგში იაპონურ, კორეულ და ჩინურ პროდუქციაში(რაც საქართველოში პრობლემატურია), რადგანაც ის კანის გათეთრება კულტად არის ქცეული და კოსმეტიკის ხარისხი ძალიან მაღალია. აი რა უნდა ეძებოთ მათეთრებელი კრემის შემადგენლობაში:

1. რძის ან გლიკოლის მჟავა (AHA) -აკეთებს პილინგს, აჩქარებს უჯრედების განახლების პროცეს.

2. აზელაინის მჟავა (Azelaic acid) -ბუნებრივი მათეთრებელი კომპონენტი, ძლიერი მოქმედების.

3. ვიტამინი С -ოდნავ აღიავებს და ათანაბრებს კანის ფერს.

4. გოჯი (Kojic acid)- იაპონური კოსმეტიკის კლასიკური შემადგენელი მათეთრებელი. სისტემატიური ხმარების შემდეგ აღიავებს კანის ფერს.

5. მაყვალის ექსტრაქტი-ეფექტური მათეთრებელი.


შეგიძლიათ არაფერი შეიძინოთ და სახე სახლში გაითეთროთ ზიანის გარეშე. აი რამოდენიმე რეცეპტი:

1. ერთ მუჭა ახალ პიტნას დაასხით 2 ჭიქა მდუღარე წყალი. ბოლომდე გააცივეთ და დაუმატეთ ორი ლიმონის წვენი. გამოიყენეთ ეს ხსნარი ტონიკის მაგივრად, ერთ კვირაში საგრძნობი ეფექტი გექნებათ.

2. ჭორფლებზე და პიგმენტურ ლაქებზე დაიდეთ მაყვალის ფაფის და მშრალი რძის ფხვნილის ნარევი პროპორციით 1:1-თან. გაიჩერეთ 2-3 წუთი ყოველდღიურად, ეფექტი 3-4 დღეში იქნება შესამჩნევი.

3. კვირაში 2-3 ჯერ გაიკეთეთ პილინგი თაფლით და ფორთოხლის კანით(თითოთითო სუფრის კოვზი ორივე ინგრედიენტი).

4. საღამოს გაიწმინდეთ სახე ფორთოხლის ან გრეიფრუტის ნაჭრით, ისინი ნაკლებად აგრესიულად მოქმედებენ ლიმონთან შედარებით.


და გახსოვდეთ, ყოველთვის უფრო იოლია არ დაუშვა პიგმენტური ლაქების წარმოქმნა ვიდრე შემდეგ მათი მოშორება. თუ გნებავთ, რომ თქვენი კანი რძისფერი იყოს იხმარეთ მზისგან დამცავი კრემები წელიწადის როგორც ცხელ დროს ასევე ზამთარსა და შემოდგომაზე.
































ტექსტის სანახავად გაიარეთ რეგისტრაცია.