გავუფრთხილდეთ ხელებს (ხელების მოვლა)



ყველა ქალს სურს ლამაზი, მოვლილი ხელები და ჯანმრთელი ფრჩხილები ჰქონდეს. თანამედროვე სილამაზის სალონები მომსახურების ფართო სპექტრს გვთავაზობენ, თუმცა ეფექტურობის მიღწევა შინაურ პირობებშიც შეიძლება. იმისათვის, რომ ხელების კანი იყოს მუდამ ნაზი და ხავერდოვანი, დაიცავით შემდეგი წესები:

- კანი რომ გამოშრობის, დასკდომისა და გაუხეშებისგან დაიცვათ, მოერიდეთ ცხელ და ძალიან ცივ წყალს. გამოიყენეთ მხოლოდ თბილი წყალი;

- ყინვისას გარეთ თბილი ხელთათმანების გარეშე ნუ გახვალთ;

- ულტრაიისფერი სხივები აზიანებს და აბერებს კანს, ამიტომ არ დაგავიწყდეთ მზისგან დამცავი კრემების ხმარება;

- იმისათვის, რომ იდაყვებთან კანი არ გაუხეშდეს, გაიკეთეთ თბილი მცენარეული ზეთის აბაზანები. ჩაასხით ზეთი პატარა ლამბაქებში და ჩაყავით იდაყვები 5 წუთით, შემდეგ გაიხეხეთ პემზით და წაისვით ნებისმიერი მკვებავი კრემი; შხაპის მიღების დროს კი იდაყვები ქისით გაიხეხეთ, კარგად გაიმშრალეთ და კრემი წაისვით.

- თუკი ხელებზე ბებერები გაგიჩნდათ, საპნისა და სოდის აბაზანები მოგიხდებათ: ერთმანეთს შეურიეთ ერთად 1 ჩ/კ სასმელი სოდა, 2 ჩ/კ ნიშადურის სპირტი, 1 ჩ/კ გახეხილი საპონი და 1 ლ წყალი. გააჩერეთ ამ ნარევში ხელები 15-20 წუთით, შემდეგ გაიმშრალეთ და პემზის ქვით გაიხეხეთ.

- არ გამოიყენოთ იაფფასიანი და მკვეთრი სუნის მქონე საპონი.

- არ დაგავიწყდეთ ხელის დაბანის შემდეგ კრემის წასმა, საღამოს კი - კონტრასტული აბაზანა.

კვირაში ერთხელ ან ორჯერ აუცილებელია ხელების პილინგის გაკეთება. ამით მოიცილებთ მკვდარ უჯრედებს და ამდენად, კრემი უკეთ შეიწოვება კანში. ამავე მიზნით სახის "სკრაბის" ან პილინგის სხვა საშუალებების გამოყენებაც შეგიძლიათ. მაგალითად, 1 ჩ/კ შაქრის ფხვნილი აურიეთ 2 ჩ/კ მცენარეულ ზეთში. ნარევი ხელებში იზილეთ ორი წუთის განმავლობაში, შემდეგ თბილი წყლითა და საპნით ჩამოიბანეთ. პილინგის შემდეგ აუცილებელია რომელიმე კრემის წასმა. ეს შეიძლება იყოს როგორც ხელის, ასევე

მაღალი ცხიმიანობის მქონე სახის კრემი. თუ ამ პროცედურის შემდეგ ბამბის ხელთათმანებსაც გაიკეთებთ და 2 საათით გაიჩერებთ, ეფექტით აღფრთოვანებული დარჩებით. კრემი უმჯობესია სამასაჟო მოძრაობებით შეიზილოთ - თითებიდან ხელის ზურგამდე. თითოეულ თითს ყოველი მხრიდან უნდა წაუსვათ კრემი. ხელისგულზე კრემის წასმა არ არის აუცილებელი. ძალიან კარგ შედეგს იძლევა საღამოობით ხელების თბილი წყლის ნაკადის ქვეშ ჯაგრისით გახეხვა და შემდეგ ხელის კრემის შეზელა.

შინაურ პირობებში დამზადებული ხელის კრემის რეცეპტები

- 1 ს/კ ნებისმიერ ბალახს (გვირილა, ორკბილა და ა.შ.) დაასხით 1 ჩ/ჭ მდუღარე წყალი და 8-9 საათით თავდახურულ ჭურჭელში გააჩერეთ. 50 გ კარაქი გაადნეთ 1 ჩ/კ თაფლთან ერთად, დაუმატეთ 1 ჩ/კ ბალახეული ნაყენი და კარგად აურიეთ.
- ნახევარი ჩ/ჭ არაჟანი კარგად ათქვიფეთ 2 კვერცხის გულთან ერთად. დაუმატეთ ნახევარი ლიმონის წვენი და 2 ს/კ სპირტი ან კონიაკი.
- ასევე შეგიძლიათ ერთმანეთს შეურიოთ 50 გ გლიცერინი, 50 გრამი ნაღები და რამდენიმე წვეთი ლიმონის წვენი

































ტექსტის სანახავად გაიარეთ რეგისტრაცია.