"იდეალური პრესის ჩემეული საიდუმლო – ცეკვებია. მუცლის კუნთებიც ტონუსშია და თავად მეც!" (ჯენიფერ ლოპესი)
"დიეტა" ლამაზი პრესისთვის
ფიტნეს-ინსტრუქტორები ამბობენ: თუ კვებას წესრიგში არ მოიყვანთ, ყოველდღიური ვარჯიშიც არაფერს უშველის თქვენს მუცელს. მაშ, როგორია სწორი კვება ბრტყელი მუცლისთვის?
ვითვლით კალორიებს! დღის რაციონის კალორიულობა არ უნდა იყოს 1200-1500-ზე ნაკლები და არ უნდა აღემატებოდეს 1800-2000-ს.
დაიცავით რეჟიმი! რეკომენდებულია მცირე ულუფებით კვება დღეში ხუთჯერ: სამი ძირითადი და ორი წახემსება სადილსა და ვახშმამდე 2-2 საათით ადრე. თითოეული პორციის მოცულობა არ უნდა აღემატებოდეს 200 გრამს. ეს საკმარისია იმისათვის, რომ დაიკმაყოფილოთ შიმშილის გრძნობა და არ გადაძღეთ.
მივირთმევთ! ახალ და მოხარშულ ბოსტნეულს, ხილს, ჩირს, თაფლს, კენკრას, თხილეულს, უცხიმო რძის პროდუქტებს, კვერცხს, თევზს, ზღვის პროდუქტებს, უცხიმო ხორცს, ხორბლის პურს, შვრიას, ბურღულეულს, მარცვლეულს, ზეითუნის ზეთს.
ვსვამთ! უშაქრო ახალგამოწურულ წვენებს, უგაზო მინერალურსა და ჩვეულებრივ, ონკანის წყალს.
არ ვჭამთ! შებოლილს, მარილიანს, ცხიმიან ხორცს, ძეხვს, საკონდიტრო ნაწარმს, ცომეულს, მაიონეზს, კეტჩუპსა და ფასფუდს.
არ ვსვამთ! ალკოჰოლს, გაზიან სასმელებს.
გავათამამოთ თავი! კეტი პერის მსგავსად, ავიღოთ კვირაში ერთი დღე ჰამბურგერებისთვის, მივირთვათ სადილად ან საუზმედ რაიმე აკრძალული სიიდან.
"ყოველთვის ვეუბნები ჩემს კლიენტებს, რომ ლამაზი პრესი 75 პროცენტით დამოკიდებულია დიეტაზე. სვით ბევრი წყალი, უარი თქვით რაფინირებულ პროდუქტებსა და ნახევარფაბრიკატებზე, უპირატესობა მიანიჭეთ ორგანულ ხილსა და ბოსტნეულს. ბრტყელი მუცლის ტოპ-5 პროდუქტია – შვრია, ვაშლი, გრეიპფრუტი, კვერცხი და ქათმის მკერდის ხორცი კანის გარეშე" (ჰოლივუდის ფიტნეს-ინსტრუქტორი ჯეკი უორნერი).
აქვე გთავაზობთ ვარჯიშების კომპლექსს, რომელსაც დღეში 10 წუთით თუ გააკეთებთ, სულ მალე იდეალური მუცლის პრესი გექნებათ
წყარო