მოახლოვდა ცივი სეზონი, რაც თმას განსაკუთრებულ დისკომფორტს უქმნის და თუ ამას ემოციური სტრესიც ემატება, ეს კანის მგრძნობელობას უფრო ამძაფრებს. ამას ემატება გამათბობლებისგან გამომშრალი ჰაერი, ტემპერატურის სხვაობა, ხისტი წყალი...
როგორ მოვიქცეთ? თმის დამამშვიდებელმა საშუალებებმა უკვე მრავალი თაყვანისმცემელი შეიძინა. მათი მსუბუქი და რბილი კომპონენტები დაჭიმვასა და ქავილს ხსნის. ისინი ნატურალურ მცენარეულ ექსტრაქტებსა და ეთეროვან ზეთებს შეიცავს. თმის მოვლაში მცენარეებს განსაკუთრებული როლი აკისრიათ
მცენარეთა ენერგია თმის გასამაგრებლად
ლამაზი და მბრწყინავი თმის საიდუმლო არა მხოლოდ მათ სწორ მოვლაში, კარგ კვებაშიც არის. ნატურალურ ესენციებზე დამზადებული თმის მკვებავი საშუალებები კარგ ეფექტს იძლევა.
ალოე თმას ატენიანებს და მის სტრუქტურას აუმჯობესებს. კონდიციონერის შემადგენლობაში შემავალი ამ მცენარის ფოთლების გელი თმას არბილებს, აფუებს და დამყოლს ხდის.
ავოკადო თმას განსაკუთრებულ ბრწყინვალებას ანიჭებს. ავოკადოს ზეთი კარგად შეიზილეთ თმის ძირებში და სავარცხლით მთელ სიგრძეზე გაანაწილეთ.
გარგარის ზეთი მასში შემავალი რკინის მეშვეობით თმას ჟანგბადის უკეთ ათვისებაში ეხმარება და გაყოფილი ბოლოების კარგი პროფილაქტიკური საშუალებაა.
ჟენ-შენი თმის ქერცლიან ზედაპირს ასწორებს. მდიდარია გამწმენდი ნივთიერებებით და თხელი თმის მოვლაში შეუდარებელია. კრაზანა თავის კანზე დამამშვიდებლად მოქმედებს, აშორებს ქერტლს და მისი გაჩენისგან იცავს.