ვარცხნილობები სახის ფორმის გათვალისწინებით



ქალის გარეგნობაში ვარცხნილობას ერთ-ერთი უდიდესი მნიშვნელობა აქვს. ალბათ მარტივად ასხვავებთ დღეებს, როდესაც კარგად და ცუდად გამოიყურებით. ჩვენ მოგცემთ რამდენიმე სასარგებლო რჩევას იმისთვის, რომ ცუდად არასოდეს გამოიყურებოდეთ. პირველი და ყველაზე მნიშვნელოვანი არის შეარჩიოთ სწორი სტილი და გაითვალისწინოთ სახის მოყვანილობა. თუ თქვენ გსურთ ისეთი ვარცხნილობა გქონდეთ, როგორიც თქვენს მეგობარს, მისი კოპირება არასდროს გაბედოთ, რადგან შეიძლება ძალიან არ მოგიხდეთ. სანამ სტილსა და ვარცხნილობას აირჩევთ, გაიგეთ როგორი ფორმის სახე გაქვთ, ყველაზე გავრცელებულია ოთხის სახეობა: მრგვალი, ოვალური, გულის ფორმის და ოთხკუთხედი. განვიხილოთ თითოეული მათგანი:

1- მრგვალი

ადამიანები, რომელთაც სახის მრგვალი გარშემოწერილობა და ფართე ყბები აქვთ თმები უნდა შეიჭრან ასიმეტრიულად, არათანაბრად. ეცადეთ დახვეული თმა არ ატაროთ და სწორი თმა სახეზე ჩამოიყარეთ.

2- ოვალური

თუ ამ კატეგორიაში მოხვიდთ, ე.ი. ოვალური სახე და შეკრული წარბები გაქვთ. ამ ტიპის სახის მქონე ქალბატონებმა ირიბად აჭრილი ბუნებრივად დატალღული თმა უნდა ატარონ. თუ თმა აჭრილი გაქვთ, ეცადეთ თმის გარკვეული ფენა ლავიწის ძვლამდე გწვდებოდეთ, ეს სახის ნაკვთებს უფრო ნაზს გამოგიჩენთ. გაითვალისწინეთ, რომ გრძელ სახეს უხდება თმა მხრის სიგრძემდე, გაიკეთეთ ბუნებრივი ხვეულები და შეუდარებელ ეფექტსაც მიიღებთ.

3- გულის ფორმის

თუ თქვენ ფართო სახე გაქვთ და გაცილებით ვიწრო ყბა ე.ი. გულის ფორმის სახე გაქვთ. მოკლედ შეჭრილი თმა, რომელიც ყბასთან მთავრდება ხაზს გაუსვამს თქვენი სახის სამკუთხედ ფორმას. ასეთი სახის ფორმის მქონე ქალბატონებისთვის მოკლედ შეჭრილი თმა საუკეთესო გამოსავალია, მაგალითად ისე, როგორც ქერი მულიგანს აქვს.

ეს სტილი ხელს შეგიწყობთ სახის ფორმა უფრო მრგვალი გახადოთ და ვიწრო ყბები ძალიან შესამჩნევი არ იყოს. მათთვის , ვისაც გრძელი თმა აქვს გამოსავალი დატალღული ვარცხნილობაა, რომელიც შეგივსებთ ნიკაპის ფორმას. იმისათვის, რომ სახის სამკუთხედი ფორმა ძალიან არ გამოიკვეთოს თქვენი კულულები ყურს ქვემოთ უნდა იწყებოდეს .

4- ოთხკუთხედი

ამ შემთხვევაში თქვენ კვადრატული სახის ფორმა გაქვთ, სადაც სიგრძე და სიგანე თითქმის ერთია. მოკლედ აჭრილი თმა სახის ამგვარი ფორმისთვის ნამდვილი მისწრებაა. ამგვარი ვარცხნილობით შეძლებთ დაივიწროვოთ სახის კონტური. თუ გრძელი თმის მატარებელი ხართ აჩეხილი თმა კარგი გამოსავალია, მაგრამ ეცადეთ თმის გარკვეული ფენა ნიკაპთან მოაქციოთ.

აუცილებლად გაითვალისწინეთ თმის მოდის ტენდენციები. ყველაფერი იცვლება, მაგრამ თქვენი სახის ფორმა იგივე რჩება, სანამ ახალ სტილს მოსინჯავთ, ყოველთვის დარწმუნდით მოგიხდებათ თუ არა ის.


წყარო: lollipop.ge
































ტექსტის სანახავად გაიარეთ რეგისტრაცია.