თვალების მოვლა



გთავაზობთ რამდენიმე რჩევას, რომელიც თქვენს თვალებს ბრწყინვალებასა და სილამაზეს შემატებს: ყოველ დილით, გაღვიძებისთანავე, თვალები ჩაის მაგარი ნაყენით გამოირეცხეთ. ეს სიწითლისა და დაღლილობის შეგრძნებას მოგიხსნით;

• შესივებულ, ჩაშავებულ უპეებს შველის სალბის ნაყენის კომპრესი: 1 ჩ/კ სალბს დაასხით 100 მლ მდუღარე წყალი. ჭურჭელს თავსახური დაახურეთ და 15 წუთი გააჩერეთ. ნაყენი ორად გაყავით. ერთი ნაწილი მაცივარში შედგით, მეორე კი შეათბეთ. დაასველეთ ბამბა (ცალ-ცალკე) თბილ და ცივ ნაყენებში და ძილის წინ, 10-10 წუთით მორიგეობით დაიფინეთ დახუჭულ თვალებზე.

• შესივებული უპეებისთვის ასევე ძალზე ეფექტურია ოხრახუშის ნიღაბი. წვრილად დაჭერით ცოცხალი მწვანილი და დაიდეთ უპეებზე. ზემოდან სველი დოლბანდი დაიფინეთ. ნიღაბი 15-10 წუთით გაიჩერეთ.

• ანთებით პროცესს აქრობს რძის კომპრესი. რძეში დასველებული ბამბა 5-7 წუთით, დახუჭულ თვალებზე დაიფინეთ, შემდეგ ცივი წყლით ჩამოიბანეთ და მატონიზებელი კრემი წაისვით.

• თვალებს სიკაშკაშესა და ბრწყინვალებას აძლევს ცაცხვისა და გვირილის ყვავილების ნაყენის საფენები. გვირილისა და ცაცხვის ნახევარ-ნახევარ კოვზ ყვავილებს დაასხით 200 გ ადუღებული წყალი და 20-30 წუთით გააჩერეთ. ამ ნაყენით ამოიბანეთ თვალები ან 5-წუთიანი კომპრესი გაიკეთეთ.

• თვალების შესივებას, უმჯობესია, კარტოფილის ნიღბით გაუმკლავდეთ. კარტოფილი კარგად გარეცხეთ და კანიანად გახეხეთ. მიღებული ფაფის ორი კოვზი აურიეთ 2 ჩ/კ ფქვილსა და 1 ს/კ რძეში. დაიდეთ თვალებზე და 15-20 წუთი გაიჩერეთ.
































ტექსტის სანახავად გაიარეთ რეგისტრაცია.