მშრალის კანის მოვლა ზამთარში



ბანანი ქერტლის წინააღმდეგ

ბანანი დიდი რაოდენობით კალიუმს შეიცავს. ის აწესრიგებს ნახშირწყლოვან, მარილოვან და წყალმარილოვან ცვლას. კალიუმის ნაკლებობის გამო თმა უსიცოცხლო, მტვრევადი ხდება და ქერტლი წარმოიქმნება. დღეში სამი ბანანი თქვენს თმას ბზინვარებას, მიმზიდველობას დაუბრუნებს და ქერტლი უკვალოდ გაქრება. უპირატესობა არა მოზრდილ, ყვითელ ბანანს, არამედ პატარა, მომწვანოს მიანიჭეთ, რადგან კალიუმი ასეთში უფრო მეტია.

სტაფილო აქერცვლადი კანისათვის

მშრალი, აქერცვლადი კანი, რომელიც შეწითლებულია და ალერგიისკენაა მიდრეკილი, ყველაზე ხშირად A ვიტამინის დეფიციტზე მიუთითებს. სტაფილო დიდი რაოდენობით კაროტინსა და უჯრედისს შეიცავს, რომლებიც ხელს უწყობს კანის ჯანმრთელობის სტაბილიზაციას, ასწორებს მის სტრუქტურას და აჯანსაღებს ფერს.

A ვიტამინის სიჭარბე, თავის მხრივ, კანის სიყვითლეს იწვევს. ამდენად, ოპტიმალური ვარიანტია, დღეში მხოლოდ ერთი, საშუალო ზომის სტაფილო მიირთვათ. სჯობს, ის სადილის ან ვახშმის წინ ჭამოთ, თანაც სალათის სახით და ზეითუნის ზეთით შეაზავოთ.

ხორცი მოდუნებული კანისთვის

მხოლოდ ხორცეულს (საქონლის, ღორის, ქათმის) შეუძლია, ორგანიზმს მიაწოდოს საჭირო რაოდენობით ცხოველური ცილა. ცილის ნაკლებობის შემთხვევაში კანის ტონუსი ქვეითდება, გაცილებით მომჩვარული და ნაოჭიანი ხდება. ამდენად, ელასტიკურობისა და სიგლუვის დასაბრუნებლად დღეში 100-150 გრ ხორცის მირთმევაა საჭირო, განსაკუთრებით - 25 წლის ასაკის ზემოთ, როცა კანის უჯრედებში კოლაგენის გამომუშავება მცირდება.

გრეიპფრუტი კანის სიკაშკაშისთვის

ეს ციტრუსი უამრავ C ვიტამინს შეიცავს, რომელიც კოსმეტოლოგიაში მთავარი ანტიოქსიდანტია. მისი ნაკლებობის შემთხვევაში ორგანიზმში ყველა პროცესის ინტენსივობა მცირდება, თავს იჩენს დაღლილობა და კანში სისხლის მიმოქცევის პროცესი ირღვევა.

C ვიტამინის გარდა, შეიცავს ეთერზეთებს, რომლებიც კანს არაჩვეულებრივ ელფერსა და სიკაშკაშეს სძენს, ხელს უწყობს საჭმლის მონელების პროცესს და ნივთიერებათა ცვლას ასტიმულირებს. ნახევარი გრეიპფრუტი საუზმის წინ, ჭიქა ახალგამოწურული წვენი სადილის წინ და საკუთარ კანს ვეღარ იცნობთ
































ტექსტის სანახავად გაიარეთ რეგისტრაცია.