ბოსტნეულის ნიღბები თმებისთვის




ლამაზი თმა ქალბატონების სავიზიტო ბარათია. გთავაზობთ თმის ცვენის საწინააღმდეგო ხალხურ მეთოდებს:
– 100 გრამ ჭინჭრის ფოთოლს დაასხით 0,5 ლიტრი წყალი და 0,5 ლიტრი ღვინის ძმარი, ხარშეთ ნახევარი საათის განმავლობაში ნელ ცეცხლზე. ამ ნახარშით ძილის წინ დაიბანეთ თავი საპნის გამოუყენებლად.
– დაიბანეთ თმები სუროს ნაყენით.
– წყალში გახსენით თეთრი ქვიშა და ამით დაიბანეთ თმები. შემდეგ ერთი თვის განმავლობაში გამელოტებულ ადგილზე წაისვით რგოლებად დაჭრილი ოდნავ შემწვარი ლიმონი.
თმის ძირების გასამაგრებლად:
– თითო წილ მრავალძარღვას, სალბისა და ჭინჭრის ნარევს დაასხით ერთი ჭიქა მდუღარე წყალი, გააჩერეთ 1 საათი და გაწურეთ. ნაყენს დაუმატეთ შავი პურის გული. თბილი ნაყენი შეიზილეთ თმის ძირებში, მერე თავზე დაიფინეთ პოლიეთილენის პაკეტი და ზემოდან თავსაფარი წაიკარით. ნარევი გაიჩერეთ 2 საათი. შემდეგ თმაზე გადაივლეთ თბილი წყალი და გაიშრეთ.
– მუხის ქერქისა და ხახვის ფურცლების თანაბარ რაოდენობას დაასხით 1 ლიტრი მდუღარე წყალი და ადუღეთ 1 საათი ძალიან დაბალ ცეცხლზე, გააციეთ და გადაწურეთ. მიღებული ნაყენით დაისველეთ თმა. 2 საათის შემდეგ თავი დაიბანეთ თბილი წყლით.
– ხახვის წვენი და თაფლი დააყენეთ წყლით, დაუბანელ თავზე გადაივლეთ (თმა გახშირდება).
– დანაყული ნიორის ქერქი გაგლისეთ ზეითუნის ზეთში. აურიეთ კარგად და წაისვით თავზე. (თმა ამოვა).
– ასევე კარგია თმის ამოსასვლელად იის ზეთი. ზეითუნის ზეთში დაჭყლეტილი, არომატული ყვავილი ჩაყარეთ და დადგით მზეზე 20 დღე. შემდეგ გამოწურეთ.
– მშრალი კანის შემთხვევაში თავი უნდა დაიბანოთ უსაპნოდ, თბილი წყლით, შემდეგ მსუბუქი მასაჟით შეიზილოთ 10–15 წუთის განმავლობაში სუფრის მარილი და ჩამოიბანოთ წყლით. პროცედურა უნდა ჩაიტაროთ 6–ჯერ.
– თმის ცვენის საწინააღმდეგოდ შეგიძლიათ იხმაროთ შემდეგი ნარევი: – 1 წილი კონიაკი, 4 წილი თავიანი ხახვის წვენი, 6 წილი ბარკავას ნახარში (1 სუფრის კოვზი ბალახი ადუღებული 1 ჩაის ჭიქა წყალზე) შეიზილეთ კვირაში ერთხელ.
– მოსალოდნელი გამელოტებისას შეგიძლიათ სვიის გირჩების ნახარში გამოიყენოთ. შვიის გირჩები უნდა შეაგროვოთ აგვისტო–სექტემბერში, მათ სრულ მომწიფებამდე. 1 ჩაის ჭიქა სვიას დაასხით 1 ჩაის ჭიქა მდუღარე წყალი და ადუღეთ 30 წუთი. გაციების შემდეგ შეიზილეთ თავის კანში.
თმის გასამაგრებლად
ერთ მუჭა კომშის ფოთოლს დაასხით 1ჩაი ჭიქა მდუღარე წყალი, შეფუთეთ და 45 წუთი გააჩერეთ. გადაწურეთ და თავზე გადაივლეთ.
ბანანისა და თაფლის ნიღაბი თმის ძირებს ამაგრებს
დაჭყლიტეთ 1 ბანანი, დაამატეთ 2 ჩაის კოვზი დაღერღილი ხორბალი და 50 გრამი თაფლი, კარგად აურიეთ, ვიდრე ერთგვაროვან მასას არ მიიღებთ. წაისვით სუფთა, ტენიან თმაზე და 20 წუთს გაიჩერეთ. ის განსაკუთრებით მარგებელია დაზიანებული და დამწვარი თმისათვის. თაფლი ღერებს ბზინვარებას მატებს, ბანანი ატენიანებს, ხოლო ხორბლის მარცვლები, რომლებიც ვიტამინებით არის მდიდარი, თმას კვებავს.
ნიღაბი თხელი, სუსტი თმისთვის
აურიეთ ერთმანეთში 3 სუფრის კოვზი კონიაკი, 1 სუფრის კოვზი ბირკავას ზეთი, თითო ჩაის კოვზი სიმინდის ზეთი, თაფლი და უმი კვერცხის გული. ნარევი ოდნავ შეათბეთ წყლის აბაზანაზე, შემდეგ ფაქიზად შეიზილეთ თმის ძირებში, დაიხურეთ თავზე საშხაპე ქუდი ან ცელოფანი, ზემოდან კი პირსახოცი შემოიხვიეთ. 1 საათის შემდეგ თავი დაიბანეთ შამპუნითა და თბილი წყლით. პროცედურა ჩაიტარეთ კვირაში ერთხელ 1,5–2 თვის განმავლობაში.
ნიღაბი თხელი, მსხვრევადი თმისთვის
აიღეთ 1 ჩაის კოვზი აბუსალათინის ზეთი; 1 ჩაის კოვზი არყის ხის ფოთლების ნაყენი; 1 ჩაის კოვზი ლიმონის წვენი. ჩამოთვლილი ინგრედიენტები კარგად აურიეთ ერთმანეთს, ცოტა შეათბეთ და შეიზილეთ თავის კანსა და თმაზე. ნიღაბი გაიჩერეთ 30–40 წუთის განმავლობაში და ჩამოიბანეთ.
კარტოფილის ნიღაბი
თმის ცვენის შესაჩერებლად ეფექტურია კარტოფილის ნიღაბი. აიღეთ ერთი ცალი დიდი ზომის კარტოფილი, გახეხეთ, დაუმატეთ 2 სუფრის კოვზი ალოეს წვენი და 20 გრამი თაფლი. მიღებული მასა შეიზილეთ თმის ძირებში. შემდეგ თავზე პოლიეთილენის პარკი ჩამოიცვით და პირსახოცი შემოიხვიეთ. ნიღაბი თმაზე ორი საათი გაიჩერეთ, მერე ჩამოიბანეთ და თავი ჩვეულებრივი შამპუნით დაიბანეთ. პროცედურა ჩაიტარეთ კვირაში ერთხელ მანამ, ვიდრე სასურველ შედეგს არ მიაღწევთ.
კომბოსტოს ლოსიონი
თმის ძირებს ძალზე კარგად კვებავს ეგრეთ წოდებული კომბოსტოს ლოსიონი. მის მოსამზადებლად აიღეთ კომბოსტო და ოხრახუში თანაბარი პროპორციებით. დაასხით 300 გრამი ადუღებული წყალი. მომზადებული ნაყენი 6 საათი გააჩერეთ და დაბანამდე 30 წუთით ადრე კარგად შეიზილეთ თმის ძირებში.
ცხიმიანი თმებისთვის
შეიზილეთ ლიმონის წვენი სუფთა თმის ძირებში და 30 წუთის შემდეგ ჩამოიბანეთ.
მბზინავი და დამჯერი თმა
ეს ნიღაბი თმებს მატებს ბზინვარებას, ხდის დამჯერს და საგრძნობლად ალამაზებს. ამისათვის დაგჭირდებათ 1 ჩაის კოვზი კონიაკი, აბუსალათნის ზეთი და ლიმონი. კარგად აურიეთ და თმის ძირებში შეიზილეთ. ჩამოიცვით პოლიეთილენის პარკი, შემოიხვიეთ პირსახოცი და 4 საათი გაიჩერეთ. შემდეგ ჩამოიბანეთ. ნიღაბი ეფექტურია, თუ მას კვირაში ერთხელ გაიკეთებთ.
სამკურნალო ნიღაბი
1 სუფრის კოვზი კონიაკი, 1 კვერცხის გული, 1 ჩაის კოვზი ნატურალური თაფლი. კარგად აურიეთ და მიღებული მასა დაბანამდე 15 წუთით ადრე კარგად შეიზილეთ.
თმის სწრაფი ზრდისთვის
გათქვეფილ 1 კვერცხის გულს დაუმატეთ 1 სუფრის კოვზი ზეითუნის ზეთი, ათი წვეთი ვიტამინი (ზეთოვანი ხსნარი) და 50 გრამი სპირტი ან არაყი. მიღებული მასა თმის ძირებში შეიზილეთ და ჩამოიცვით პოლიეთილენის პარკი. გაიჩერეთ 1 საათი და ჩამოიბანეთ. ნიღაბი კვირაში ერთხელ კეთდება. ერთი თვის განმავლობაში.
აღმდგენი
კვირაში ერთხელ თმაზე დაიდეთ 150 გრამი იოგურტი და შემთბარი პირსახოცი შემოიხვიეთ. ჩამოიბანეთ 20 წუთის შემდეგ.
ფაფუკი თმები
200 გრამი დაქუცმაცებულ არყის ხის ფოთლებს დაასხით 1 ლიტრა ადუღებული წყალი და დაბალ ცეცხლზე, თავდახურული 10 წუთი ადუღეთ. შემდეგ ცეცხლიდან გადმოდგით და 4–5 საათით თბილ ადგილას გააჩერეთ. გადაწურეთ და გადასავლებ წყალში ჩაუმატეთ (200 მილილიტრი – 2 ლიტრზე), გადაივლეთ დაბანის შემდეგ.
































ტექსტის სანახავად გაიარეთ რეგისტრაცია.