კარგად რომ გამოიყურებოდეთ, პირველ რიგში ნერვული სისტემა უნდა გქონდეთ წესრიგში. ეცადეთ, არასოდეს დაკარგოთ წონასწორობა, ნებისმიერ დროს შეინარჩუნოთ სიმშვიდე, შეძლებისდაგვარად აუღელვებლად შეხვდეთ სხვადასხვაგვარ უსიამოვნებას...
ამ ყველაფერს იოლად მიაღწევთ, თუ სიტუაციის საღად შეფასებასა და გარშემო მყოფებთან ნორმალური, ცივილიზებული ურთიერთობის დამყარებას ისწავლით.
კარგი გარეგნობის შესანარჩუნებლად, ასევე დიდი მნიშვნელობა აქვს ნორმალურ ძილს. სასურველია ადრე დაიძინოთ და შესაბამისად, დილითაც ადრე ადგეთ; რაც შეიძლება, მეტი დრო გაატარეთ სუფთა ჰაერზე; ხშირად გაანიავეთ ბინა, განსაკუთრებით, საძინებელი ოთახი.
საწოლ ოთახში ტემპერატურა 17 გრადუსს არ უნდა აღემატებოდეს; ნუ დაიძინებთ ზედმეტად რბილ ბალიშსა და ლეიბზე; ყოველდღიურად, ჭამამდე, ცოტაოდენი ივარჯიშეთ - ისე, რომ არ გადაიღალოთ; მკაცრად დაიცავით პირადი ჰიგიენა; ჩაიცვით ყოველთვის შესაბამისად; იკვებეთ ერთსა და იმავე დროს, თანაც ისე, რომ კუჭი არ გადაიტვირთოს. შეწყვიტეთ ჭამა მანამ, ვიდრე დანაყრდებოდეთ.
×