გაუფრთხილდით კბილის სიქათქათეს



სპეციალისტებმა გამოავლინეს სასმელები და პროდუქტი, რომლებიც კბილებს ფერს უცვლიან, თუმცა ეს არ ნიშნავს, რომ მათზე უარი უნდა თქვათ, უბრალოდ, უმჯობესია მათ თვისებებზე ზოგი რამ მანამ გაიგოთ, ვიდრე კბილების გათეთრება დაგჭირდებათ.

ჩაი - მართალია, ამ სურნელოვან სასმელს ბევრი დადებითი თვისება გააჩნია, მაგრამ მაგარი ჩაის მოყვარულები კარგად უნდა დაფიქრდნენ. ჩაიში დიდი რაოდენობით შემავალი ტანინები აძლიერებენ მის პიგმენტაციის უნარს, განსაკუთრებით, თუ ძალიან ცხელს მიირთმევთ. ბევრად უწყინარია ღია ფერის ჩაი.

თუმცა იგივე ტანინები აფერხებენ იმ ბაქტერიების გავრცელებას, რომლებიც პირის ღრუში კარიესსა და უსიამოვნო სუნს წარმოქმნიან. ბალახეული ჩაის საღებავი თვისებები მათ სახეობებზეა დამოკიდებული, თუმცა გვირილა და ცაცხვი, რომლებსაც ბაქტერიოციდული თვისებები აქვთ, ამ მხრივ არათუ უვნებელი, სასარგებლოცაა.

ყავა. ბევრს ვერც კი წარმოუდგენია დილა ყავის გარეშე. ნადები კბილებზე გრანულებიანი ხსნადი ყავის მოყვარულების სასჯელია, ამ მხრივ საფრთხე ნაკლებად ემუქრება მათ, ვინც ნალექიან, ნატურალური მარცვლების ყავას ანიჭებს უპირატესობას. ყავის საღებავი თვისებების შემცირება შეიძლება მასში ნაღების ან რძის დამატებით, იგივე ითქმის ჩაიზეც.

თეთრი და წითელი ღვინო შეიცავს მჟავებს, რომლებიც უფრო ასუსტებენ კბილის მინანქრის საღებავი ნივთიერებებისადმი წინააღმდეგობის უნარს და საღებავი ნივთიერებებიც უფრო ადვილად ასრულებენ თავის "შავბნელ" საქმეს.

გაზიანი სასმელები. მათში შემავალი მჟავები, შაქარი და საკვები საღებავები მომაკვდინებლად მოქმედებს კბილების მინანქარზე. სხვათა შორის, არც მოხდენილი გარეგნობისთვის მოაქვთ სიკეთე, რადგან შეიცავენ კონსერვანტებს, დამატკბობლებს, არომატიზატორებს, ემულგატორებს, სოდას, კოფეინს, ასევე კანცეროგენულ ნივთიერებებსა და სხვა არცთუ უსაფრთხო სტიმულატორებს. ასევე მავნებელია გაზი, რომელიც კუჭის ლორწოვან გარსს აღიზიანებს.

ბროწეულის წვენი. მიუხედავად იმისა, რომ უამრავ სასარგებლო მჟავებს შეიცავს, უკიდურესად აგრესიულად მოქმედებს კბილის მინანქარზე. ამიტომ უმჯობესია, ბროწეულის წვენი წყალთან გაზავებული ან წვენის სასმელი მილაკით მიირთვათ.
სოიის სოუსი და სოუსი ნარშარაბი, ასევე ძმარი ბალზამიკო კბილის მინანქარს მუქი ლაქებით "ამკობენ".

კენკროვანები. მოცვი ყველაზე მეტად უცვლის ფერს კბილის მინანქარს. რამდენადაც სასარგებლოა მხედველობისთვის, იმდენად მავნეა კბილებისთვის. ამავე ჯგუფში არიან ალუბალი, მუქი ჯიშების ყურძენი, შტოში, ლურჯი მოცვი. კბილის მინანქრისთვის მათი მავნებლობა განპირობებულია, ისევ და ისევ, მათში მჟავებისა და საღებავი პიგმენტების შემცველობით.

ჭარხალი, ცნობილი ბუნებრივი საღებავია, რა თქმა უნდა, შეუძლია, კბილის მინანქარსაც შეუცვალოს ფერი. კბილების ხელოვნურად გათეთრების შემდეგ სტომატოლოგები პაციენტებს ურჩევენ, პირველი სამი კვირის განმავლობაში თავი შეიკავონ ჭარხლისა და სტაფილოს გამოყენებისგან.

შავი შოკოლადიც მოხვდა ამ სიაში, არადა, შოკოლადი გუნება-განწყობის გამოსაკეთებლად საუკეთესო საშუალებაა.

კარი. ამ მკვეთრ ყვითელ სანელებელს ჩვენში იშვიათად იყენებენ, ამიტომ მისი საღებავი თვისებების შესახებ ნაკლებადაა ცნობილი. ასე რომ, ეგზოტიკურ ინდურ, ჩინურ ან მექსიკურ რესტორნებში სტუმრობის შემდეგ, სასურველია, პირის ღრუში წყალი გამოივლოთ
































ტექსტის სანახავად გაიარეთ რეგისტრაცია.