ზაფხულია – გავირუჯოთ



სტატისტიკურად დამტკიცებულია, რომ გარუჯული ქალი ერთი-ორად უფრო მიმზიდველია, ვიდრე რუჯის გარეშე. სამედიცინო თვალსაზრისით კი, 15 წუთის მანძილზე მზის აბაზანის მიღება ხელს უწყობს ნივთიერებათა ცვლასა და სისხლის მიმოქცევას. თუმცა გაითვალისწინეთ, რომ მზის სხივი არც ისე სასარგებლოა ჩვენი კანისთვის. მზეზე დიდხანს გაჩერება სიმსივნესაც კი იწვევს. ზიანის თავიდან ასაცილებლად, აუცილებელია შემდეგი რჩევების გათვალისწინება: მზისგან დამცავი საცხი წაისვით სანაპიროზე გასვლამდე 20-30 წუთით ადრე.

შუბლი, ცხვირი, მხრები, წვივები და მუხლები ყველაზე მეტად იკიდებს მზეს, ამიტომ ასეთი ადგილები ძლიერი საცხით უნდა დაიმუშაოთ. მზისგან დამცავი საცხი წყალგამძლე უნდა იყოს, რადგან ულტრაიისფერი სხივები წყალშიც აღწევენ. თუ ზღვაში ბანაობის შემდეგ ტანს პირსახოცით შეიმშრალებთ, აუცილებლად ხელახლა წაისვით დამცავი საცხი.

ადამიანი მოძრაობაში უკეთ ირუჯება, ასე რომ შეგიძლიათ პლაჟზე ბანბიგტონით, ხელბურთით ან სხვა აქტივობითაც დაკავდეთ. ატარეთ მზის სათვალე, ქუდი ან თხელი თავსაბურავი. მზის აბაზანების მიღება სასურველი არ არის 11:00-დან 16:00-მდე, რადგან ამ დროს მზე განსაკუთრებით აგრესიული და მავნებელია. გახსოვდეთ, ტუჩები არ გამოიმუშავებს დამცავ მელანინებს, ამიტომ სასურველია შევიძინოთ დამატენიანებელი საცხი ან ჰიგიენური „პომადა“ (ვაზელინის გარეშე).

მიირთვით რაც შეიძლება მეტი ხილი და ბოსტნეული, რადგან ეს პროდუქტები ვიტამინების გარდა, გარუჯვისთვის სასარგებლო თვისებებსაც შეიცავს. მაგალითად, სტაფილო და გარგარი თქვენს კანს ფორთოხლისფერ ტონალობას მისცემს. პომიდორი კი ხელს უწყობს ორგანიზმში მელანინების გამომუშავებასა და გარუჯვას..
































ტექსტის სანახავად გაიარეთ რეგისტრაცია.