თუ ფრჩხილი თხელი და მტვრევადია, 15 წუთით ათავსებენ თბილ ზეითუნის ან მზესუმზირას ზეთში. საჭიროა აგრეთვე კვების რაციონის გამდიდრება ვიტამინებით, განსაკუთრებით საჭიროა A და D ვიტამინი, ცილები და კალციუმი.
თუ სიგარეტმა ფრჩხილები გააყვითლა, თითებს ათავსებენ 3%-იან წყალბადის ზეჟანგში ან ლიმონის წვენში.
* ფრჩხილს ამაგრებს საკვები ან ზღვის მარილის აბაზანა დღეგამოშვებით.
* ფრჩხილი მტვრევადი აღარ იქნება, თუ ღამით წაისვამთ გლიცერინს.
* იღებენ თანაბარი რაოდენობით მცენარეულ ზეთს და ვაშლის ძმარს, იკეთებენ 10 წუთიან აბაზანას. ფრჩხილი მაგრდება.
* მტვრევად ფრჩხილებზე ისვამენ ლიმონის ნაჭერს. 7-10 დღის განმავლობაში. ფრჩხილი მაგრდება და ხდება ბზინვარე.
* ფრჩხილებს ათეთრებს და ალამაზებს შემდეგი ხსნარის წასმა:
ა) 3%-იანი პერეკისი;
ბ) ბორაქსის (3 გრ) და ვარდის წყლის (30 მლ) ნარევი;
გ) გლიცერინის (10 გრ), ვარდის წყლის (40 მლ), 3%-იანი წყალბადის ზეჟანგის (50 მლ) ნარევი.
გამრუდებული ფრჩხილის მკურნალობა
იღებენ 1 ჩაის კოვზ თხის (გამდნარი), ამდენივე ბატისა და ქათმის ქონს. ურევენ ერთმანეთში და მიღებულ მალამოს იდებენ გამრუდებულ ფრჩხილზე. დარბილებული ფრჩხილი ადვილად შეიძლება გამოიწიოს ხორციდან და წაიჭრას.
ფეხის ფრჩხილი გვერდებიდან არ უნდა მოიჭრას, რათა ხელი არ შეეწყოს ხორცში შესვლას.
ფეხის ფრჩხილების გასამაგრებლად კარგია მარილიანი თბილი წყლის აბაზანების კეთება (10 წუთით).